Ka Nupepa Kuokoa, Volume VIII, Number 30, 24 July 1869 — Page 2

Ka Nupepa Kuokoa

KE KILOHANA POOKELA NO KA LAHUI HAWAII.

 

 

KE KUOKOA, HONOLULU, IULAI 24, 1869.

 

 

English Column.

 

Revolution and Reformation in Spain.

 

(From the Evangelical Christ Codices)

 

            In spite of many adverse influences and many deplorable events, it is obvious that the cause of civil and religious liberty is making steady progress in the world.  Within the last ten years, especially, the current of freedom has set in with a force and velocity that must have arrested the attention of the most careless observer.  It seems buy as yesterday when the greatest portion of Europe, comprising some of her most important states, was hermetically sealed against the introduction of new religious ideas or the permission of so much as a religious discussion.  One by one these restrictions have given way – these barriers have been broken down.  Italy led the van, but Austria followed close in her wake; and if she lagged slightly in point of time, she has surpassed her in the system and completeness with which her religious concessions have been framed.  And now, last and most signal triumph of all, we have to add Spain to the list.  In Spain, too, the battle of religious freedom has been fought and won.  For generation Spain has been regarded as the very citadel of intolerance – the last and strongest retreat of religious bigotry.  Popery was so closely interwoven with national life and with individual associations in a Spaniard, that the friends of freedom hardly expected that Revolution itself would alter the national desire for religious exclusiveness.  The Spaniards, it was thought, might become Democratic Republicans, but that would not interfere with their desire to preserve the Catholic unity.  Even the seizure of Church lands, which was made from time to time, as the exigencies of the State seemed to require, did not interfere with the national affection for the Church; it rather induced a desire to make up to the Church in honour for what it deprived her of wealth.  But whatever expectations might have been entertained the even has surpassed them all.  The Church has been deposed from her old place of supremacy.  The Spaniards have been long in settling the articles of their constitution, but the very deliberation with which they proceed is a guarantee for the permanence and stability of what they finally resolve on; and they have resolved that it shall be a fundamental article in their constitution that no foreigner resident in Spain shall be molested on account of his professing a different religion, and that the same boon shall be accorded to native Spaniards, “if any of these latter happen to belong to any other persuasion than to that of the vast majority of their countrymen.”  The concession, it will be observed, is couched in cautious language but there is no possibility of misunderstanding its meaning.  What popular or priestly bigotry may do henceforth is another question, but in the eye of Spanish law all religions are equal.

            It would have been extremely gratifying if we were able to record that this decisive step in favour of religious freedom had been taken by men who were themselves thoroughly penetrated with a conviction of the supreme importance of religion or the rights of conscience in all matters that lie between God and the soul.  Unfortunately, it is not so.  Religious freedom has been granted, not from any value of the boon, but from a contemptuous indifference to the question.  Of the majority who voted for the toleration of a system of national dissent, many unblushingly declared their aversion to any form of religion whatever.  Some of the speakers proceeded so far in their blasphemous scoffing at names and things which Christians of all denominations hold to be sacred and divine, that the President was constrained to call them to order, on which a large body of their adherents rose and left the hall.  Others, who were more moderate, took care to avow that they had no sympathy with the dissentient creeds whose cause they were advocating.  Olozaga, the most liberal of all the leaders who took part in the revolution, hinted that while the toleration they were about to enact would look well upon paper, they need not fear that it would ever be brought into practical exercise.  Spain, the hinted, would never become Protestant.  The reason he gave was a curious one, and unconsciously, perhaps, reveals the melancholy depth of religious ignorance into which his countrymen have sun.  “Protestantism,” he said, “is a religion only fit for a highly civilized, free, and prosperous people.  For his own countrymen, the idea of God the Father was almost incomprehensible; that of God the Son was also vague and misty.  The real object of the Spaniards’ worship, and even idolatry, was the Virgin Mary, and she not as an abstract being, but as typified in the various images which were looked upon as endowed with miraculous powers in different localities.”  A more open confession of national idolatry was never made in a professedly Christian land; and it is profoundly sad that it should be true, in this nineteenth century of the Christian era, of a people that calls itself the most Christian nation in the world.  Another speaker, an orator of great power and weight in the Cortes, Senor Castelar, while advocating the right of the of the Protestants to the free exercise of their religion, took care to repudiate, for himself in the most emphatic manner all suspicion of a liking for the alien faith.  Protestantism was too icy and cold for his temperament, he said; and he not only was not, but never would become a Protestant.  Another eloquent and effective orator, Senor Echegaray, dwelt on the same topics.  This young orator, however, had the merit of giving a practical turn to the discussion, which was worth more than the most sublime flights of rhetoric, and is likely to produce more effect upon Spaniards in favour of religious liberty than the most logical arguments.  It is thus reported by the correspondent of the leading journal:  “By a strange coincidence, while leveling the ground for the new square of the Dos de Mayor the labourers have hit upon the vestiges of the old.  Quemadero de la Crux, the place where the bodies of heretics and other public enemies, by hundreds, were burnt in olden times by the tribunals of the Inquisition.  Layers of black dust, with remnants of bones and other relics, turned up at every stroke of the spade, and the whole scroll of that darkest record in human history stood unfolded and broadly revealed before the astonished gaze of the present generation.  People repaired to the spot as in a pilgrimage, and the grim Quemadero with its ghastly ‘diggings,’ became the theme of the world’s talk.  Señor Echegaray, a young man of genius, whose voice was heard for the first time in the Chamber on Tuesday last, took hold of the fearful topic and dwelt upon it with a vividness and minuteness which brought the very crackling of the grilled bones and the stench of the singed hair to the ears and nost of his startled audience.  The lucky discovery of that heretical dust has struck a heavier and more decisive blow upon intolerance in Spain than could come from any argument founded on mere reason.  No man, woman, or child in this country could, of course, have been ignorant of the fact that misbelievers used to be burnt alive at Madrid, as at Seville, Valladolid, and everywhere else.  But one thing it is to know; another to see and to feel.  The Spaniards have been made for one day actually, as it were, to live over again the worst times of Philip II., III., IV.  What better security could we have against the reproduction of those horrible times for the future?”

 

 

NU HOU KUWAHO.

 

No Amerika.

 

            Ua haalele ke Kuhina o na Aumoku Kaua o ke Aupuni o Amerika.  Huipuia i kona kulana, a o Mr. George N. Roberson, o ka mokuaina o Nu Ierese, he Loio Kuhina mua no ia mokuaina, kai hookohuia ma kona wahi, a ua hoohikiia ma ke awakea o ka la 25 o Iune, ma Wasinetona.  Ua waiho aku o Mr. Borie i keia Oihana nui, no kona piha loa i na hana e ae mawaho.  He mea haohao a puiwa nui no ka poe e noho ana iloko o ka oihana a me na kanaka mawaho ae, no ka lohe ana mai, ua hoopau ia o Mr. Borie mai kona noho Kuhina ana aku no na Aumoku Kaua.

            Ua loaa ae i ke Poo Oihana Aupuni ma Wasinetona, kekahi mau lono mai ke Kuhina Noho mai ma kea lii o Lopeza, e hiki ana i ka la 21 o Aperila, ka la o ka palapala mai ua Kuhina McMahon mai la.  O kona mau launa ana me Lopeza, ua maikai, a hele makamaka no; a mahope o ke auhee ana o ka poe Paregua, ua hoihoiia aku oia me ka malu o ka ohana o Lopeza.  Aole wahi mea hoomakaukau a hooweliweli iki a Lopeza, i ko ua Kuhina nei kamailio akea ana aku i kona aupuni.

            Ma kekahi kulanakauhale o Veremoneta, a ma kekahi la, ua haule nui iho na hua hekili maluna o ia kulanakauhale.  Ua ikeia nae mawaena o na hua hekili I haule iho, ua hiki aku ke anapuni o kekahi mau hua i ka elima a I ka ewalu iniha ke ana waena.  Ua nui na poino i kau iho maluna o na hale.  O na puka aniani nae o ka nui o na hale ka i hoonahaha loa ia.

            Ma kekahi Manawa i hala, ua hui ae na Kuhina noho o Beritania a me Sepania e noho la ma Wasinetona, a ua kukakuka pu laua no kekahi mea.  Ua manao wale ia aku nae, ua kukakuka paha laua no ko Amerika Huipuia manao, no ka ike aku paha ia Cuba ma kea no aupuni.  Ke kali nei o Beritania, i ko Amerika Huipuia nee ana aku ma kela ano.

            Ma ka la 30 o Iune, ua holo makaikai aku ka Peresidena Kalani i ke kulanakauhale o Balatimoa, a ua komo aku iloko o na hale paahana.  He nui ka poe i hele pu me ia ma keia huakai; a ua manaoia, e kau ana lakou maluna o kekahi mokuahi, a holo aku a ka Pupu Monroe

            Ma ka la 30 o Iune, ua hiki kino ae ke Kuhina Nui mua iho nei o Amerika Huipuia, oia o W.H. Suwada, ma ke kulanakauhale o Sakarameka, a ua ikeia aku oia e ke Kiaaina a me na Luna Aupuni e ae, a lawe ia aku la a ma ka Hale Hosele e noho ai.

            Aia ma Amerika Huipuia kekahi Elele Kuhina, no na kanaka mai o Cuba, aka, no ka loaa ole iaia o ka hoaponoia mai e na Luna Aupuni, no ke kue i ke kanawai, oia i aole ona palapala ae o kona hookuu pono ia ana aku e hele, nolaila, aole i ae ia aku oia e hele e ike i na Luna Aupuni ma Wasinetona.

            He elua mau moku kalepa nui i pau i ke ahi ma ka moana Atlanita, oia o “Lakeke Uliuli & Omar Pasha.” O ka laua mau ukana, he pulupulu a me ka huluhipa.  No ka wela aku la paha o keia mau ukana.

            Ke hanaia mei ka haupaa ma ke kulanakauhale o Nu Olina, a ua haawiia aku I ka poe makemake mai, ma ka ekolu hapaha dala no akahi haneri paona hau paa.  O ka hau paa mai ka Akau mai, he eha dala no ka akahi haneri paona, nolaila, ua emi mai ka hau hanaia ma ka aina, mamua o ka hau i kii ia aku iloko o ke anuanu a me ke koekoe.

            He 140 ka poe make ma ke kulanakauhale o Kikako, ma kekahi hebedoma o ka malama o Iune.  O ke kumu paha o ia make nui, o ka nui o na ea hauna i puia ne ma ke kulanakauhale, no ka haule nui ana iho o ke kuaua.

            Ua hoomakaukauia kekahi huakai o na mea kaua, e lawe aku e kokua I ka poe o Cuba, maluna o kekahi mau moku ma Nu Ladaoa, mokuaina o Konetikuka.  I na moku nae i puka aku ai e holo, ua hopoia mai lakou e na manuwa Amerika e kini mau ana ma na kapakai o ka aina.  He elua mau lala o ka Ahaolelo o Cuba mawaena o na paahao i hopuia ai.  O na ali koa elua nana i alakai me ko laua mau lalo iho, ua puehu liilii aku paha maluna o ka mokupuni loihi e moe ana ma ka hema iho o ka mokuaina i haiia ae la maluna.  Ua pololi aku la paha ua poe la, mahope iho o ko lakou puehu liilii ana, no ka mea, ua nele loa lakou i ka ai ole no kekahi mau la.  O ke kue no i ke kanawai ke kumu o keia hopuia ana.

 

No Cuba.

            Ua hii aku kekahi palapala i Nu loka, mai ke kulanakauhale aka o Havana ma Cuba, i kakauia ma ka la 19 o Iune, e olelo ana, ua hiki aku kekahi mau palapala i Sepania, mai ko Sepania mau Alihikaua aku e noho ana ma na kahua kaua o Cuba.  Maloko o ia mau palapala, e koi ikaika aku ana na Alihikaua, e hoouna mai o Sepania i mau koa kokua hou.  On a Paniolo e noho ana ma Puerto Principe, ma na alanui e hiki aku ai i Neuvitas, ua kaumaha ko lakou mak mai ke aloalo ana mai e na kipi.  Ua hoouna pu mai ka mea nana i kakau i ka heluna a pau o na koa o na aoao elua, oia keia i hoikeia malalo iho nei: Aia malalo o ke Aupuni, he 15,000 mau koa ukuia, a he 27,000 mau koa puali, ke huiia aku na koa pualu he 1,655 e malama nei i na kulanakauhale nui o ka aina.  Mailoko ae o ia heluna, he 9,200 o lakaou e malama nei ia Havana, ke kulanakauhale nui o ka mokupuni.  Aia hoi maloko o na puali koa o Cuba ponoi iho, he 36,000 mau koa keokeo, a he 19,000 mau koa negero.  Mailoko mai o keia huina, he 26,000 o lakou i makaukau pono i na mea kaua.  Ina e mau mai ka loaa ana o na lako kaua mai Amerika Huipuia mai, e like me ka wa i hala, alaila, e pii ae ana i ka wa kokoke loa, he 8,000 mau koa keokeo a paele paha.

            Ua hiki ae ma Wasinetona na lono hou, ma ka la 26 o Iune, mai na Poo Aupuni mai o ka poe Cuba.  Mahope iho o kela kaua o Puerto del Padre, ke kaua i haaheo ai ka poe Cuba maluna o ke kahua kaua, he elua wale no mau hoao ana e kaua, mai ka aoao mai o na Sepania.  A ma ia mau hoao ana no nae, ua hooauhee waleia no lakou, me ka make o kekahi mau koa o lakou.  Ke hoike ia mai nei ka poe Cuba, aia lakou ma ke kulana maikai, a o ko lakou enemi, (na Sepania) ke make nui nei i ka mai korela, piva a me na mai e ae; e hooia mai ana i ka luku nui ia o na Sepania, mamua o ka holo lanakila ana ma ke kahua kaua.

            Ua hiki aku la paha ma Cuba kekahi huakai o ka poe kokua ia Cuba, i haulele iho I na kapakai o ka hema o Amerika Hema, no ke ake nui e komo iloko o ke kaua.  O ko lakou nui, ua hiki aku i ka 1750.  Pomaikai lakou ke pae aku me ka pio ole.  Aka hoi, ina ua hopu e ia mai la, “kani iki ka aka a ka opua,” (Sepania).

            Ke kakahe nei na haole ili keokeo a me na pele o Aferika, i hookauwaia ma ka aoao o ka poe kamaaina o Cuba, i hele hoi a kuapapanui i ke auhua a ke aupuni o Sepania.  O ka makemake o keia poe, o ko lakou kuokoa a lanakila, i hiki ai ia lakou ke hooponopono no lakou iho, a i hooliloia na dala a lakou e uku ai i ko lakou mau auhau, maluna iho o ka aina, kahi a lakou e noho ana.  Aole i ka aina mamao loa aku, he moana ke kaawale.

 

No Europa.

 

O ka Kama Alii Wahine Louise, kekahi o na kaikamahine Alii a Victoria, ua oleloia, e mare ana me ke Keiki Alii o Denemaka, ma ka la 27 o Iulai nei.  Ina he oiaio keia, ke koe hookahi la ma ko Victoria Alo Alii, he hookahii wale no kaikamahine, oia ke Kamalei Alii Wahine Beatrice.

            O ka mea kamakamailio nuiia ma kea lo alii o Balina, no ka manao wale ia aku, e mare an aka wahine a Aberahama Linekona, me ke Couna Schmidtzville, ka Puuku Nui o ke Dude o Badena.

            Ke olelo mai nein a nupepa o Beritania, ke hana nei kekahi mau haole Farani elua i baluna lele, e hiki ai ke lawe i umi ohua, me eha tausani balati a me ka ai hoe e lawa ai kela mau ohua no akahi malama.  Ke makemake nei laua e hoao, e lele ma ka Welau Akau.

            Ma ke kakahiaka o ka la 24 o Iune, ma ke kulanakauhale nui o Ladana, ua haawiia kekahi paina kakahiaka i na keiki he umi kumamaha, e hoomakaukau ana e holo i ke Kulanui o Cornell University, ma Amerika Huipuia.  O kela hale kula, oia kahi e oia ai na kumu o na mea paahana a pau.  Ma keia anaina, ua haawi aku o Haku Houghton i kekahi mau oleloao, a me kekahi mau olelo hoohoihoi i keia hana maikai.

            O kekahi o na’lii o Beritania, ke Duke o Nukakela, (Newcastle) eia oia imua o ka Aha Hookolokolo no ka aie kaa ole.

            E lilo ana mai ka waihona dala aku o ke aupuni o Beritania, he kanakolu miliona dala, ke kuai aku i na waea olelo a pau e moe ana maluna iho o ka aina.

            Ma ka la 27 o Iune, ma Ladana, ua nana iho ka Moiwahine i ka paikau a na koa aupuni ona.  Ua hoikeia keia paikau imua o ka Moi o Aigupita.  O ka nui o na koa i paikauia i kela la, he 200,000.

            Ua hoemi loa iho ka Baneko Malama Dala o Enelani, i ka uku hoopanee o ke dala no ka makahiki, i 30 keneta.

            Ma ka pule hope o Iune, he 5,000 kanaka i haalele iho ia Livapulu, a holo aku la hoi i Amerika e imi i wahi no lakou e noho ai, kahi hoi e malamai ai na pono o ke kanaka.  Malia paha ma ko lakou hiki ana malaila, e lawe ai lakou i ka palapala e hookupa i kanaka Amerika, ke makemake lakou.

            Mamua iho nei, ua hoolahaia ae, ua aa aku ka poe hoe waapa o ke Kulanui o Havard ma Amerika Huipuia, i na keiki hoe waapa o ke Kulanui o Cambridge ma Enelani.  Me he mea la, ma kekahi lono, e hooki ana paha ko Enelani poe i ka aa ana mai e heihei.

            O ke Keiki Alii a ka Moi o Theodore o Abisinia, i make ai iloko o ke kaua, e aoia nei ma ke kula ma Enelani, ua manaoia e hoouna aku i Inia, no ke kulike ole o ke ea o Enelani me ke ea o kona one hanau, nolaila, ua nawaliwali.

            Ua hoouna aku kekahi Hui Mea Oki Hao o Enelani, ia H.W. Suwada, ke Kuhina Nui o Amerika Huipuia i hoopauia iho nei, i pahi koli peni maikai loa, ma kea no makana, me na hoku pakahi i hoonohoia maluna o ke gula o ke kuau palaoa, (ivory).

 

 

Ke ku ana mai o ke Keiki Alii

 

KE DUKE O EDINEBORO MA HONOLULU NEI.

 

            Mahope iho o ka hora 4 o ke ahiahi Poakolu iho nei , Iulai 21, ua uluaoa ae ke kaona nei, ma ka hoohikilele ana mai a ka manamana laau kuhikuhi o Kaimuki, e hoike aoa, he mokuahi kaua ke holo mai nei ma ka lae o Kawaihoa.  O kea la like ae la no ia o na kanaka a pau o ke kulanakauhale Alii, e hi-o ana e haiamu ana maluna o na aleo, a e naholo ana i kai o Ainahou e ike, a e kohokoho ana kekahi poe, “o ka moku o ke Keiki Alii a Victoria, ke Duke o Edineboro;” a pela wale no, a kaalo ana ka moku maanei o ka lae o Lae Ahi.  Oia naue malie mai la no o ua moku nei, a kuu an aka heleuma ma ka nuku o Mamala, me ke pailata ole nana i kuhikuhi.  O ke Keiki Alii iho no kona pailata ma kona ano Kapena.  Ia wa, ua loheia aku na leo namu a me na leo olelo kanaka, e hooia ana, “o ka mokuahi “Galatea” keia, ka moku o ke Keiki Alii.”  Aole no i pau ka nune ana; aka, ma ka hoi ana mai o ka waapa pailata, lohe pono ia mai  ama, o ka moku no o k a Malihini Alii, a  kakou e kau loa nein a maka, e ake o ka hiki mai, a hookipa mai ma ko kakou mau kaiaulu, me kea no, me he malihini io la na kakou, oiai he Aupuni Moi ko kakou e like me kona.

            Aohe i liuliu iho mahope oka pae ana mai o ke pailata (McIntyr) mauka nei, hiki mai ana ka waapa o kekahi alii koa o ka moku, a kipa ana ma ka Hale Oihana o Mr. T.H. Davies, kekahi o na haole Beritania kalepa ma Honolulu nei.  Malaila no kahi i luana iki ai, a hiki mai ana ke Kanikela Beritania, J.H. Wodehous Esq., me kona aahu, e hoike ana, he Kanikela oia.

            Mahope iho o ka launa pokole ana, ua holo aku ke Kanikela Beritania iluna o ka Manawa, maluna o ka waapa o kea lii koa o ka moku i holo mai ai.

            I ka lohe ana o ka poe ma ko kakou Alo Alii, ua wikiwiki lakou e hoouna aku ia Kiaaina J.O. Dominis a me Col. H. Penikalaka, ka Puuku Nui o ka Moi, e holo e hookipa mai i ka Malihini Alii.

            Ua hoohakaliaia ka lele ana mai o ke Keiki Alii, a ke kakahiaka Poaha ae, nolaila, ua hoi mai ko kakou mau Elele i hoounaia aku, me ke kali no ka la e hiki mai ana.

            Ma ka hora 8 o ke kakahiaka Poaha, ua haawi mai ka moku o ke Keiki Alii, i na pu aloha he 21 i ke Aupuni Hawaii.  Mahope iho, u paui ku ka puu o Puowina, i ka haawiana i ke aloha aku o keia Aupuni, i ka moku o ke Keiki Alii.

            I keia kakahiaka i huiia, ke holoholo mai nein a kanaka, ke hookahiakaha mai nei na koa hele wawae o uka nei a me na koa kaua lio hoi, a ua hoopihaia aku o kai o Ainahou e na makaikai o na waihooluu kanaka o na ano a pau, ke hele la a haki nua na kanaka i ka ike aku.

            Kokoke e hiki iho i ka hora 9 1/2 , hiki mai an aka waapa o ua Keiki Alii nei, a pili ana ma ka uapo makai iho o ka Hale Mahoe, ma Ewa ae.  I ka pili ana mai o ka waapa, pii koke mai la ke Keiki Alii, a launa, a lulu lima aloha me ke Kiaaina o Oahu nei, oiai e kali ana oia malaila me kona mau ukali, oia o Mekia E. Hofemana, F.H. Harris, o ka Puuku o ka Moi a me ke Kanikela Beritania, me ke Kaa Alii pu hoi kekahi e ku ana.  I hele aku laua e hookipa mai I ke Keiki Alii.  Kuhikuhi ae la ke Kiaaina, i ke Keiki Alii, e kau iluna o ke kaa lio.  Pii aku la ia me kekahi mau alii ona a me ke Kanikela Beritania pu.  O kekahi mau ukali o ua Keiki Alii la, ua hookipaia ae maluna o kekahi kaa lio e ae.

            Aohe i liuliu iho, o ka holo aku la no ia o ke Kaa Alii, i ukaliia e na’lii i haiia maluna, a komo ana ma Papakanene, ka hale i hoomakaukau ia nona.

            Mamua nae o ka pili ana mai o ka waapa o ke Keiki Alii i ka uapo, ua haawi ae na makaikai i na huro ana, a ua wehe mai no ke Keiki Alii i kona papale kapu.  Ma na wahi a pau ana i holo aku ai, a huro ia mai, ua wehe ae no ia i kona papale me ke kunou ana.

            He ano opiopio loa keia Keiki Alii.  Ma ka ike aku i kona mau helehelena, ma kahi paha o ka 25 makahiki.  Ua kahikoia oia i ke kapa Alii Moku, me na hoailona ano Kapena; a he oiaio no, he Kapena kona kulana maluna o ka moku.

            He 5 minute i hala ae o ka hora 12, haalele iho la ke Keiki Alii ia Papakanene, a holo aku la e ike i ka Moi, maloko o ka Hale Alii Iolani, i ukaliia e ka Mahele B. Koa Kaua Lio.  Kapena Alabati F. Kauka.

            Ma keia holo ana o ke Keiki Alii e ike i ka Moi, ua kahikoia oia i kona mau aahu Alii a pela no hoi kona mau hoa opio iho a pau.  I ka hiki ana aku o keia huakai ike Alii ma kea lo iho o ka Hale Alii ponoi, ua lele aku oia, a e ku ukali mai ana kekahi mau Alii, na lakou i lawe aku e hooikeike i ka Moi ma ke keena Hookipa, kahi a ka Moi a me ka lehulehu o na Alii e hoolai ana, a e kali ana no ua Malihini Alii nei.  He hapalua hora a oi ae ka launa oluolu ana, a hoi aku la ka Malihini i ka Hale I hoomakaukauia nona.  Mamua o ka holo ana e ike i ka Moi, ua ku ukali mai na puali koa pualu, Raipela a me Pukaa maloko o ka pa Alii.  He 16 wale no na la o ka holo ana mai a ua moku nei o ke Keiki Alii a ku ma Honolulu nei, mai Bolapola mai.  Ua ku mua ae oia ma Hilo ma ka la 18 iho nei, he elua la o ka noho ana a mailaila mai i keia awa.  O ka nui o na alii a me na kanaka apau maluna o keia moku “Galatea,” he 560.  Aia hoi maluna ona he Poe Puhi ohe no ke Keiki Alii.  O kekahi hoi o na mea ano hou maluna ona, he waapa mokuahi he 20 tona ke kaumaha.

 

KA LUNA HOOPONOPONO.  - - L.H. KULIKA.

KA HOPE LUNA HOOPONOPONO, J. KAWAINUI

POE HAKU MANAO NO KE KUOKOA.

REV. L. LAIANA (Lyons)                S.M. Kamakau.

Rev. M. Kuaea.                                 Rev. C.B. Anelua.

D. Malo.   (Lokoino.)                                    (Andrews.)

 

 

Ka Nupepa Kuokoa.

 

HONOLULU  IULAI 24.  1869.

 

Ka La Hoihoi Ea o Hawaii Nei.

 

            O ka la 31 o Iulai o ka makahiki 1843 i hala, he la nui kulaia ia no na puuwai Hawaii a pau mai ka elemakule poohina a i ke keiki hou o ia wa, no ka hoihoiia ana mai o ko kakou hae Hawaii, mai ka lima mai o kekahi haole Beritania oia o Lo Keoki i manao e pakaha wale i ko kakou hae, me ke ake paha e lilo i panalaau no kona aupuna, aka, aole nae pela ka manao o kekahi Aliikoa i kaulana, e noho Luna nui ana maluna o na aumoku kaua o ka moana Pakipika a pau o ke aupuni o o ka Moiwahine, oia o Dimarala Toms, o ka lawe wale ma kea no kaili i ko kakou hae, me ke kumu ole.  He mau malama ekolu a me na la keu ko kakou noho ana ma kea no pio.a “moku hae ole” me he mea la e kuewa hele ana, aka, i waena o kela mau la popilikia, nune a mimihi no ko kakou noho ana he pio, aia hoi, hiki mai ana kela Adimarala kaulana a kakou e mahalo aku ai, me ka pauma ea, a hookuu mai la i ko kakou ea e hanu hou, oia hoi ka hoihoi ana mai i ko kakou hae.

            He mea e ka hauoli, olioli, lealea a me ka hoomanao nui ana o ka Moi, Moiwahine, na Kuhina, na kaukauahi a me na makaainana o kela wa i hala i keia la.  Hookaniia na pua kuniahi, hoholaia na papa-aina akea, kai huakai na kanaka ma na alanui, haawiia he mau halawai haipule, a hoomakaia he mau hana hoohauoli puuwai a me kela mea keia mea ku I ka hoomanao no ia la.  Ua kukala akeaia hoi e ko kakou Maoi lokomaikai a i aloha nui loa ia, Kamehameha III, i hala e aku, e malamaia keia a me kela la 31 o Iulani o na makahiki a pau e kona lahui kanaka ponoi, i la e kulaia ai i ka hoihoiia ana maio ko kakou ea.

            I ko makou huli ana aku i ka moolelo o ka lakou hoomanao ana i ka makahiki 1844 ma kela la 31, oia hoi hookahi makahiki mahope iho o ka 1843, ma na nupepa o ia wa, ua ike iho makou, ua hookaniia na pua kuniahi nunui o Puowina i ka po mamua o ka hiki ana mai o ka la hou ano nui, ua kai ae na huaki kukui malamalama ma na alanui, ua kakani ae na mea ano lealea a pau, e hoika ana kela a me keia kanaka iaia iho, me he mea la, e olioli ana lakou ma kea no Iubile.  Ma ka auina la o kela la, ua haawiia he mau papa ina ekolu i hiki aku ka loihi o kekahi i ka haneri na kapuai a pela mai hoi na papakaukau elua i koe.  Ua hoolakoia na mea ai ano Hawaii a pau, a ua noho mai na Moi, Moiwahine, Kuhina nui, na kaukaualii, a hookahii ko lakou mau ahaaina like ana, e hui no ka hoomanao ana i kela la nui kaulana o ke aupuni Hawaii.  He ekolu na la o ka olioli ana o na alii a me na makaainana iloko o keia makahiki no keia la, me ka haipule pu ana a me ka hoahaaina ana.

            Mahope iho o ia mau makahiki, ua mau ka malamia an ma kela  a ma keia wahio o na moku o Hawaii nei.  E noho nanea wale ana no na makaainana ma ko lakou ano iho, a e kokoke mai an aka la “Hoihoi Ea,” e kalua auanei ka lakou mau puaa, e ahaaina auanei, a pela aku, a pela aku.  He kokoke e akahi hapaha Keneturia ka hoomanao mau ia ana o keia la mawaena o Hawaii nei a puni, aka, he mau wahi makahiki helu wale no elua i hala, mahope iho o ka a e ana ae o keia mau luna aupuni e noho ma ke poo o ka hooponopono aupuni, ua paleaia ae kela leo kuahaua alii a ka Moi, a ua uumiia iho ko kakou hoomanao mau ana i keia la hauoli, a o na la malihini i ko kakou aupuni a me ko kakou noho ana, oia ka keia mau luna aupuni e hoolaha nei, a e kauoha nei i ko kakou oihana kaua, e ki pu i ka po, a e hoala i na hiamoe he lehulehu wale.  Ina paha e ala mai ana o Kamehameha III, mai ka ilina mai o ka poe make, a ku kino mai i mua o keia honua, a kulukulu mai na waimaka me ka olelo ana, “o ka la nui a’u i kuahaua aku ai, e malamaia e ko’u lahui, i la hoomanao a me ka hoohanohano ana no ka hoihoiia ana mai o ke ea o ko’u aupuni,” ke haalele ia nei e oukou, i na paha ua kaawe keia poe hooponopono aupuni hou ia lakou iho, a kulou iho i lalo lilo.

            Ma ke kumu hea, ma kea no aha hoi i hooki pu waleia ai keia la kulaia o ke aupuni Hawaii?  No ka loli ana anei o ke kumukanawai?  No ka hoinoino anei i ke aupuni o ka Moiwahine?  No ka olelo ana anei o ke kumukanawai, he hiki wale no ke hoololiia ka hae?  Ina hoi ka pela, alaila, ua oi loa aku ka hoololi ana i ko kakou hae o kela kumukanawai mamua o ke kiepaepa ana maluna iho o keia kumukanawai.  Owai la o na alii kanu o ka aina i kue i keia la, a manao e hooki pu?  Owai hoi o na makaainana e uluhua nei no ke kulaia mau loa ia ana o keia la, mai na makahiki loihi loa mai i hala?  I ko ka lehulehu ike ana, ua hookiia, ua haohao lakou, a ke ninau mai nei no na kumu i hookiia ai.  Pehea la makou e pani aku ai i na leo nunu mawaena iho o na kanaka nona ka aina?  Aole i akaka ia makou ke kumu o keia kowa ana a na Luna Hooponopono Aupuni o keia wa, i keia la i maa i na makaainana ka malama ana.  Ina ua makemake ole na Kuhina no ka nui loa o na la kulaia o keia aupuni, o pau loa auanei ka pauda i ke kiiia, alaila, he oi loa aku ka pono o ka waiho ana i na la hoomanao a pau o keia aupuni, a e waiho aku i na pauda no na la lealea o lakou iho.

 

Na palapala mai i ke Kuokoa.

 

            Eia ma ko makou nei keena kekahi palapala pane i ka Ahahui Adimeke o ka ulu niu o Pokai, mai ka peni mai a Ab. Kamaikakio o Honokaia, Hamakua, Hawaii.  Aia maloko o keia pane ana, ke hole mai nei oia, aole i loaa i ka Ahahui Ike Hohonu Asimede na haina o na ninau.  No ko makou hoolaha ana mamua iho nei i kekahi olelo keakea i ka Ahahui Asimede, aole e hoolaha i na ninau ano ole, e like me na ninau olelo kanaka a ma ka olelo haole ka wehewehe ana a me na ninau ano like, nolaila, aole makou i hooholo no keia olelo pane, no ka puka a me ka ole.  Na keia mua aku nae e hoike mai i ka puka io ana me ka ole.

            Ua hoounaia mai ma ko makou nei keena oihana kekahi palapala, mai ka lima kakau mai o Hooipoipo o Kepulu, Kona Hema, nona ke poo, “No ka emi ana o na kula aupuni i keia Manawa.”  He oiaio he kumumanao maikai, o ka inoa nae o ka mea kakau he ino, aka, malia nae paha he maikai ka hana.  E hoopuka no makou i keia palapala ma keia pule ae.

            E hoopuka aku no makou maloko o keia nupepa i ke kumumanao a T. Kaehuaea non aka poo, “Ka pomaikai mau loa ma ka lani.”  Ua waeia na huaolelo mailoko mai o na pauku Baibala o na olelo o ke Kauoha Kahiko a me ke Kauoha Hou.  He pono no e nana nui ia keia mau olelo e ka poe makemake ma ka pono.

            Ua hoounaia mai i ko makou hale oihana nei kekahi olelo hoolaha, mai a E. Nawai mai o Kalua, Hamakua, Hawaii, me ka manao paha e hoolaha aku makou, aka, no ka hookaa oleia mai o ka uku pepa no keia olelo hoolaha, he hookahii dala me hapalua no alua puka ana, nolaila, ke kau leo aku nei makou i ka mea nona keia olelo hoolaha, aole no e hoopukaia ma ko makou pepa a hookoia ko makou kanawai.  Ina ua hookaa ia ka uku pepa i kekahi o ko makou mau luna Kuokoa, he pono e hoike koke mai.

            E hoopuka ana makou maloko o ko makou nupepa i ka olelo hoika a ke Komite Hoike Kula o  ka Apana o Koolaupoko, no na kula la aupuni i hoikeia e lakou ma ka la 24 o Iune.  Ua lohi lo aka apa ana a ke Komite i ka lakou hoike, a ma ka la 17 iho nei no ka loaa ana mai.

            Ke poloai mai nei maloko o ka palapala kekahi keiki kula i hoounaia e kana kumukula e hele i Lahainaluna e hoomahuahua ai i kona ike.  Ua hoolohe ka haumana i ka leo o ke kumu, a i kona hele ana a hiki i Lahainaluna, a ma ka la 7 o keia malama, ua weheia ka puka no na haumana hou e hui ai.  Iaia nae e makaukau ana no ka noho i ke kula, mahope iho o ka pau ana o ka hoikaia ana o ka poe hou, hiki ana ka palapala a ke kumu nana ia i hoouna mai ai, aole pono e noho ma Lahainaluna.  Ua hookuu ia aku keia haumana, a hoi aku la me ke kaumaha.  O ke kumukula o Keanae paha ke kumu.

            He palapala hoohalahala kai loaa mai ia makou mai a Wahamana mai o Puuohua, Hilo, e hoohalahala ana i ka Luna Leta Apana o Laupahoehoe, no kono hoouna loa i Hilo i na palapala a kela mea maluna ae, Ua palua a pakolu na kauoha ana i ka luna leta aole e hoouna loa i Hilo one, aohe nae he wahi hoolohe mai.  Ke pahenehene mai nei nae, no ka palupalu o ka luna, a no kekahi mau kumu e ae hoi.  Ke hoikeikie mai nei oia ia Rev. J. Hanaloa, oia ke kanaka kupono no ka noho luna leta ana.  Ina nae no ka poukekeue keia ahi-ahi ana mai ia makou, aole no makou i hewa.  E hoolaha ana makou i keia palapala.

            “Hana ku ole i ke aloha,” oia ke poo o kekahi palapala e waiho nei ma ko makou pakaukau mai a B. Like mai o Waiohinu, Kau, Hawaii.  Aia maloko o keia palapala he hoohalahala na ka mea lawe leta i kona uku pono oleia, e like me ka hoolaha ana a ka Luna Leta Nui.  E hoolaha no makou i keia palapala ma ke akea, i ike mai ka lehulehu hu i ka pono a me ka ole.

            Aohe no i pau ae ka heluhelu ana i na palapala a kekahi poe mai o Makawao, e hoike mai ana no ka wela a me ka mai luku malaila, hoea mai ana no he palapala hou, e hoike hou mai ana no, no kela mea hookakahi.  Nolaila, ua ahona no ka hoomoe ae i ka mea hope, a ua lawa ae la.

 

 

HALE KUKUI. – Ua paa lo aka Hale Kukui o ke awa o Honolulu nei.  Aia kona wahi e ku nei, ma ka aoao komohana o ke awa, aole ma ka nuku o ke awa, aka, e i aku no makai o ka uapo Mokuahi i hoomakaukauia.  He eha aniani nui, o keia ipu kukui, a o kona malamalama, e ikeia no ia e ka moku he eiwa mile ke kaawale.  O ke kiekie o kahi a ka ipu kukui e kau ana mai ka ilia e o ke kai, he iwakalua kumamaono kapuai.  Ma ka po Poalua, la 2 o Augate, e ho-aia no ua ipu kukui nei ma kona po mua.  E hoomaka an aka a ana mai ka napoo ana o kala a ka puka ana o ka la.  O ka malamalama o ua kukui la, he ano omaomao.

            D – Ke hoike mai nei no hoi ke Kuhina Kalaiaina, ua pa aka ipu kukui o Kawaihae.  Ua hiki ke ikeia mai kona malamalama ma ka umi mille ka mamao aku.  O kona kiekie mai ka ili kai ae, he kanalima kumamaono kapuai.  Ma ka po o ka la 2 o Augate, e ho aia ai ua ipu kukui la.