Ka Nupepa Kuokoa, Volume XXVII, Number 19, 12 May 1888 — Page 1

HOOLAHA KUMAU

 

GEORGE @KAM@OHA.

 

He Loio a he Kokua ma ko Kanawai.

 

A He Mea

 

ANA AINA.

K@ Kahala Akau, Hawaii.

2091-@

 

VOLNEY VAILLANCOURT ASHFORD.

AKEPOKA.

 

H@ Pale @ Kanawai. Kokauolelo, Lunahooponopono a me ka hana ana i na P@

HAWELAWE H@ O NA AHA PAU O KE AUPUNI.

@ hana ia @ Palapala pili Ka@

Keena Haoa Ho@ Manui Kalepa, Honolulu Hale @

A ROSA. (AKONI.)

 

LOIO A HE KOKUA MA KE KANAWAI.

He Luna Hooiaio Palapala.

KEENA HANA:  Ma ke Keena Loio Kuhina @

CECIL BROWN.

LOIO A HE KOKUA MA KE KANAWAI?

@ Hooiaio Palapala no ka @ kupuni o Oahu

KEENA HANA:  Ma alanui Kalepa. @

WILLIAM C. ACHI.

Loio a he kokua ma ke kanawai imua o na Aha a pau o keia Aupuni.  He Mea Ana Aina a he @ ma na waiwai paa.  Keena Hana, Helu @, Alanui Kaahumanu Honolulu, oia ke Keena mua iho nei o Kini me Peterson.  2114-y

JOHN MAHIAI KANEAKUA.

LOIO A HE KOKUA MA KE KANAWAI.  HE MEA @OLELO MA KA OLELO BERITANIA A ME KA OLELO HAWAII. 

Keenu Hana, maluna ae o ka Banako o @ ma.

S. K. MAHOE.

LOIO A HE KOKUA MA KE KANAWAI.

He @ Hooiaio Palapala Kope no ka Mokupuni o Oahu.

He @ Hooiaio Palapala @ Paa hana ne ka Apana o Waialua, Oahu.  E @ ma Waialua, Oahu  2128-@y.

JAMES M. MONSARRAT.

(MAUNAKEA.)

LOIO A HE KOKUA MA KE KANAWAI

He Luna Hooiaio Palapala.

E hana ia no na Palapala Kuai, Palapala Hoolimalima, a me na palapala pili kanawai e me ma ka olelo Hawaii.  @ no ka honie ma ka mo@ ma na waiwai paa.

KEENA HANA Alanui Kalepa.

W. A. KINNEY, (Kini.)

LOIO

Keena hana ma ke Keena o @ A. Makuna, @ Helu @ Alanui Kalupa.  1y

W. O. SMITH.

Loio ma ke Kanawai.

Helu @ Alanui Papu, Honolulu @ 4 1y

W R. KAKELA.

LOIO A HE KOKUA MA KE KANAWAI

Ho Luna Hooiaio Palapala.

M. THOMPSON,

LOIO MA KE KANAWAI.

Keena Hana, aia ikana o ka Hale Pehaku o K@ Campble, kihi o na alanui Papu me Kalepa, Honolulu.

HE LOIO IMUA O NA AHA.

Ina i makemakeia, alaila e haawi no oia kona manao kanawai ma ke kakau ana ma ka pepa, o ke ano o ka hihia e manaoia ana e hoopii maluna o na olelo ike e waiho ia mai ana e ka mea nana ka hihia.  2121-1y.

WILDER & CO. (WAILAMA.)

Mea kuni papa a me na lake kukulu hale ma uno a pau, a me na me ne pono a pau no ka hale.

Kihi Alanui Moiwahia me Papu.

E G. HITCHCOCK. (AIKUE @KOKI).

LOIO, A KOKUA MA NA MEA A PAU E PILI ANA MA KE KANAWAI. 

E ohi ia mo na @ila Aie me ka awiwi

HILO, HAWAII    2114 – 1yr.

HOOLAHA.

G. W. A. HAPAI.

He Luna Hooko @

A HE

AGENA HOOIAIO PALAPALA.

E loaa no ma Hilo iaona, Hawaii, ma na manawa a pau.  21@ - 1y

WILLIAM McCANDLESS.

HALEKUAI BIPI O WILIAMA MA KALALENA ma Ulakoheo.  Na ano Bipi a me na ia a pau o ka makeke no na kamakuai oluolu.  UalaKahiki a pela ku.  2902 – 1y.

 

Ka Nupepa Kuokoa

KE KILOHANA POOKELA NO KA LAHUI HAWAII.

 

HE MOOLELO WALOHIA

 

MINEWA

Ka Nani.

 

Ui Aloha Kamahao.

 

Manu aloha Lawe Leta,

 

Ka Lio Maalo pu me ka Mahina.

 

Unuhiia no ka Nupepa Kuokoa.

I A WA, pane aku la o Minewa, e ka wahine lokoino, aole maua i hele mai ma keia aina mamuli o ko maua manao maoli iho, aka, mamuli no ia o kekahi mea a maua i ike ole ai mamua.  Pane aku la ua wahine lokoino ala e ka wahine opio waha maalea, no ke aha la oe i hoike mai ai i ka olua mea e kamailio mai nei.  Nolaila, ke olelo uku nei au ia olua, ano, e paa ana olua ia’u iloko o ka halepaahao, a ilaila olua e uwe ai a e uwi ai ko olua mau niho.  Pane akula o Minewa, e ka wahine lokoino, aohe a’u mea nui e ai e kamaiiio aku ai ia oe, o kou hana wale aku no e like me kou makemake, oiai, us ike le’a aku la au ia oe he wahine lokoino loa oe, aole au e kapa aku ana ia oe he wahine maikai oe, aka, he wahine ino loa oe.  I ka lohe ana o ua wahine la i keia mau huaolelo, ia wa koke no oia i hoohuli mai ai i kona kamaa lele a poholo ana ua Minewa la a me kana kauwa iloko o ka opu kamahao o ke kamaa.  Ia laua nei i nalo aku ai, ia wa koke no i nalo aku ai ua luahine inomo la no ka aina i kapaia ka aina pahaohao elua o Militurino.  He mea e papalua ia iho ai o ka eha eha maluna o kaua e ka mea heluhelu ke komo lehulehu ana o ka kaua kama lei iloko o na poino a me na popilikia he nui loa, aka, aole ia he mea nou e kanalua ai e ka mea heluhelu oiai, ina aku no mamua kahi i waiho mai ai o ka lanakila kamahao.  Ma keia nalo ana o Minewa ma, ua hoopaa ia aku la laua a elua iloko o ke kahi halepaahao paa loa, aole mea hiki ilaila, aohe akamai aohe kilokilo, aohe hoi he kupua nui e hiki e kiei a e kilohi i kona mau paia o ua hale kamahao ala.  Oiai nae o Minewa a me kiana kauwa e noho ala me ke kamuhu malu ana no keia poino lehulehu i kau iho maluna o laua a i kekahi po, oiai no laua e nune kamailio ana no keia mea aia hoi, me he olapa ala na ka uwila ika ae la o Minewa a me kana kauwa i ke poha ana mai o kekahi malamalama kamahao a ike aku la laua i kekahi Bea hulu hulu e kakau ana ma na paia o ua hale hoanoano ala penei:  “Edurino nisa Viora Umetuer Ziro.” I ko Minewa ike ana i keia mau hua olelo a me ka hapa wawae bea e kakau ana i keia mau huaolelo kamahao, ilihia iho la oia a makau, a kulou iho la kona poo ilalo a me kana kauwa.  Ia laua e kuloa ana me ka ilihia a ia laua i nana hou aku ai, aia hoi ike aku la laua i kekahi manu hulu nani loa i ka oili ana ae ma kekahi aoao a nalo aku la ma kekahi aoao.  I kela wa, huli ae la ua Minewa la a pane aku la i kana kauwa penei:  Heaha ke ano o keia mau hua e kakau mai la?  Pane aku la o Kalolina, ua hele au ma na kula naauao a ua ike au i na ano hua a pau, a pela wau e olelo aku nei ia oe, o ke ano o kela mau huaolelo penei no ia:  “Maluna o ko’u wahi moe, imi au i ka’u aloha aole i loaa.”  He oiaio anei kau mea e ole mai nei ia’u?  wahi a Minewa i hoomaopopo aku ai.  Ae oia maoli no ka manao oiaio maoli o kela mau huaolelo aole o kekahi mea okoa e ae.  Ia wa, pane aku la o Minewa, e kuu kauwa maikai, aohe mea e ae ka mea nona keia hapa pulima e kau nei, aka, no’u no, oiai aohe mea e ae i aloha no kekahi mea owau wale no, a owau wale no hoi ka mea i aloha wale iho no me kia loaa ole o ka’u mea i aloha ai.  Oiai no laua e noho ana me ka nune ana no keia mau mea, aia hoi kapalulu ana kekahi mea ma ka aoao o ka lumi a laua nei e noho ana.  Pane ae la o Kalolina, auwe, heaha la keia mea a’u e lohe nei i ke kapalulu.  Pane aku la ua Minewa la e kuu hoaaloha maikai, mai kanalua kou manao a mai lelele kou oili, no ka mea, malia he mea paha kena no kaua e pomaikai ai.  Ia laua no e kamailio ana kani mai la ua mea ala e like me ka leo o ka ma nu aloha.  Ia wa, pane ae la o Karolina, auwe he manu aloha ka.  I kela wa, lele ae la ua manu la maluna o laua nei me kani kapalili ana o kona leo.  No kekahi mau sekona keia lele ana ae o ua mau manu ala kuu iho la ua manu ala maluna o Minewa a pane iho la oia e like me ka leo kanaka penei:  Aloha oe.  Huli ae la o Minewa a nana ae la iluna me ka pane ana ae.  Mai hea mai oe?  Pane aku la ua manu aloha ala aole au ninau mai ia’u no ia mau mea, oiai, oia mau mea a pau aole ia o ka’u mea i hele mai nei, o ka’u wale no ia oe, e ninau aku ana au ia oe e ae mai oe i ko’u manao.  Heaha ia manao ou e kuu hoaloha maikai, oiai, ua makemake au e kamailio maikai me oe.  Pane aku la ua manu aloha ala, e ka wahine maikai, ua aloha au nou, a ke noi aku nei au ia oe, aole anei oe e ae mai e lilo oe i aikane na’u.  Pane aku la o Minewa, aohe a’u mea nui e ae e kamailio aku ai, o ka ae wale aku no e like me kau noi.  Pane aku la ua manu aloha ala ano e kuu aikane, ua ae mai la oe i ko’u makemake a oiai ua ae mai la oe me ka maikai, eia ka’u ia oe, ke mau nei no anei kou aloha kupanaha ana i keia manawa?  Ae wahi a Minewa i pane aku ai.  Ina ke mau nei kou aloha ana no ke la mea kamahao, alaila ke noi aku nei au ia oe me ka oiaio loa na’u e imi i ke la mea au e aloha nei, a i ike au i kona wahi e noho nei, alaila kiihou mai au ia.  Pane aku la o ua o Minewa, aia wale aku no ia ia oe, a o na pomaikai a pau e kau mai ana maluna ou, e mahalo nui ia ia, a na ka makua mana loa e kokua ia oe.  I ka pau ana o keia mau huaolelo a ua Minewa la, ia wa koke no i nalo aku ai ua manu la a nalo pu aku la me ka hua palapala me ka hapa wawae bea.  I ka manu aloha i nalo aku ai, huli mai la o Minewa a pane mai la i kana aikane penei:  E kuu aikane maikai, aole anei oe i ike i ka nui o ke kiamahao a me ke kupanaha o keia mau mea a kaua i ike iho nei i keia wa.  Ae, he oi aku keia a ke kamahao lua ole a’u i ike ole ai mamua e like me ke ia, a oia ka’u e pane ae nei, ina e poma ikai ana kaua alaila e mahalo ia na lani kiekie loa.  Aha kaua e awiwi i ka olelo ae e loaa ana na pomaika:   he nui ia kaua no ka mea aole kaua i maopopo.  (Aole i pau.)

 

Ua olelo ia, ina o ke kuhikuhi puuone kaulana Bisimaka ka mea i make mai nei ma kahi o ka Emepera Uilama o Geremania, ina o kona make ana ka mea a ke ao holookoa e kanikau ai nona ma kona ano iho he kilo aupuni noeau, a he alihikaua wiwo ole ma ke kahua kauo.

 

KA HOOMAKUKAU KAUA NUE

 

MA KE koena o ia la, ua hoomoe ia aku la na uwapo ekolu maluna o ka muliwai no na koa, a mamua o ka napoo ana o ka la, ua pau aku la lakou a pau ma kela aoao o ka mul i wai Niewa, iloko hoi o na okana aina o Polani Rusia.  Ma ka la 28 o Iune, hiki aku la na puali kaua Farani i kauhale o Wilana, a oia ka wa a na kanaka Polani i huliamahi mai ai i keia hiki hou ana aku a Napoliona iloko o ko lakou awa no ka manawa elua, oia ka Napoliona i hai aku ai i kana kuahaua penei:  “E na kanaka o Polani, ina owau ka mea i noho ma ke kalaunu no elua me ekolu manawa, ina no ka manawa eha i keia la, ua lako pono oukou i na mea kaua, a na kakou a pau e kukulu hou i na paia o Polaui i aupuni Moi me ke kumukanawai.  I ka wa i loaa mua ai ia’u ka lanakila i Walekau, ua hoihoi aku au i ke kuleana ia oukou mai a Rusia aku.  Ina aia me oukou ka lokahi, he kanalua ole ko’u i ka hoihoi hou ia aku o kela pono i kaili wale ia aku e ka enemi, ma ka haawi ana mai i na kokua i ko’u puali kaua e hoemi aku i ko Rusia mana a me ka rula ana mai ia oukou me ka ikaika.  Na ka ikaika i kaili a na ka ikaika e hoihoi hou mai.”  O na hoahele o Napoliona oia hoi kona mau Kenela, ua ulu ae la iloko o lakou kekahi manao no kona haalele ana aku i ke kulanakauhale o Parisa, o kahi e ku ala o kona kahua o ke aupuni a me kona nohoalii he mau haneri mile ka mamao iloko o ka aina malihini, malia paha, o ulu ae kekahi haunae le kuloko mai ka aoao pili koko alii o na Bobona, oia ka Napoliona i pane ae ai.  “Heaha?  Ua manao anei oukou, o ko’u hnalele ana aku i ke kahua o ko’u aupuni, e ala mai na aoao kuee iloko o ka aina?  Auhea kakou?  Ke ike nei no au, he hookahi wale no kanaka me kekahi poe kakaikahi pili koko alii, ke makemake nei lakou i na la a pau o ko’u haulehia mai ka nohoalii ae mamua o ko lakou aa ana mai e ku imua o’u?  Ua hoohuihui au i na aoao like ole a pan me ka haawi ana aku ia lakou i ka noho oluolu, eia nae, aole i lawa iho la ka nui o ka’u mau hana lokomaikai i kumu e hoomaalili ia ai o ko lakou inaina?  Ina pela, heaha ke ano o ia mau hana ia’u?  Aole anei o ka’u mau lawelawe ana iho nei i ke aununi no ko oukou pomaikai?  Heaha ka mea hiki ia oukou ke hana ke ole au e kokua aku?  O oukou, he wahi piha poholima wale iho no, a oia ka’u i haawi aku ai i ko’u lima akau o ke aloha, a ua hoole ia mai no.  No ko’u nohoalii iho, aole au no na Alii me na Haku o ka aoao Bobona, aka, owau ka Moi o ka lahui o na kanaka koko alii ole.”  He iwakalua la ka noho ana o na puali kaua Farani iloko o ke kulanakauhale o Wilana, e hooponopono ana i ke kulana aupuni o Polani, a me ke kali pu ana i kona mau lako ai o ka hiki mai Iloko oka mahina o Iulai, ua make aku iloko o ka mai a me ka pololi he umi tausani lio, me iwakalua tausani koa e waiho ana iloko o na halemai, mamua o ka hoouka ia ana o kekahi kaua me Rusia.  Ua lawe ia aku keia mau lono o ka pae ana mai o Napoliona ma keia aoao o ka muiiwai Niema a me ke kukula hou ana ia Polani i anpuni kuokoa imua o ka Emepera Alekanedero oia kana i hopohopo loa ai i keia nee awiwi loa ana mai a na puali kaua Farani iloko o kona aupuni.  Ke hoololohi oia iaia iho i keia mau la, he mea maopopo, e halawai koke ana ko laua mau puali kaua i kahi hookahi me kona makaukau pono ole e pale mai ai ia Napoliona mai kela mau kulana ana e ku la.  I mea e loaa mai ai o ka manawa iaia no ka hoomakaukau ana, ua hoouna aku la o Alekanedero i ke Elele Kaua Balachoff, me kekahi kauoha waha imua o Napoliona, e hai aku iaia i ke kauoha alii ina e ae o Napoliona e haalele iho ia Polani a e hoi ma kela aoao mai o ka muliwai Niema, e ae aku no ka Emepera o Rusia i ka hoopau ia o keia hoala kaua a e hana ia ke kuikahi e like me ko laua makemake iho.”  I ka wa i hiki aku ai o ua Elele Rukini la imua o Napoliona ma Wilana, a hai i kela mau olelo alii i hoike ia ae la, oia kana i pane mai ai i ka Elele me keia mau olelo.  “Ma keia wahi au e hooponopono pu ai me ka Emepera Alekanedero no ka hopena o polani, aole nau e ka Elele a me kau mau-kauoha waha!  E hoi oe a hai aku i ka Empera, o kana mau kauoha waha a pau, aole loa au e hilinai aku, koe wale iho no, o kona hiki kino mai a kakau inoa no kona malama i kana hoohiki ma ke kuikahi, alaila, e hoi no au me ko’u puali kaua ma kela aoao o ka muliwai Niema, a e loaa koke no ka maluhia mawaena o na aoao a olua.”  I ka wa i loaa aku ai o keia pane oolea a Napoliona i ka Emepera Alekanedero, ua ike ihola oia, aohe mea hiki ke hookuemi hop aku i ko ma puali kaua Farani komo loa ana mai iloko o Rusia, oia kana i haawi ae ai i ke kauoha i na koa, no ke puhi ana i na kauhale i ke ahi a me ka hanaino ana i na mahinaai ma ko Napoliona alahele e maki aku ai me kona puali. (Aole i pau.)

 

HE MOOLELO NO

 

Lonoikamakahiki

 

KA

 

Pua Alii Kiekie na Kalani.

 

Ke Alii Nui o Hawaii

 

KAKAU IA NO KA NUPEPA KUOKOA.

 

E like hoi e ko’u inoa o Kapaihilani.  Ae, he pono no au e hoike aku i ko’u inoa ia oe, aka, he nui no ko’u inoa e kahea ia ai.  O ko’u inoa mau e kaheaia ai e kanaka o Kanakaokai, a oia ko’u moa e kahea mau ia ai e ka poe i kamaaina ia’u.  A heaha aku ka mea i koe au e kuu hoa e ninau hou mai ai?  Aohe mea i koe a’u e ninau hou aku ai.  I aku la hoi ke alii Lonoikamakahiki, pehea hoi kou kulana a me kou mau kupuna?  O ko’u mau kupuna no Kauai nei no a pela hoi na makua.  He poe kaukaualii lakou, a o ka lakou hana i moa mai na kupuna loa mai.  He kakaolelo no ke alo alii, he poe kuhikuhi puuone, he poe koa, a he poe ai loaa hoi na na alii nui, a oia ke kulana o ko’u mau kupuna, a me na makua ma hoi.  A pehea hoi ia oe i keia wa, ua loaa nae paha ia kuiana ia oe?  Ae, ua loaa no, aole nae paha hoi i like aku me kou mau kupuna ka makaukau loa ma ia hana.  A pehea oe i noho ole ai i ke alo alii i keia wa?  Aole o’u makemake e noho i ke alo alii i keia wa, no ka mea, he pololi kali kahi o na alii.  Aole hoi o ka loaa a ka oiwi lawe ae no a ai hookano, aole hoi he leo iho maluna.  E like no hoi me oe i hiki mai nei a halwai koke iho la kaua, a ua hiki hoi ia’u ke haawi kokeaku i ka ai a me ka ia ia oe me ke kali ole.  Ina paha o kou hiki ana mai nei a eia au malalo o ke alii, aole paha wau e haawi koke aku ia oe i ka ai.  Nolaila, he ino ka noho ana o kahi o na alii.  I kau mau hana maikai ana paha i ke alii a iilo oe i mea puahele i ke alii alaila o kou wa paha ia e imihala ia ai e kekahi poe, a lilo paha ia i mea huhu ia e ke alii.  Nolaila, o kou make no paha ia, he loihi aku no paha na la o kou ola ana, aole hoi e hihi aia oe malalo o ke alii kahi i noho ai.  Oia kekahi kumu a’u i haalele ai i ke alii, a hele auwana mai nei i keia naele o Alakai a halawai iho la kaua i keia manawa.  A he wahi kumu e ae no kekahi, he mea huna nae.  A heaha hoi ia mea huna?  Ina he mea huna hiki ole ia’u ke lohe, alaila ua pono no oe ke huna, mai hoike mai oe ia’u ia mea huna au o ike ia auanei.  Malia paha he mea huna ia mai na kupuna mai.  I aku la o Kapaihilani:  Ae, he mea huna no ia mai ko kaua mau kupuna mai a hiki wale no ia kaua i keia manawa.  Ina ha pela, ua maopopo aku la ia’u ia mea huna.  Ke ole nae paha au e kuhihea ia me huna.  O ka puni paha a Kalani o ka umi o ka moku.  No ka mea, ola no ka ma-i-pii alii.  I aku la o Kapaililani:  He meaoiaio e kuu hoaloha, oia no ka puana a ka moe.  Ina pela aole he olelo ana, he hooluu wale no.  Ia manawa i hooheno ae ai ka laua mau akaaka ana.  I hou aku la ua alii huna nei i kona inoa a me kona kulana:  A oia ka paha kou kumu i haalele ai i ka noho pu ana me ka lehulehu a hele mai nei oe a noho mehameha i keia kauhiwi kanaka ole.  Ae, oi ke kumu o ko’u hele ana mai nei a noho hookahi i keia wahi mehameha a loaa mai la ia oe.  mamuli o ka’u mau hana maikai i ke alii o Kauai nei, ua lilo au i mea nui i ke alo alii.  Aka, ua ulu mai la na manao ino i kekahi poe o ke alo alii, a imihala aku la lakou no’u.  Me ka mania ana aku i ko makou alii nui o Kauai nei, a olelo aku la ia Manokalanipo, ke hana nei au i ka mea pono ole me ke aliiwahini opio o makou.  He wahine hoi i hoolaa ia a noa i ke alii o Hawaii, oia hoi o Lonoikamakahiki e kaulana mai nei.  Aka, aole au i hana i ka mea e hoohaumia aku ai i ko makou aliiwahine opio.  He mea ino loa ia i ko’u manao.  Aole i ike o Kapaihilani o ke alii no keia o Hawaii a laua e kamailio pu nei oia hoi o Lonoikamakahiki.  Ua manaoio no keia he kanaka okoa no o Kanakaokai, a he alii nui hoi o Lonoikamakahiki.  Eia ka he elua mau inoa, a hookahi no nae kanaka.  He inoa hookolohe a huna o Kanakaokai, a kakou pu no hoi i ike ae la e ka mea heluhelu.  Ua hookamailio hou aku la na alii nei, a aia i hea ko oukou mau alii nui o Kauai e noho nei?  He nui na wahi e noho nei o ko makou nei mau alii.  Ua pani no o Kauai i ka noho ia e na alii e like me ko lakou makemake iho.  Aia i uka o Wailua e noho ai i kahi wa.  He muliwai nui hookahi ia o Kauai nei, a no ia muliwai ka olelo hooheno ana o keia wa:  O ka waihaiau iho la no ia o Wailua.  O pihanakalani aia i uka o Waialua, o na pae puu o Nounou, waiho i kae’a ka iwi o kamahele, a o Holoholoku kahi hanau o na alii, o ke kalukalu o kewa a me ka laula o Kapaa, a he nui no hoi na wahi kaulana o ia mau wahi a na alii i noho ai.  Ina hoi e noho na alii kane a me na aliiwahine i uka, a i makemake ae lakou e iho i kai i ka heenalu.  E iho ana no lakou i kai i ka heenalu, a hookahi no nalu a lakou e hee ai, o ka nalu o Makaiwa.  Oia ka mea i olelo ia ai oia nalu, i walea i ka hee o ka nalu o Makaiwa, a i ka lulu hoi o Moikeha, he nalu nae i aloha ia e ko makou mau alii.  Oia na wahi e hoonanea ai o ko makou alii.  I aku la ua alii nei, lealea ino ka heenalu ana.  Ina paha e hiki kaua ilaila, hookahi la paha ka lealea pu ana i ka heenalu me na alii o ko oukou aina nei.  I mai la o Kapaihilani:  Aole kaua e pono ke iho a halawai pu me na alii i ka heenalu, o ike mai paha auanei na aliiwahine i kou ui, a o ka hoohihi mai no ia.  No ka mea, o ka mea maa mau no ia i na aliiwahine, a pela no hoi me na alii kane.  Ina e ike mai na alii kaue, i na wahine ui, alaila he mea no ia e hoohauhili ai ka ai a kawelea.  Nolaila aole pono kaua ke iho i kai, o ike mai paha lakou ia oe, a o kou lilo no ia i kane na kekahi o na aliiwa-  He laau Makalei maopopo loa oe a’u e ike aku nei.  No ia mea, he mea pono no ia kaua ke noho i keia uka waokele mehameha kanaka ole.  Hookahi no kanaka o ka leo o na manu.  A ua kamaaina au i ka noho ana i keia wahi a ua ku a nanea loa ia au i oluolu o uka nei.  I noho hoi kaua a i aloha ae no hoi oe i kou ohaua, a i manao oe e hoi e ike, aia no ia ia oe.  Ae, pela no, he mea aloha ka ohana aole nae ia manao no keia wa.  No kekahi wa okoa aku ia manao ana.  I mai la o Kapaihilani i ua alii nei penei:  He nui no na hana lealea a ko makou mau alii, e like no me ka mea i maa i na alii o kakou mai ka wa kahiko mai.  Ae, pela io no, he mea mau ia i na alii o kakou a pau.  Pela no hoi ko makou mau alii o Hawaii, he nui no na hana lealea e like me ko oukou o Kauai nei.  A ua ike auanei oe i ke alii o Hawaii ia Lonoikamakahiki a me kana koa ikaika, ka mea nana i luku mai nei ia Kamalalawalu, a me kana koa, oia hoi o Makakuaokalani.  I aku la ua alii huna nei ia ia i kona hoa.  He ike aku no au ia Lonoikamakahiki i kona hele ae, aole nae i noho pu, he maka’u aku kahi o na alii, aia no o ka poe i lilo i mau koa ponoi a punahele hoi i ke alii, o lakou no ka poe e noho pu me ke alii.  Ua noho no ke keiki o kuaaina i ke kuaaina, a o ke keiki o kahi alii noho no hoi i kahi o na alii, a pela iho la ke ano o kou hoa nei.  A pehea, o kela wahi wale no o Pikanakalani kahi noho mau ia e na alii o oukou?  Aole oia wale no.  I kahi wa, hele na alii a noho i Waimea ma ka aoao e pili la i ke kaha.  O Papaenaena ke kahuahale, a o ke one o Luhi ke one.  He Waipao ko laila makani anu huihui.  He mau aina keia elua, o Waimea a me Makaweli.  He elua mau kahawai mai ke kuahiwi loa mai, a e kahe ana ko laua wai i kai o ka @ a puka loa aku iloko o ke kai.  Eia nae ka mea kupanaha, he like ole ko laua mau ano wai.  He wai kea ko Makaweli, a he wai ula ko Waimea.  Aia nae i kai e hui ai ka wai o keia mau kahawai i kahi hookahi, a lilo i ano wai haekaeka.  (Aole i pau.)