Ka Leo o ka Lahui, Volume II, Number 609, 22 December 1892 — Page 3
| This text was transcribed by: | Richard Tavares |
| This work is dedicated to: | Awaiaulu |
KA LEO O KA LAHUI.
"E Mau ke Ea o ka Aina i ka Pono."
-----
Hoomaemae ana i ke Alanui Kuakini 1,500
Alanui Kamehameha 5,000
Alanui Liliha 2,500 hooleia.
Hooloihi ana i ke Alanui Hotele a hiki i ke Alanui Paipalapala a hui me ke Alanui Alapai 5,000 hooleia.
Hoopanee ka hale.
LA HANA 151.
Dec. 20, 1892.
Halawai ka Hale elike me ka mau Na Komite Mau.
Ua pau i ke pai kekahi mau bila.
Kamika, e pili ana i ka bila 207, waihoia a noonoo pu me ka bila.
Na ia Komite no, no ka bila 221, waihoia a noonoo pu me ka bila.
Kauhane, no ka bila 22, waihoia a noonoo pu me ka hoike a ka hapa uuku, a me ka bila.
Waipuilani, no ka bila 74.
Kuhina Kalaiaina, ua kakauinoa ka Moi he 4 mau bila.
Nana no e ae ana i na ninau a Hona, no ka bila 175.
Loio Kuhina, hoolaha kanawai. Na Hana o ka La.
Bila 175 i vitoia ai e ka Moi, i ka la 15 o Dekemaba nei.
Noi o Kamauoha e hoopanee loa ia keia bila, a e apono aku hoi i ka vito ana a ka Moi, a e noi ana au e kakau ia na ae a me na hole.
Nui na hoopaapaa ana o na hoa no keia bila i vito ia e ka Moi, a ua kakauia na ae a me na hole, ua ike ia he 29 hoole, a he 14 ae, a ua aponoia ka vito ana.
Kapaoia na rula, heluhelu mai o White he hoike e pili ana i ka bila 122 e laikini i ka opiuma.
Hoomaha ka Hale.
Auina La.
R. W. Wilikoki, noi oia e noonoo pakahi ia na pauku o ka bila 147, a i mea hoi e ike pono ia ai ke ano o keia mea he opiuma.
Kuhina Waiwai ua apono au i ke noi a Kamika e hoopanee loa i keia mau bila a pau.
Kamauoha, kokua au i ke noi a ka Luna Hanohano o Waialua e noonoo pakahi ia na pauku.
Iosepa kokua au i ka hoopanee loa i keia bila.
Kauhane, kokua i ka hoopanee loa.
Kauhi, eia au ma ka aoao e kakoo ana e noonoo pakahi ia na pauku o keia bila, a ua hiki ia’u ke olelo aku, o na puka liu nui keia e komo nui nei ka opiuma, oia no ke Keena o ka Loio Kuhina me ke Kuhina Waiwai.
White, eia wau ma ka aoao e kakoo ana e noonoo pakahi ia na pauku o ka bila.
Nui na hoopaapaa ana, a noi ia e kakau i na ae me na hole, he 31 kue i ka hoopanee loa, a he 12 ma ka ae.
Kapaeia na rula, hoike mai ke Komite Pai, ua pau i ke pai ia ka hoike e pili ana i na Kukui Uila.
Bila 147, pauku 1 - 8, hooholoia.
Hoopanee ka hale.
-----
LA HANA 151.
Dec. 21, 1892.
Halawai ka nale elike me ka mau
Na Olelo Hooholo.
He palapala kai loaa mai i ka Peresidena mai ka Ekalesia mai o Kawaiahao, e kono ana i na hoa e Hele aku i ka la 28 o keia mahina.
Bila 175, waihoia ma ka papa.
Kamika, e kakau pololei ka poe kakau nupepa i ka lakou mau moolelo o ka hale.
Na Hana o Ka La
Na hana pau ole, bila opiuma 147, pauku 9 - 14 holo.
Pauku 15, nui na hoopaapaa ana, a i ka ninau ia ana i 4 wale no laikini, a ua ike ia he 24 kue ia 10.
Haawiia keia pauku i ke Komite r hooponopono hou, a pela ka Pauku 16.
Awakea hoomaha ka hale.
-----
NU HOU KULOKO.
-----
I Na Luna lawe pepa o Ka Leo, ke hai ia aku nei ka lohe ia oukou a pau, e hoihoi mai i keia mau helu 570, 580, 585, 586, 590, 594 me 595, ina he koena koe ma ko oukou lima.
Ma Ke Kauoha.
-----
Ahaolelo ko keia kakahiaka, hora 9.
-----
O ko Nawahi oi imua o kona hoomokomoko he 130. Nui kela.
-----
Ua hopu ia ka mokuahi Waimanalo no ka hewa hoopae opiuma ma ka Poakolu nei.
-----
Ua hoike ae ka Luna o Waialua ua makemake oia e pau ka Ahaolelo mamua o ka Makahiki Hou.
-----
Ua hoea ae ka Mea Hanohano P. Kamai o ke Kau o 1890, iloko o ka Hale Ahaolelo me kona ola kino maikai.
-----
He ike alii kai malamaia ma ka Paalii i ke kakahiaka Poakolu nei, no na Aliimoku, o ka mokukaua Pelekane e ku nei i ke awa.
-----
Ma ke ku ana mai o Kinau ua loaa maila ka lono, ua haaheo aela o Nawahiokalaniopuu i ka noho hanohano Hilo Hema, Huro! Huro!! eo i ka aoao Liberala.
-----
Ua manao ia, ei ae ka Mea Hanohano J. Nawahi maluna o kekahi waapa huelopoki e hii ia mai nei, malalo o na pulama ana a na keiki keeaea o na kai 8.
-----
Ua h@lui ia mai he neluna nui o kekahi poe iliulaula, no Honolulu nei, ma ke ano he mau hoike no kekahi hihia ano nui a Kakela mama ke ano he hihia waiwai, oia hoi he hihia wai.
-----
Ua lohe hou ia mai, ua telepona ia mai ka mokuahi Waialeale mai Hilo mai a Hamakua, no ka ninau ana i kona wa e haalele ai ia Hamakua, ua hoikeia aku, i ka Poakolu nei, ua manaoia e kau mai ana o Nawahi ma ia moku.
-----
Aole keia he Mau Hana Hoohoka!
--: AKA HE MAU :--
WAIWAI HOU WALE NO, AOLEIPOPOPO
--: E LOAA NO :--
MA KE KUMUKUAI EMI LOA!!
MA KAHI O
N. S. SACHS,
Helu 104 Alanui Papu, Honolulu Helu 104.
O na Waiwai Hou Wale no ko ko Makou Halkuai
Aole o na Apa Lole Popopo a Kahiko!
Aole a makou mau hana hoopunipuni; aole a makou mann u ekaeka, oia hoi, aole o makou ouali ak i na apa lole kahiko i kumu e loaa ai he puka ma mko makou aoao, aka, haawi aku makou i na waiwai hou loa no ko makou mau makamaka a me na hoaloha, no ke
Kumukuai Emi Haalele Loa, e loaa ai Kona Lua ke Ukali ae!
Ua wehw ae nei makou i keia wa he laina hou o na Lihilihi a me na Lihilihi Kuuwelu i hoouma pololei ia mai Europa mai, ma o ko makou mau kauoha ponoi ana aku, a ke hooia aku nei makou e kuai ia aku ana no me mka emi loa i oi ka emi mamua o kekahi mau halekuai e ae. Ua loaa pu mai no hoi ma ko makou halekuai nei, he mau lako hou o na
Apa Keokeo, na Lako Kalakoa a me no Kinihama,
A ke kuai aku nei makou ma ke kumu lilo. no ka mea ua makemake makou e loaa ona wahi e hoahu ia ai ko makou mau waiwai lako huluhulu. Ua wehe pu ae nei makou he luhiehu o na APA HULUHULU Farani, ma Silika PANI’O a me na APA SILIKA LAU. He mea pono e ike ko makou makamaka a me na hoaloha i keia mau waiwai hou a nani. Emi ke Kumukuai. O na APA SILIKA ELEELE, PAPAMU, a pela aku, e loaa no ma ko kumukuai haahaa loa.
Na Papale o na Wahine i humu a kinohinohiia, na Papale o na Keiki o ke ano hou loa, e kuai ia aku no ma ke kumukuai haahaa loa. Na Pua Papale, na Hulu Papale hou, e pela aku, e loaa no ma ko makou halekuai me ke kumukuai emi loa. O ka loaa koke ana mai nei no ia o ka mea humu papale hou o ko makou halekuai mai Nu Ioka mai. He loaa hana mau hana hookinohinohi ana i na papale. Ua hiki ia makou ke kaena ae na oi ae kona loaa mamua o na mea hana a kinohino papale o kekahi mau halekuai papale e ae.
E hoomanao hou iho e na makamaka a me na hoaloha, o ka pono, pololei, kaulike, ko makou moto, a aole a na hana poholalo, a mamua o ko oukou hele ana aku i kekahi halekuai e aku, e kipa mua mai ma ko makou halekuai. E k@hi mua. E nana. E lolelole. E hooia no oukou iho.
--: N. S. SACHA :--
575-FD 104 Alanui Papu, Honolulu.
-----
He Kuai Hoopau Nui
MA KA
HEIAU O NA Paikini!
-----
No Keia wahi Pule Hookahi Wale iho no!
-----
A HE OIAIO
E Kuai pea aku ana ka Makou ana LOLE KEOKEO a pau, oia hoi
Na Lilina, Kalakoa a me na Kilikia me na Huluhulu
Na Kinamu a me na Lole Nani onaano a Pau.
-----
E pau ana i keia Pule no ke Kumukuai hiki ole ke manaoia no ke emi loa. E hoomana o na Lede i keia kuai kamaho e panee ia aku nei imua o oukou.
575 tfd. S. EHRLICH, Ka Hei@u na Paikiai.