Ka Nupepa Kuokoa, Volume XXIII, Number 26, 28 June 1884 — Page 1
| This text was transcribed by: | Dorthy Pautz |
| This work is dedicated to: | Kumu Patrick Makuakane |
Ka Nupepa Kuokoa
KE KILOHANA POOKELA NO KA LAHUI HAWAII.
NA HOOLAHA KUMAU.
MAIKAI KA HOI KA PAPA
A ME
KA LAAU O KOU HALE!
NOHEA LA?
KA I NO HOI NO KAHI O
WAILA MA!
@@@ AKU NO HOI IA LA, OHI KA IO O KA LAAU O MAKAWAO I KA UA MEA O KA NANI
NA PAPA! NA PAPA!
A ME
NA PONO KUKULU HALE.
O na Ano no a Pau.
AIA MA KE KIHI O NA ALANUI
Papu me Moiwahine,
HONOLULU.
m@@@@@ e lo@@ ai e like me ka makemake no ke
KUMUKUAI MAKEPONO LOA.
PAPA! PAPA! PAPA!
NA PAPA HULUHULU,
NA PAPA MANOANOA,
NA PAPA I KAHIIA,
NA PAPA KEPA,
PAPA HOLE KEOKEO,
PAPA HOLE ULAULA.
Na Laau, Na Laau,
NA KUA,
NA KAOLA,
NA AAHO,
NA MOLINA,
NA PEAPEA.
PINE HULULU,
PINE I KAHIIA.
KA PAPA A ME NA LAAU ULAULA.
PILI ULAULA,
PILI KEOKEO,
PANI PUKA,
PUKA ANIANI,
PANI PUKA ANIANI,
PUKA OLEPELEPE.
PENA
O NA ANO A PAU,
Hulu Pena mai ka liilii a ke nui,
Aila Pena,
Aila Hoomaloo,
Waniti, Pate,
NA LAKO O KELA A ME KEIA
ANO.
NA AMI PUKA HALE,
NA AMI PUKA PA,
ANIANI,
PEPA HALE A ME NA LIHILIHI,
E loaa no malaila.
PAAKAI HELU I,
O
KAKAAKO ME PUULOA.
No ke @@@@ K@ike e loaa no na mea a pau @ @@@@@ ae @@ @@ ke K@m@ku@i E@@ Loa, O na Kauoha @@@ Hawaii a Niihau, e loaa aku no o ka@@ @@@@@ @@@@@@@@@. E kipa noi laila i ike @ @@@@@.
NA HOOLAHA KUMAU.
DILLINGHAM & CO.
Mau Mea Kuni Lako Hao
Alanui Papu, Honolulu.
FRANK PAHIA.
ANA AINA! ANA AINA!!
Keena Hana; Aia ma alanui Moi, kokoke loa i ka Uwapo o Hooliliamanu.
E wehe ana o A.
M. Meleki,
No ka Hookahakaha nui,
NA LOLE NANI
O NA LOLE KAU MAKALII, & C.
OLA NA
PAPALE KANE,
PAPALE WAHINE,
HULU, PUA LAU.
E HOOMAKA ANA,
POAKAHI, LA 21,
POALUA, LA 22,
POAKODU, LA 23.
Ma ka halekuai helu 104 alanni Papu.
1884! KAU AHAOLELO 1884!!
KUOI MAI NA MEA A PAU!
O ka Poakahi, Poalua, a me ka Poakolu, o keia pule ae, e hoomakaukau ana au e noikeike aku imua o ko'u mau makamaka a hoa loha Hawaii, he heluna piha o na papale kinohinohi o ua wahine mai ka $2.00 o ka papale a pii aku i ke $6.000. He hiki no ia makou ke kinohinohi i na papale ma na kumukuai a pau. Aole o makou malama i na opala puehu waie i ka makani iloko o ko makou mau halekuai. He hiki no ia makou ke @ooiaio he mau waiwai o ke ano maikai wale no ka makou e kuai aku. Aole o makou kuai i na waiwai ma na halekuai ku@ala ma Kapalakiko, aka, na makoa iho no e kinohi a hana ko makou mau papale iho. A ma na lole aahu, aole e hiki i kekahi mau halekuai e ae ke hoopapa mai ia makou, a ke olelo nei maanei, he oi aku ka emi @ na kumukuai o ka'u mau lole. He elima o makou halekuai, a ma o ko makou kuai emi ana i na waiwai, ke holopono nei ka makou mau hana. Ua oluolu pu makou i na puka uuku e loaa ana. O na papale piva, $3.00 wale no. CHAS. J. FISHEL.
Halekuai kihi o alanui Hotele me Papu, a me kihi o alanui Nuuanu me Kalepa.
LOLE MAKEPONO
Ke Kui@a o @o@@ @@ ia ma kahi @
Kakela me Kuke.
E laa na
AHINAHINA, KALAKOA, KEOKEO, LEPONALO, PENA, AILA, AILA HONUA, ANIANI.
NA MEA PIULA,
Kopa, Aila Hoomaloo, Kui Kakia, Pa
keke, Tabu Kaula, Noho Lio, Hulu
Palahi, na Palumi, ahe agena
no na mokupuni o Ha-
waii neino na Laina-
kino-nao
Lainakini Maoli, Ki-lika, Palule Kalakoa,
Alapia, Kelepa, Na Lole kupono i
ka Wawae, Palule Huluhulu,
Na Lole Huluhulu, Na
ka hoohelo ana, Li
Lole no pini, Li-
hilihi, etc.
AMENA
Mikini Humuhumu
MAKEPONO LOA.
he mau
MEA AI KAHI:
KA PALAOA, KOPAA
RAIKI, PIA, HOOHU
PAAKAI, HUAALA,
PIA KULINA, KOPE,
A @E
Laau Lapaau Kaulana Loa
A DR. JAYNE,
LAAU HOOMAEMAE KOKO
LAAU HOOPAU NAIO,
PENIKILA, HUAALE,
LAAU KUNU
@@ @@ @a@@ Ha@@, a Pela 'ku
HOIKE A KE
KOMITE WAIWAI
O KA
AHAOLELO O KA MAKAHIKI
1884.
I KA MEA HANOHANO GODFERY
RHODES,
Peresidena o ka Ahaolelo:
Ke hoike aku nei kau Komite Waiwai, ua hooikaika lakou e nana pono aku i na Buke Helu a pau o na Oihana Aupuni. Ua oi loa ka luhi o keia imi ana aku no ka huikau o kekahi mau helu, a me ka like ole ma kekahi mau mea, a no ka mea, o kekahi mau hoolilo, ua hooliloia no loko mai o na haawina okoa elua a oi aku paha, a no ka mea ua loaa aku loaa aku kekahi mau lilo pololei ole, a ua kupono ole e haalele i ka i@@i ana momua o ka loaa ana aku i ka io.
O ke ano o ka malama ana o na Buku Helu o ke Aupuni, ua like no me na makahiki i hala, ma ka hapanui o na keena, koe wale no kekahi mau mea e oleloia mahope iho maloko o keia hoike nei.
O ke keena mua i komo ia e kau Komite, oia ke
KEENA, O KA LOIO HUHINA,
A malaila ua ikeia, o ke ano o ka malama ana i ka Buke Helu o ke kau mamua aku, ua hoomauia ma ke kau i pau iho nei. Ua malama maemae ia na buke a ua pololei na koena.
O na haawina no ka uku makahiki o kela a me keia mea, ua hooliloia e like no me ke hauoha o ka Bila Haawina. Ua mahalo ke Komite i ka malama maikai ia o na helu o na Makai Nui o Maui a me Kauai; me he mea la, ua hoolohe laua i na Kanawai a me na @@@@ e pili ana, i na hoolilo malalo o na haawina o Na Lilo o na Hihia Ka@aima a me kela a me keia Lilo.
O na helu o ka Maki Nui o Hawaii aole i like pu ka mahaloia. Ma kekahi mau mea, ua haule loa no kona mau palapala hookaa. Mawaho o kona haawina dala i hookaawaleia no Kela a me keia Lilo, ua hoolilo aku oia ma ka helu o Kela a me keia Lilo na dala he 1486.42, no loko mai o ka haawina no na Lilo o na Hihia Karaima.
Ua pinepine ke komo ana o ka hoolilo na ka loio e kokua ana iaia e hoopii i na hihia mamua o ka Lunakanawai Hoomalu. I ka nana aku, ua nui na makai ma ka Apana o Hilo, eia nae ua kupanaha ka makaukau ole o kekahi o lakou e hooholo aku i ka hoopii ano nui ole ma ka Aha Hookolokolo Hoomalu.
Ma ka helu o na makai o ka Mokupuni o Oahu, ua ikeia ka hoolilo o na kala he 1271.68 no Kela me keia Lilo. Ua lilo no ka hoomalamalama ana i na alanui o Honolulu nei he $9852.
Ua ano manawalea no na hoolilo no na Aha Koronero, oiai, aole i nui loa na kupapau i nana ia. Ke manao nei ke Komite ua pono ke hoomahuahua iki aku i keia haawina, no ka mea ua ikeia ka ulu pinepine mai o na kumu e kukulu ai na Aha Koronero.
He ano kupanaha ke helu o na hoolilo malalo o ka haawina no ka "Hopu ana i na Lawehala," "no na Lilo o na Hihia Karaima" a no 'Kela a me keia Lilo." Mailoko ae o keia mau haawina, ua loaa ia makou na hoolilo aole i emi mai malalo iho o na dala 7140, no ke kokua loio; a o keia a pau loa, koe wale no $350, ua hooliloia ma na mahina hope he umi o ke kau i pau iho nei. O ka uku loio no na Hihia Kivila, elike me ka hihia o ke kauoha no na Bona; ka Palapala Hoohui no ka nupepa Gazette; ke ao loio ana ia F. H. Hayselden, Luna Hein; ka mea o ka Papa Hoopii Auhan, a me na mea o ia ano, ua komo ia malalo o ka helu o ka haawina no na Hihia Karaima.
I ka la 14 o Dekemaba, 1883, ua hooliloia $500 no loko ae o keia haawina no ka uku loio ma na hihia imua o ka Aha Kiekie e pili ana i ka hoopuka ana i na Bona no na Dala Sileva.
I ka la 20 o Feb., 1883, he hoolilo $36 no ke kakau poepoe ana i na palapala hookohu alii, ua komo ia ma ka helu o Kela me keia L@lo; o ka uku makahiki no na kope o ka nupepa P. C. Advertiser i laweia ma na Keena o ka Loio Kuhina a me ka Ilamuku, ua hiki aku i ke $70.55; ma ka la 12 o Mei, 1883, he $11.35, i ukuia no na koina ma ka hihia o Lam Pong kue ia R. F. Bickerton, ua hoomaopopo makou he hihia kivila keia i pili ia R. F. Bickerton ponoi. Ma ka la 29 o Sept. ua helu@a $75 i ukuia ia W. L. Wilcox no kona noho. Lanakanawai Hoomalu ana; ua kupono na Bickerton e uku i keia me kona dala ponoi, no ka mea, o keia hana a W. L. Wilcox, he hana i ukuia ai o Bickerton ma kona uku makahiki.
I ka la 11 o Feb., 1884, ua kikoo o P. Neumann i na dala 100, no kona mau lilo i ka hele ana i Kauai i ke kau Aha Hookolokolo Kaapuni, a me ka hoi ana mai; oiai o ka hoolilo maa mau e hele ai i ka Aha Hookolokolo ma Kauai a hoi mai, oia hoi he $25, a hiki aku paha i ke $30.
O na hoolilo no ke kaa hoolimalima ua mama loa a hiki i na mahina ekolu a pau ana i ka la 31 o Maraki, 1884; a ma ia mau mahina, ma ke Keena o ka Loio Kuhina wale no ua hookaaia he $158 no keia mea.
Ma kahi mau hoolilo e ae, ua loaa ia makou na dala 400 i ukuia ia Capt. Tripp, a $80 i kekahi mea, o Carson kona inoa, (he kanaka ia e lawelawe ana i ka hana o ka nupepea P. C. Advertiser) no kekahi mau loolilo oihana malu hua ole.
Malalo o ka haawina no ka "Hopuana i na Lawehala," ua loaa ia makou elua hoolilo o na dala 100 pakahi, i pono ole loa; o ka mua, he uku loio e pale ana i ka hoopii i na makai Pake elua o Akana a me Akiona, ua hooppii ia no ke karaima. Ua mahuahua pono no ka uku o keia mau makai eluea, a ua hiki no ia laua iho e uku i ko laua mau hoolilo ponol. O ka lua he hoolilo e like no me ia ke ano, e kokua ana ia Caspar a me Bennett ma Hilo, i hooppii ia no ka hoike wahahee a me ka pepehi kanaka. O keia, haawina, ua hookaawaleia no ka hopu ana o na lawehala, aole no ka hoomalu ana ia lakou.
NO KA UKU O NA P@A
I hookaawaleia no na Mokupuni o Hawaii, Maui, a me Kauai, ua hooliloia he puu dala mahuahua a oi loa aku mamua o na pono i hoomaopopoia mai ma keia oihana. A ua hoonohoia keia poe koa ma ka Mokupuni o Oahu, a o ka hapanui o na lilo eia no ma keia mokupuni no, e kue ana i ka mea i oleloia ma ka Bila Haawina.
Ua hoahewa loa makou i kekahi hoolilo ma keia helu; oia hoi he $1200 i ukuia i ka Oihana o ko na Aina E@e hookaa ai i ke koena uku moku no na pukuniahi.
Ua haawiia i ka Oihana o ko na Aina E he $15,000 no ke kuai ana i na pukuniahi, a ua pau loa i ka hooliloia, a ua koe nae he bila uku moku i hookaa ole ia, he $2377.73 ka nui, a koi mai ke Kuhina o ko na Aina E a hookaa aku no ka Loio Kuhina i na dala i 1 oleloia he 1200. O keia he lawe mai kekahi oihana, e hoolilo no ka oihana okoa, i ae ole ia e ke kanawai. O ke ano o ka hookaa ana i ke koena o ua bila uku moku la, e hoomaopopoia ana mahope aku.
Penei na hoolilo no ka "uku o na Koa," oia hoi ka mea i hoakakaia no na Mokupuni o Hawaii, Maui, a me Kauai:
Uku o Capt. Hayley mai ka la 12 o Sept. 1882 a hiki i ka la 31 o Maraki, 1884 . . $3,247 99
Uku o na Makai Kiu mai Ian. 11, 1883, a hiki i Mat. 31, 1884 . . . 4,043 13
Kuai Lio . . . . . . . . . 4,650 00
Kukulu i ka halelio . . . . . . 3,550 00
Paipu wai hoomoeia i ka Halekoa . . 92 75
Na hoolako o ka halelio a me ka hale amara . . . . . . . . . . . 335 22
Noholio, halelole, ahamaka, &c. . . 1,075 78
Na lole, kamaa buti &c. no na Makai
Kiu . . . . . . . . . . . 3805 19
No na pukuniahi . . . . . . 1,200 00
Mauu, oka, &c. ka ai o na lio . . . 6,590 82
Malama lio, hoopaa kamaa hao, hoomaemae hale . . . . . . . . 1,630 25
Ka ai a me ka hookipa aha o na kanaka . . . . . . . . . . . 1,734 51
Na lilo na ka hele ana . . . . . . 758 00
Dala hoolimalima no na hale ma Wailuku, mai ka la 5 o Feb. mai . . . 198 00
KELA A ME KEIA.
Laau lap@@@ a me kauka lio . $282. 45
Pepa a me na mea kakau palapala . . . . . . . . . . 75 80
Poo Aupuni a me na koena o ka Luna Hooiaio Aelike . . . 124 00
Telepone . . . . . . . . 86 00
Kaa hoolimalima $49.25, kaa
ukana $48.25 . . . . . . 97 50
Papa a me ka hooponopono ana i ka hale . . . . . . . . 112 93
Kii o ka mokupuni o Hawaii he
$40, Kela me keia, $64.71 . . 104 71 880 39
_________
$33,811 55
Ua kuaiia ka mauu a me ka oka, i mea ai no na @i@, no ke kumukuai ua oi aku mamua o ke kumukuai o na mea o ia ano hookahi i kuaiia e Capt. J. H. Brown malalo o ka Papa Ola ma ia manawa hookahi no, no ka ai o na lio i ha@aia ma kana oihana. O ke kumukuai averiga i ukuia e ka Papa Ola no ke tona mauu hookahi he $12.50 i emi iho malalo o ke kumukuai i ukuia ma ka Oihana o na Makai Kiu, 2 ma ke kuai nui no hoi ke kuai ana o keia oihana.
O ka huina pau loa i hooliloia no ka ai no na lio, he $6590.82; o ka huina nui nae o na dala i hooliloia no ka ai o na lio e hana ana ma ka hana alanui o Honolulu no na makahiki elua, he $3,626.26 wale no ia. I ka nana ana o ke Komite, me he mea la he hana kapulu, a ina aole ia, he hana pololei ole ma keia mea.
Ua nui no na lilo e ae, aole no he ano nui loa e like me keia, aka e hoomaopopo ana he ano pakiko ole ka hoolilo ana.
Ke manao nei ke Komite ua mahuahua kupono ole na lilo no keia poe koa a ma kona kulana ana he ano waiwai ole no, a o ka pono e hoopau i keia haawina.
Mamua o ka haalele ana i ka oihana Loio Kuhina, e kamailio ana makou no kekahi lilo mahuahua a ae ole ia no hoi ma ke Kanawai no na loio e kokua ana i ka Loio Kuhina.
Mai ka la 14 o Mei, 1883, a hiki i ka la 14 o Dek. 1883, aole he Loio Kuhina, a nolaila papa ke kumu i haawiia ai ka uku nui i kekahi mau loio i pili ole i ke Aupuni, aka mahope mai o ka manawa i komo mai ai ka mea nona kela oihana i keia wa, aole makou i ike i ke kumu e uku ai i na dala 400 no ka mahina hookahi, no keia kokua mawaho mai. Ma ke kau i hala ua oi aku ka uku makahiki o ke kakauolelo $@00 mamua o na makahiki i hala mamua iho, a o ka nui o na hihia karaima, i ku i ka noonoo o ka Loio Kuhina, ua emi mai malalo o ko no makahikik elua mamua iho.
Mamua o keia kau i pau iho nei, ke Kakauolelo o ka Loio Kuhina, he mea ia ua makaukau no i na hana o ka hope Loio Kuhina, a he mea hiki no ke loaa ke Kakauolelo i makaukau e like me ia, me ka uku makahiki no o kela manawa. A ke manaoio nei makou o ka uku makahiki e haawiia nei i ke kakauolalo, ua lawa ia e loaa aku ai ke kokua makaukau no ka Loio Kuhina, a ina e hana aku no ka Loio Kuhina i kana hana iho, ua lawa no ia kokua nona.
KA OIHANA NO KA ILAMUKU.
Aohe i maikai loa na buke o ke Keena o ka Ilamuku e like me ka makemake o ke Komite. Aole i hoohui pono ia na helu i loaa i na koena; a ma kekahi mau hihia ua haawiia aku i na hoike kau wahi o ke dala bela i haalele ia. Aole i pololei keia hana ana a o ka pono e hoopau ia. Ua lawa ka haawina no na Lilo o na Hihia Karaima no na mea o keia ano. Ka mea pono loa oia ka hoihoi ana mai i na koina me na dala hoopai a pau iloko o ka waihona dala o ke Aupuni, ae uku aku i na hoike a me na lilo e ae no loko mai o ka haawina i hookaawaleia no ia mea, aole pono e kapae ae mawaho o keia alanui hele. I ka nana ana ua kukulu ia he mau rula kupono no na palapala hoike o na Makai N@i, a ua hoolohe pono ia no ia mau rula.
OIHANA HOOKOLOKOLO.
A pau ka oihana Loio Kuhina, nana aku ke Komite i na buke o ka Oihana Hookolokolo. He ano pololei a mahele maikai ko na buke o keia oihana, a ma ka mea hookahi a elua wale no paha o na mea ano nui ole no, ua loaa i ke kumu e kamailio iki ai. He maa mau i ke kakauolelo, ma ka la mua o kela a me keia mahina, e hoomakaukau i ka hoike koena helu a waiho aku imua o ka Lunakanawai Kiekie. Eia wale no na lilo ano e maloko o na makahiki elua: $100 i ukuia i ka Hope Kakauolelo no kona lawelawe ana i ka manawa aole he kakauolelo, mahope iho o ka make ana o J. E. Barnard; a o ka lua, he $150, i hooliloia no na holoku i keaiia no na Lunakanawai.
KEENA O KE KIAAINA.
Aole i ikeia he mau Buke Hulu ma keia Keena, koe wale no ka helu o na Lilo no na Koa, a o keia haawina, aia ia malalo o ka Oihana o ko na Aina E. Ua loaa ia he Buke Kikoo, a no loko ae o keia buke i laweia na bila kikoo i kakauia i ka inoa o ke Kiaaina. Ua ike aku la ke Komite ua uku e ia kekahi mau Luna Helu, aole hookahi wale no, i kau wahi hapa o ka uku no ka helu ana, mamua iho o ka hoike ana mai o na Luna Auhau i ko lakou mau hoike. I ka noonoo ana o ke Komite he ano kupono ole keia ano hana.
KA PAPA HOONAAUAO.
Na Buke Helu o ka Papa Hoonaauao, ua malamaia ma ke ano akea, a pohihihi ole, na koena ua oiaio, a o na hoike ua pololei.
I ka imi ana i na lilo, ua hhoomaopopoia he ano alakai hewa ko kekahi mea ioleloia ma ka Hoike a ka Peresidena o ka Papa. Penei ka mea i oleloia: "Nolaila ua hoomaopopo ia he koena i koe aole i hooliloia ma ka helu o ka Papa Hoonaauao, o na dala 45,763.02, a no ka puu dala mahuahua oia hoi he $75,000, i hookaawaleia e ke Kau Ahaolelo mamua no ka Kula Hawaii me Beritania, he $41,537.83 wale no i hooliloia."
Eia ka mea oiaio, he $68,956.76 i hooliloia e ka Papa no ia mau kula. He $41,537.83 wale no i laweia no loko ae o ka haawina e like me ka mea i oleloia, aka ua hele aku ma ke ala i hele ole ia mamua, a ua kii ia ke koena ma na dala o ka Papa e waiho ana, a ma na Dala Auhau Kula o ka Apana o Honolulu, i piha pono ai ka nui i makemakeia.
Penei ka mahele ana:
No ka Bila Haawina..................$41,537 83
No ka Waihona o ka Papa.......... 12,255 13
No ka Auhau Kula o Honolulu...1@,163 80
_________
$68,956 76
Me he mea la ua laweia keia mau dala, no ka mea, aole i koe ke dala ma ka Waihona Aupuni e lawa ai.
Ua ike aku la ke Komite, ma ka mahina o Iune, 1883, mahope iki mai o ka hookohu ana o keia Papa e ku nei, ua hoamahuahuaia ka uku makahiki o kekahi mau kumukula ma na Kula Hawaii me Beritania ma Honolulu nei. O ka huina nui o keia hoomahuahua ana ua hiki aku i na dala 3,000 no ka makahiki. Me he mea la ua like ole no ka hoomahuahua ana i ka uku o kela a me keia kumu. O Mrs. Hendry, he kumukula kokua, aole i hoihi kona noho ana, e ukuia nei i ka uku makahiki $1,800 oiai o ka uku makahiki oi loa o na @umu@@@@ @@@@@ @@@@@ e @@, @@ he $1,000, a malalo mai o ia a hiki i ka $300. O ka hapanui o keia mau Kumu Kokua ua loihi no, ko lakou noho ana malalo o ka Papa, a ua naauao a makaukau no hoi lakou.
Ke makemake nei ke Komite e nana iki ka Hale i ka nui o na bona i hoopaaia ai na Agena o na Kula.
No ka Agena o ka Apana o Wailuku @a laweia he bona no na dala he 3000 wale no, oiai ma kona hoike o ka la 31 o Maraki, 1884, ke paa nei oia ma kona lima ke koena dala maoli 9100.49. Ua poko e hoohalike aku ka nui o ka bona e like me ka nui o na dala e waiho ana ma ka lima o kela a me keia Agena.
Ke manao nei ke Komite he mea pono ia lakou e hoahewa i ka hana a ka Papa ma ke kipaku ana i nu Kumu a me na Agena ua hiki no e hilinai ia, no kekahi kumu i pili ole i ko lakou oihana ma na kula.
K waiho aku nei ke Komite imua o ka Hale ka manao ua pono no e hookaawale hou i na dala 75,000, no na Kula Hawaii a me Beritania. O ka hoonaauo laulaha, a manawalea, he mea ia e nui a ka ikaika kuloko o ke Aupuni.
KA MOOKUAUHAU O NA ALII.
O ka haawina he $10,000 dala no ke kokua i ka Papa Kuauhau o na Alii, ua pau loa i ka hooliloia, mailoko ae o ka Waihona, ma na kikoo o ke Kuhina Kalaiaina; a ke hoike nei ka buke o ke Keena ua ukuia na dala i ka poe nona na inoa malalo iho, penei:
Ka Mea Keikie ke Kiaaina o Hawaii $6474.37
J. A. Nahaku...........................................800.00
Kahunaaiole............................................550.00
J. H. Kenoi..............................................513.00
J. H. Kanepuu.........................................218.00
G. B. Kalaaukane...................................199.00
Kealakai..................................................166.00
P. C. Advertiser me Elele Poakolu.........585.40
No kekahi mau kaman@.........................368.88
Na lilo o kela me keia ano......................125.35
_________
$10,000.00
KEENA WAIWAI.
Ua heluia na dala o ka Waihona ma ka la 15 o Mei, 1883, a o ke dala e waiho ana ma ia la ua like no me ke koena dala i hoikeia ma ka Buke Dala (Cash Book), oia hoi, he $191,547.63.
NA DALA I WAIHOIA MA KA WAIHONA MA
KE ANO KUIKAWA.
Ua hoopukaia aku na palapala kikoo dala kuikawa (certificates of deposit) a aia no @@a ka lima o ka lehulehu i keia manawa. Ua heluia na dala i waihoia mai e hoopaa no ia mau palapala kikoo (certificates of deposit) a ua ikeia na ano dala i hoikeia malalo iho nei penei:
@@@@ @@@@ o Amerika H@@@@@@........$@@@,000 00
" K@@@@@ Amerika @ @@@@@ @@@@@@ 27,@00 00
" " " " " @@@@@@ @@@@@ 18@@@@ 00
" m@@I@@........................................140,000 00
" F@@@@..................................... @@,@00 00
"h@@@@@ (M@@@@@ me F@@@n@).......@@,000 00
" Hawaii @@@@ @@@@ ........................@@@,000 00
" " " (@@@@@@)..................72,000 00
" " " (hapaha)...................1@@,00 00
________
$@81,000 00
O na dala gula o Amerika Huipuia ke kokoke $1@0,000, he waiwai ia no kekahi poe mawaho, a ua hiki i ke lawe ia aku ia kela manawa keia manawa a pani ia me na dala keokeo. Ua loaa no hoi he ma@ dala Ke@@@o Hawaii he $172,000, i waihoia malaila no ka malama pono ana, a iloko o ia manawa oia ka waiwai p@noi o W. G. Irwin & Co. Maloko o keia mau dala, he $2@,000 ma na kenikeni (10-cent pieces), he ano dala i ae ole ia ma ke Kanawai i keia manawa.
NA HOA@ONA PAI.
Ua loaa m@m@l@ o ke kuai ana o na hoailona pai ma ka waihona, iloko o na makahiki elua i hala, he $42,088 dala; a ina e hoohalike me $55,766 dala no na makahiki 1880-1881, ua ikeia ua emi ka loaa mai keia mea mai e like me $13,678 dala no ke@a mau makahiki elua i hala ae nei.
Ua heluia na hoailona pai i koe ma ka waihona a ua ikeia ua pololei. O na loaa ma ka Hale D@te no ke kuai ana i na hoailona pai, no na makahiki elua i hala ae nei, he 27.786.50, a ina e hoohalikeia me $24,142.83 no na makahiki 1880-1881, e ike ia auanei ua mahuahua ae ka loaa no na hoailona pai he $3,643.67, a ua hoemiia ka poho o ke Aupuni ma ke kuai ana i na hoailona pai i ka $10,034.33.
NA BUKE O KE KEENA.
Na malamaia na buke o ke Keena Waiwai me ke akahele a me ka maikai, a he mea e mahaloia ai ka Luna Buke Helu. Ua noiia i Kakauolelo hou ma keia Keena, a ma ka hoomaopopo ana ua mahuahua hou ae na hana o ka Luna Buke Helu i keia manawa, nolaila ua manao ke Komite he mea pono e hooholoia ae haawina no ia mea.
KANAWAI AIE DALA O 1882.
Ma ka Pauku 3 o keia Kanawai ua kauohaia, o na dala a pau i a@@@ ia, e malama kaawale ia, aole e hool@o ia no kekahi hana e ae, a no ka manawa paha, koe wale no na hana i hoak@k@@a ma ke Kanawai, aka i ka nana aku, aole i malama iki ia na kauoha o keia p@uku, no ka mea, o na dala i loa mai mamuli o ke kuai ana aku i na bona, ua hoihoiia no iloko o ka Waihona a ua waiho pu ia me na dala e ae, a ua hooliloia aku e like me ka manao o na Kuhina me ka hahai ole i na kuhikhi o ke Kanawai. Ua pono ole no hoi ka hoopukaia ana o na Bona Aupuni, no ka mea, ua loaa ia makou na bona no na dala $50,000, i kakau inoaia ma ka la 1 o Mei, 1883, a ua hooliloia aku i Kapalalakiko me ka manaolana e loaa ana ka mea na ia e kuai mai malaila, aka, no ka loaa ole o kekahi mea ae e kuai, ua hoihoiia mai a eia ke waiho nei iloko o ka Waihona. Oiai ua kakauia ma keia mau bona e ukuia ke kumupaa a me ka ukupanee ma Kapalakiko, ke manao nei ke Komite he mea pono e hoopau wale ia keia mau bona, a e kakauia pela maloko o na buke o ke Keena.
He mau bona hiu iho no kikahi i hoopukaia, a makou i hoapono ole ai, ma ka la 1 o Mei, 1882, no na dala he $55,000, i haawiia i ke Kuhina Kalaiaina, a ua waihoia e ia ma ke ano hoopaa no kekahi mau aie i aieia e kona Keena. A mahope ua loaa ke dala ma keia mau bona ma ka la 13 o Ianuari, 1884, he ewalu a oi mahina mahope ho o ka hoopukaia ana mai ka Waihona mai.
O ka huina nui o na bona i kuaiia malalo o keia Kanawai a hiki i ko makou la i nana ai, ua like me $680,000, hui pu me keia na dala $138,900 i loaa mamuli o ke Kanawai Aie Dala o 1876 alaila e mahuahua ana ka Aie Lahui malalo o keia Aha Kuhina he $818,900, a e ukuia ana i kela a i keia makahiki ma ke ano ukupanee he $53,301.
Ua haohao nui ke Komite i ka hooponopono ana ua hoomahuahuaia ka uku o na Luna Helu me na Luna Auhau ma kekahi mau apana iloko o ka makahiki i hala iho nei, a hiki i ka 4 keneta. I na manawa i hala ua manaoia ua lawa loa ka 3 keneta no kekahi apana e like me Honolulu; a e oi aku ana paha ka haohao o ka Hale ina e hoomaopopo lakou ua loaa ia ka Luna Helu o k Apana o Honolulu, no kana hana no elua mahi@, na dala he $4,819.50.