Ka Makaainana, Volume VII, Number 18, 3 May 1897 — Page 5

Ka Makaainana.

 

HONOLULU, OAHU, POAKAHI, MEI 3, 1897.

 

balota e maopopo ai ke alii o ke Aupuni.

 

            A ma ia like no hoi i hoikeia ae ai ua makemake ka ke Alii e holo moho peresidena, me ka manaolana oia no ka ka lahui e koho ai.  Pela io no, ke hoea mai ia wa.

           

            O ka olelo ana nae hoi ua hui a ua noi aku oia ia Peresidena Makinile, ua hoole loa mai nei o Kakauolelo Pama i ka oiaio ole o ia ano olelo.  Eia iho ka ke Kapena mau olelo maopopo loa i loaa mai nei i ke Kuokoa namu: "Aole loa he wahi kahua iki no keia mea, me he la mai ia makou aku; aohe makou i waiho noi aku e like pela a aohe no hoi he kukai palapala ana me Peresidena Mainile"  Ua lawa kakou me keia hoole.

 

            Nolaila, he mea ole loa na olelo haanou a hoonuinui a ke Kuokoa-Kekake.  Ua hilinai makou i ka Kapena Pama, a e manao ae paha hoi kakou he wahi ano pahele paha hoi keia i kiolaia ae e na elele o keia Aupuni i mea haha aku i kahi a ka makani e pa ai mai ko ka Peresidena ihu mai ke nonolo i kona wa e pauhia ai i ka hiamoe Ae, he nonolo no hoi paha oia a o ka wa loaa no ia, no ka mea, ke ala oia, aole loa oia e loaa ana me ia ano maunu ekaeka.

 

            Poakolu iho e ahai aku ai ka pupuhi ia elele Kuhina Damona a me ukali Mekia C Piehu Iaukea, no Ladana, Enelani, ka pahuhopu, ma ke ano o laua na elele o nei Aupuni i ka la hoomanao Iubile Daimana o ko Enelani Moi.  He kulana oi ae ko Piahu i ka holo mua ana, he Konela oia a he lala no ka Ahakuka Malu, a he emi iho hoi kona kulana i nei wa, he wahi Mekia wale no.

 

            No ke Kuhina Waiwai hoi, aohe a makou olelo ana, ua kupono no oia, eia nae, aole loa oia no ka lahui oiwi.  Aka, no kona ukali iho hoi, e hewa a e hilahila mai ana paha hoi oia i na poe i ike a i launa mua me ia.  Pehea no hoi ke hookiekie ae i kona kulana, aole ia he mea hewa?

 

            E akahele nae hoi laua mai no a kipa aku i Wasinetona, o oi loa aku hoi ko laua hilahlia ke ike aku i ko laua haku Alii mua e noho hoolai mai ana, a e hoka ana hoi o mea ma iho me ke ano lomaloma.  Malia e hauoli io ana paha hoi laua i ka uhaai aku i ko ka lehulehu dala, a makou hoi i manao ai he hoihoi ole loa ka elele Kuhina  e hoolilo wale ia, oiai, naua no e hoale ae iloko o ka wa nele.

 

            Ia laua hoi e holo hoolilo dala aku ai no Ladana, e holo hoolilo dala ae ana no hoi o Kauka L@@no Asia, e like no me ka makou hoike ma kela helu aku nei.  He kou no paha keia a ke au uhaai nui wale.  Ina i ke au keia mamua, nui ke kueia.

 

            Wahi a na wahaolelo hoohui aina, no ka makau ka o hoopio ia mai e Iapana, a i ole ia, lalau limanui ia mai peha hoi e Beritania Nui, ua kokua ka na Hawaii i ka manao hoohuiaina.  Ka epa no hoi!

 

            Ina pela io keia ae la, o ka hoao ae a hoao mai no ka pono loa ma ke koho balota.  E kokua aku no KA MAKAAINANA nei ma ia hana maikai, i loaa ai hoi he koho hoopono ana o ka lahui ma na kumuhana e pili ana no ko kakou kulana hooponopono o ke ano o ke Aupuni o nei mua aku.  Aole ka lahui i hopohopo a i makau aka, o ke Aupuni no ka i wiwo  Weliweli!  Eia nae, ua hiki no i ka lahui ke hoomanawanui no ko lakou manawa, a o ke Aupuni hoi, aole loa!

 

            Ano e no hoi ko keia Aupuni a me ke Kuhina Kepani ae ana i ka hoihoiia aku o na Kepani i hooleia maluna o ka mokumahu Kinai Maru, he moku i haumia i ka ma'i samola-poki.  Ua oi loa aku hoi ke kupaianaha a me ka makee ola ole ma ka aeia ana aku o kahi poe e ae mai uka aku nei e hoi no Iapana ma ia moku.  He keu a ka hiki ole ke hoomaopopo ae i nei ano hana.

 

            Ua loheia mai nei ua waihoia a na Kuhina Nui Olone i pau o Amerika Huipuia e ike i kekahi kina iloko o kekahi kanawai i hooholoia e ko nei Aupuni Ahaolelo iloko o Iune i hala.  Ma kona manao, ua manao kela kanawai e keakea i ko na poe Amerika hookupa ana maanei.  Hana nui iho nei no a ikeia mai la ke ino iwaho.

 

            No ka hiki pono ole i Ke Aloha Aina Oiaio ke pane usau--ao mai i ka makou kuhi aku no ko lakou aihemu mai ke Kuokoa namu, ua pane pilikino a ano haihili mai la kela aihui aie kaa ole ia makou.  I heleia aku ka hoi a paluku i ka waha maea ona, ina la ua ike iho i ke ano o ka hana.

 

            Eia nae, ua hookau ak oia i ke koikoi o ke pale ana ae i kana mau olelo kapulu maluna o ka lunahooponopono, me ka mihi mai ia makou.  O ia ka hana pono a ka makamaka a me ke hoa'loha oiaio, aole hoi paha e like me ka kela ino hapala hoohaukee.

 

            Hoomakeaka nae hoi ua nupepa la ma kona helu o ka Poaono nei, aohe ka he makemake i na kamailio pilikino a hailiili, eia @@ ma kona puka Ia aku hoi o ka Poalua, nonoke lua ka hoi i ka hakukkole mai ia makou i ka "oopuhue."  Aohe makou e eha me ia ano olelo, oiai, ua hawahawa ole na lime e like me kela aihue hilahila ole i ka hou a ko makou lae i luhi ai.

 

            Ua olelo mai na lakou no ka i kuai ka lakou kope o ke Kuokoa namu a hanai iho ai e ka ike o ka lolo o ko lakou punui.  Aohe o makou hilinai i kela, no ka mea, ua mea loa makou iaia.  Aohe no hoi makou i ike i kela wahi hapaumi omilumilu.  Hoopunipuni!  O ka pololei maoli no paha ua aihemu a i ole ia, ua limalima okoa mai no.  Huai io ka hoi ka ike (ole wale) o ua ino la a makou i hoomanawanui loihi ai i kona ino a me kana mau hana ekaeka a hilahila ole.  E akahele iho nae hoi na elemakule, he lona maopopo iho kena.

 

            O na lono mai nei no ke kuikahi, e hookauia ana ka i dute o elua keneta maluna o na kopaa o na wahi e ae e komo aku ana i Amerika Huipuia, a he hookahi keneta hoi no ko nei mau kopaa e hoounaia aku ana.  Pehea hoi ia?  Noho mai e lile.  E hala ole ana paha hoi ka makou i olelo wanana ai.  Mai no a hoopoina iki!

 

            I ke Kuhina Pake i hiki aku nei a Kapalakiko, a ka Papa Ola hoi i ae ole ai e pae mai ianei, ua hoike aku nei oia i ke ano paani a kapakahi o ka lawelawe ia ana o ka hoomalu maanei, no ka mea, ua aeia no kahi poe e komo a puka a hele loa, oia nae hoi, aole loa, pela no me Kukima, ko Kina agena kalepa maanei, aole i aeia e hele aku e hui me ia.  No nei ae la ka, ua oleloia ua eha loa ke Aupuni.  E eha no paha a e pono, ua nele lakou nei ma ae me ka manao maikai no ia luna Aupuni kiekie i kipa mai la.

 

            Ma ka mokumahu Mauna Loa o ka auwina la Poalima nei i huli hoi mai ai ka Hope Ilamuku, o ke kau ana ae maluna o kahi waapa ma Kaunakakai, a loaa aku ka moku iwaho.

            He keu a ka ulolohi o ka hele aku o ka lehulehu i hoohiki e hoopaa i na inoa, i loaa ai hoi kahi pono koho balota.  O ia ano like no a puni ka Paeaina nei.  He 145 no o Honolulu nei a ke awakea Poaono nei.  Ua lohi no a mau no hoi ka nele loa.  No ka hoihoi ole ia mai no paha hoi ke kumu.

 

Ili ka Mokumahu Likelike.

            Iwaena o na nupepa oiwi, o makou ka mua i hoike aku ai i ka lono no ka ili ana a nohaha o ka mokumahu Likelike ma Honoipu, Kohala, Hawaii.  Ua naalele mai oia ia Keu nei i ka Poaha, Aperila 22, malalo o kekahi kapena hou, o kona malamamoku no, oiai, ua lilo aku o Kapena Pilimana iluna o ka mokumahu Helene mamuli o kekahi paee mawaena o ke kapena me na luina.  Ku i Olowalu, uhao kopaa, a holo loa no Hawaii a ili ai i kakahiaka Poaono, la 24 mai.

            Ua hoopakeleia mai kekahi mahele o kona ukana a me na pono e na mokumahu Kilauea Hou, Iwalani a me Helene, a i Mahukona no hoi o Peresidena Waita o ka Hui Mokumahu Waila a ua haawi i na kokua ana malalo o kana lawelawe ana.  Na ka Iwalani no hoi i kakahi aka Poakahi i hala i hoihoi mai i na poe a pau o luna ona, mai ke kapena, na alii a me na luina.

            Ma Kapalakiko, iloko o 1877, kahi i hanaia ai o ka Likelike ma ke kauoha a ke Aupuni Hawaii, a mai ia makahiki mai kona aloalo mau ana i ko kakou mau kaiaulu a poino wale aku la no.  A ma ke kauoha hoi a ka Peresidena, ua hooliloia ka moku ili ia John Hind (Keoni Haina) o Kohala no $80, i ka Poalua iho la, ma ke kudala.  Ma ka mokumahu Noeau mai nae hoi i loheia mai ai i ka Poakolu nei aia ke kai ke poi la ia luna iho ona a ke nohaha a okaoka liilii aku la hoi.  Awakea Poaono nei hoi, ma na uwapo Kinau me Likelike, i hooliloia aku ai e Kimo Mokana ma ke kudala na waapa, na pea, a me na pono e ae a pau ona i pakele mai.

            Ano koke iho nei no kona hoomaemae hou ia ana ma kahi o $15.00 ka lilo, eia nae ua paa pono oia i ke panihakahakaia.  He mea ole nae hoi ia, oiai, e oi loa aku ana ka poino o na ona mamuli o ka hiki ole o na ukana ke laweia, oiai, o keia ke kau kopaa.

 

            Aperila 17 i haalele aku ai ka mokukaua Kepani Naniwa ia Iokohama no nei, nolaila, he wa ku wale mai no kona.

            Aia o Kama'lii Kaiulani ma Parisa, pela no lono hope nona.  E hoea ae ana oia i Ladana i Mei nei a me Iune ae, a ke pau kahi hana malaila, huli hoi loa mai no Honolulu nei iloko o Okatoba ae.  Oluolu maikai no kona ola kino, a pela no me ko kona inaui.

            Imua o ka Aha Apana i ka auwina la Poalua iho la, ua unuhi ae o Toma Waka i kana i hoola mua ai i kona hewa no ka hoao ana e lawe i ke ola o J. Emeluka me kekahi mea eha e make ai a ua ae okoa aku i kona hewa.  Ua hoopaiia mai oia no hookahi makahiki hoopaahao ma ka hana oolea a e uku i na koina.  Aia ke alohaia maluna o kona ohana.