Ka Nonanona, Volume I, Number 8, 12 October 1841 — HE WAHI MANAO NO KA NONANONA. [ARTICLE]

HE WAHI MANAO NO KA NONANONA.

Ua hele aku au ma kahi e imi i ka poe makemake mai ia'u. Ma Waimoa ko'u hele ana. Halawai au me ha kanaka malaila. Ninau aku la au, owai ka mea makemake mai ia'u? Ninau mai la lakou, 'Owai la oe'? I aku la au, 'he Nonanona wau.' He Nonanona ka! ka mea kolo, nalu kanaka, me he naonao la? Aole makou makemake ia mea. Aole oia ko'u ano—he Nonanona ano e wau. Pehea? E hoakaka pono mai oe i kou ano, i ike pono makou, alaila akaka ko makou makemake ia oe a me ka ole. Alaila, hoike aku la au i ko'u ano; he palapala wau, he mea hoike i na mea e pono ai ke kino, a me ka uhane, o na kamalii a me na kanaka makua, na'lii a me na makaainana. Ua like ka oe, me ke Kumu Hawaii, ka meu i make aku nei i ka pololi? He kaikaina no wau nona, aole nae au

i like loa me ia; he mea nui kela, he mea uuku iho au—he nui ke kumu kuai i kela—he uuku ke kumu kuai ia'u. He kumu kuai ka! kekahi mea au i makemake ai? Ka inoa, he haawi wale mai ka pono? Aole, he kino no ko'u, aole hiki ia'u ke ola, ke hana wale au me ka aku ole ia mai. Pono ha. A heaha ka uku ke lawe makou ia oe? Hookahi no hapawalu, no ka makahiki hookahi, ke uku koke ia mai, a ekolu hapa umi, ke hoopaneeia. Kahaha! hookahi hapawalu no ka Nonanona hookahi? Aole; he 24 Nonanona Ae, ua pono. Aka, o ka uku koke aku, aolo pela ka makou hana ana; ka inoa, aia pau ka hana, alaila uku aku? Pela no i kekahi manawa. Aka, he ili hune au, aole hiki ke hana, ke kokua ole ia mai i keia manawa kokoke no. Oiaio no. A he hapawalu aha hoi kau makemake? He hapawalu maoli no. Kahaha! no Oahu paha oe, kahi o ke dala? He poe kuaaina makou, aole a makou dala maoli; he kakaikahi loa ia. A aneano lakou e hoole loa mai ia'u. I aku la au, he mau mea e ae paha ka oukou, he wahine, he kapa, he paakai, he ia, he lole; Alaila, ae mai kekahi poe ma ia mau mea, a hoole nae kekahi, aole loaa. Nana aku la au, uuku loa ka poe, i makemake mai ia'u. Alaiha, i aku la au, aole anei oukou i makemake e ike i na kanawai o ko oukou poe alii, na kanawai kula, a me na kanawai e ae? Ae mai lakou, makemake no, ai la mahea e loaa'i? Eia no iloko o'u, oia kekahi hana a'u, e

Hoike aku ia mau kanawai. Aiaila muhuahua iki ae ka poe makemake mai ia'u. A o ua poe la makemake mai ia'u he 80 o lakou, ke huiia, ko Waimea, ko Hamakua, a me ko Kawaihae. A o na hapawalu maoli i loaa mai ia'u no na kanaka maoli, ekolu wale no ia. Ua loaa mai ke kahi wahine, a me kekahi mau mea e ae. A ua kuai aku au ia mau mea i ka misionari, a loaa mai ke dala maoli. Ua hoi mai nei au ma Honolulu nei me ke aloha nui aku i kela poe ilihune ma Hawaii. Pehea la lakou e pono ai? Na ka Nonanona.