Ka Nonanona, Volume II, Number 17, 17 January 1843 — AIA UI. [ARTICLE]

MAUI.

LAHAINA. Malaila no o Mi. Holo laua o Kauka i keia mau la a hoi mai nei. I mai laua, ua maikai ka ahaaina makahiki a ke alii. Aole mea ona ma ka papa aina; he wai ka mea inu, a ua inu aloha lakou ma ka wai; pau loa ke kiaha okoa i ka inu hookahi ana! Auwe! nani ko lakou ono i ka wai hui hui! Me ke hue wai maoli la paha ko lakou opu. WAILUKU. Ua hoolaaia ka luakini hou malaila i ka la Sabati hope o Dek. 1842, a he pule hoomau ko lakou malaila ia mau la. Ua oleloia, ua makaala na hoahanau a me na kanaka malaila, i ko ka uhane. O ke Akua kekahi me lakou. Ua maikai ke Kula kaikamahine malaila i keia wa; malalo Mi. Holo ia ia.