Ka Leo o ka Lahui, Volume II, Number 277, 10 September 1891 — He Moolelo No KAMAPUAA. [ARTICLE]

He Moolelo No KAMAPUAA.

KE KEIKI PUAA A KAHIKIULA ME HINA—KA MOOPUNA PUAA A KAMAUNUANIHO—KA HOA PAIO HOI O PELE, KA WAHINE O KA LUA I KILAUEA, A HALA LOA AKU I NA KUPUNA O KUKULU O KAHIKI.

O oe ia e Haunuu, e Haulani E Haalokuloku Ka Mano e ka I'a nui E ui, e Uilani Ko inoa Puaa ia e o mai.

Huli ae la o Kamapuaa a ike i keia kaikamahine ui, o Haena kona inoa. a he moopuna hoi na ua ohana moo nei. Hoomaka aku la o Kamapuaa e iho ilalo o ka pali, a halawai aku la oia me Haena; a iloko no hoi oia manawa pokole ua hui kino iho la laua. Ike aku la ua poe moo nei e moe ia mai ana ka hanai a lakou; ia ma nawa i hoomaka aku ai ua ohana moo nei e oli; a penei ua mele nei a lakou i oli aku ai— Ke ai ia mai la e ka manu Na lehua i ka wekiu Pau ae nei Makalii ma Na lehua i ka lulu Aloha wale ka la'i eO Haena ka lei, he lei aloha eIa manawa hilahila iho nei o ua o Kamapuaa, a ninau ae nei oia i kona mau kupuna akua; he mau manu no anei ka kakou ? Ae aku la na kupuna o ua Kamapuaa nei; ae, he mau manu no ka kakou. Hanai ia oe i ka uka o Kaliuwaa» a e hanai ia ana no hoi ka, manu ia manawa. Hookuu iho la ua poe moo nei i ka lakon mau manu koae maiuna o Kamapuaa e nahu ai. Ua pouli o luna o ka lewa i na manu koae. aohe ike ia aku o ka malamalama o ka la. Ia manawa i kahea ae ai o Kamapuaa i kana mau manu— E-o ka leo o ka liwi inuwai lehua E-o ka leo o Kaakakani inuwai E-o ka leo o ka Oo ai pua lehua E-o ka leo o Kahinihini kuamauna E-o ka leo o Kapolei kani leo le'a

E-o ka leoo ka A'o kani kohakoha i kapali E-o ka leo o Kaouou kani holo-holo-ke E-o ka leo ka Pueo kanikani hoanoano E-o ka leo o ka lo kani ohaehae E-o ka leo o Kaamakihi kani uliuli E-o ka leo o ka Illili holo kahakai, E-o ka leo o ke Kolea hai i kona inoa E-o ka leo o ka Noio kani pohapoha E-o ka leo o Kaomao kani uheuhene E-o ka leo o Ka-ou kani poponi wai. Ia manawa i pouli loa ai ka malamalama o ka la, i ka nui o na manu a Kamapuaa, a haehae liilii ia na manu koae a ua poe moo nei. Iloko o ka manawa pokole, ua lilo lakou i mea ole, i ka nui a lehulehu a ka launa ole o na manu a na kupuna. Hoolei aku la o ua o Kamapuaa i ke kino amaumau oia nei i ka pali, a hoomaka aku la keia e pii e pepehi i na moo. Ia Kamapuaa i hoea aku ai no lu na o ka pali, ua hoomaka aku la ua poe moo nei e holo, a huli hou maila kamailio iaia nei penei: E Kamapuaa, e ola makou, e hoo pili ae hoi oe ia makou i ka pali. Ua hoopili aku la o Kamapuaa i ua poe moo nei i ka pali, oia ke ano o na moo kaula e pili wale nei i ka pali. Nolaila, ua loaa ka lanakila ma ko Kamapuaa aoao, a ua haule ino ka aoao o na moo, ua lilo lakou i luahi haalele loa na Kamapuaa ma ka pau ana o ko lakou hakaka ana. Ua huli hoi aku la o Kamapuaa, no Huleia kona pahu hopu, no kahi a na wahine a laua e noho mal ana. A i kona hiki ana aku i ka hale o na wahine, a i koi nei ku ana ma waho o ka hale, ua ike koke mai la kai nei wahine, holo koke mai la oia, me ka puili ana ae o na lima malalo o na wawae o kana aloha. Kulou iho la o Kauianuaa a haawi iho la i ka ka makamaka wahi o ka ihu, a ua hooko ae la no hoi kana aloha ia haawina hookahi. I ua wahine nei e nui nfei kona j leo me ka hauoli nui, na holo mai | la kona hoahanau, afuiipu ae lalakou i kahi hookahi, mo na aloha waianuhea. : Aole i pau. I