Ka Nupepa Kuokoa, Volume III, Number 37, 10 September 1864 — Ahaaina Lulu Dala Luakini ma WAIALUA, MOLOKAI. [ARTICLE]

Ahaaina Lulu Dala Luakini ma WAIALUA, MOLOKAI.

E ka Nupepa Kuokoa e ; Aloha oe :—Me ka manaolana hookamani ole, ke hooili aku nei au i keia wahi ukanaia ue, a nau hoi ia e hookomo iho ma kahi kaawale o kou mau kowa, a e ahai heīe aku hoi ma na palena kai o keia mau mokupuni, i ike mai ai na hoa Karistiano a pau e noho ana mai ka hikina a ka la i Haeliae, a ka welo ana a ka la i ka ilikai o Kaieiewaho, ma ka mole aku hoi o Lehua. Eia iho ua wahi ukana la, ma ka la 30 o lulai, oia hoi ka Poaono, ua hapai ae na hoahanau o ka apana o Waialua, he ahaaina lulu dala, i mea e pau ai kcr lakou hemahema no ka noho ole o ko lakou Halehalawai, ame na Pukaaniam no boi kekahi, no ka mea, ua hoomanawanui no lakou i ka nohoana ma ka papahele i na kau i hala aku ia, aka, »no, ke hiki nei lakou i ke kau o ka lanakila, a e seku ana lnkou i ka noho ana ma ka papahele, a e noho hoolai ana lakou ma na noho ma keia hope aku. Eia hoi ka huina o na daia ma ia ahaaina ana, he $102.31£, penei ka hookaawale ana, na ko Waialua poe, he $59.87£. Ua haawi mai lakou e like me ka nui o na dala a lakou i kohokoho niua ai, e like me keia, na jßev. D. W. Kaiue Esq, $10.00, na Kev. S. N. Nueku. $5.00, na S. Paulo $5.00, na S. Kauhane $5.00, na Kaokaka $5.00, na Kaili $4.00, na Waiauwia $2.50, na Napela $2.00. a na na kunw&ina hoi $2.00.

A o ka hapanui mai ka hookahi dala a hiki i ka hapaha ; a o ka nui hoi o na da!a ana haumana kula $5.00, ke hui puia nae me ka kekahi mau wahi keiki liilii hele ole ike kula. Eia hoi ka nui ona dala mai ka poe o waho mai, ke $32.31£, penei ka mahele ana : Na ko Mapulehu poe me kekahi poe o Kaluaaha, ame kekahi poe e ae o lalo mai, he $8.75, na ko Honouli, ame Moakea, ame kekahi poe uuka o Honomuni, he na ko Halawa poe hoi, he $13.00. Ua loaa mai hoi $5.12i ma ke kuai ana'ku i ke koena puaa o ua ahaaina ln.

A e hui hou hoi ia huina houluulu, me ka nui o na dala a ko waho poe mai, ua like ia me $97.18£, hui hou mai me $5.12£. O na puolo puaa i kuaiia ai, alaila, hiki ka huina a pau loa i ka $102.31£, e like me ka mea i haiia maluna. Nolaila, e wiki oe e ke Kilohana Pookela o ka Lahui Hawaii, e lawe kukini mama aku i keia wahi ukana imua o ka poe puukani opiopio, ame ka poe hapauea i hele a kolopupu a palalauhala e noho ana i ke aweawe liula o Mana. Me ka mahalo, S. K. Mahoe. Waialua, Molokai, Aug. 8, 1864.