Ka Naʻi Aupuni, Volume I, Number 36, 8 January 1906 — Nuhou o na Aina E Oia mau ke Kuhulu ku ma Rusia [ARTICLE]

Nuhou o na Aina E

Oia mau ke Kuhulu ku ma Rusia

AOLE I MAKE O PERESIDENA MORALES. Sana Lui, Ian. 6,—Ua hoike akn nei o Peresidena Morales o Sana Dominigo, e haalele no oia i ka oihana, ina e aeia oia e haalele iho i ka aina. ODESSA, Ian. 6,—Ua hoike ae na 'lii o ka mokuahi Nicholas, aia ke kulanakauhale o Novorosksk, o loko o ka aina o Caucasia, ma ka paa ana a na poe kipi; a ua holo ke Kiaaina ame na luna aupuni e ae mai ia wahi aku. KUKALAIA KE KANAWAI KOA MA SIBERIA. Sana Peteroboro, Ianuari 7. —Mamuli o ke kuhulu-ku a pioloke o ke ano haunaele o na kanaka e noho ana ma kahi kokoke i ke alahao Siberia, he umikumamahiku ka nui o na apana aina ma ia mau wahi i hoomaluia malalo o ke kanawai koa. KA HOIKEIKE NUI O KE AO NEI MA KALEPONI. Wakinekona, Ian. 7. —Ua hookomo aku nei o Lunamakaainana Kahn iloko o ka Hale o na Lunamakaaiainana, he bila e noi ana e hookaawaleia i $5,000,000 no na lilo o ke kukulu ana i kekahi hale Hoikeike Fea nui o ko ke ao nei apau, ma Kapalakiko i ka M. H. 1913, no ka hoomanao ana i ka manawa i loaa ai ka Moana Pakipika i ke kanaka holomoana oia o Balboa.