Ka Nupepa Kuokoa, Volume IV, Number 47, 25 November 1865 — Kela kiaha mua. [ARTICLE]

Kela kiaha mua.

" I hewa i kela kiaha mua," pela ka olelo a kekahi kanaka mahope o kana uhauha ana me ka ona mau no najpule ekolu. Ua haalele ua kanaka r»ei i na wai ona mamua'ku, a e manao ana kona poe- makamaka ua lanakila loa oia maluna o kona ano kahiko, oia hoi ka ona mau. JEiia ka e haule hou ana oia iloko oke ino ana i haalele ai. Ninau aku la kekahi makamaka i ua kanaka nei, u heaha hoi ke kumu o kou lilo hou ana i ka īnu rama, oiai ua loihi kou haalele ana ia mea ?" Pane aku la ua kanaka la, " kahaha, no kela kiaha mua ka hewa. Ike komoana oia kiaha, oka lilo loa aku la no ia. I mai ka mea kuai rama ia'u, i hookahi wale no kiaha, a e inu aloha maua—a o ke kolu nae keia o ko'u pule i noho ai iloko o kona hale kuai rama e ona mau ana i ka po a me ke ao." Hilahila loa ua kanaka ona nei; pio kona manaolana ; hoohokaia iho la kana hooikaika ana e haalele i na wai ona, hoi hou aku la oia ma ia aoao lapuwale, aole emo, a make aku la. Eia ka ninau :No wai ka hewa o ka make ana o ia kanaka ? Aole anei no ka mea nana i hoomalimali iaiae inu i " kela kiaha mua ? " Aole anei oi loa'ku Ira hewa o ka mea alakai i ke kanaka iloko o ke ino a me ka make ? Nui loa na kanaka i make i kela makahiki keia makahiki i ka poe kuai rama.