Ka Leo o ka Lahui, Volume II, Number 134, 20 February 1891 — Page 3
| This text was transcribed by: | Kailianu V. Michaels |
| This work is dedicated to: | In loving memory of my father, Mervin Apana Lee Kwai |
KA LEO O KA LAHUI.
"E Mau ke Ea o ka Aina i ka Pono."
Maikai a pilipono maoli kela kanaenae o ke Alii Liliuokalani i oili aku ai inehinei ma ke kolamu eha o ka aoao elua o ko kakou Leo. Noeau maoli no ka mea nana i ulana. He pule maikai loa kela no ke "Liiwahine; ina lohe ke ʻLii i ke la pule o ke ola no ia o ka aina me ka lahui.
-----
HE MOOLELO HAWAII NO KUALUNUIAOLA.
KE KEIKIKOA O KA MOKUPUNI O KA MANOKALANIPO. - KA HIʻA PAIOLE O KE KOA I NA LA O KA NOHOALII ANA O OLA, KE ALII O WAIMEA, KAUAI.
Aohe kauhale o keia wahi aku, no kai mai keia kamalii o Makaweli. i hele au ilaila inehinei i ka ono i ka oopu. o makou pu ka hele ana a hoiaikane ia e aʻu, lawe loa ia mai e aʻu a kauhale; koi e hoi i ke ahiahi nei, auʻa ia e aʻu e noho iuka nei, oia keia noho.
Pau ka paani nui ana a ua poe kamalii nei, hele nui i ka ai pilali kukui, a he mea nui hoa ia i ka uka o Peʻapeʻa. pela ka lakou apa ana a hiki i ke ahiahi ana, akahi no a manao ae he hale.
Oiai lakou e hoi ana i ka hale, ua kamailio aku la ua opio nei i kona hoahanau, mamua aku nei, e iho mau ana au i kai o Waikaia i ka paani keʻa pua me kamalii, aohe he ahiahi haule, a i keia mau ahiahi iho nei, akahi no a manao ia ka hale.
I ko Pi lohe ana aku, ua olelo ko ke mai la oia, oia no hoi kaʻu i noi aku ai ia mama ma, e hookuu mai iaʻu e hele i kai o Waikaia i kekahi mau ahiahi aku nei e nana ai ia oe, eia hoi ka laua ala aohe ou hookuu ia e Kahapula e iho i kai e paani ai me kamalii, nolaila, aohe oʻu hookuu ia e hele.
Hoi nui aku la lakou nei a ka hale, ai nui iho la a maona, a kakali iho la no ka napoo aku o ka la ilalo o ka ilikai.
Oiai lakou e nanea wale ana no, ua pane ae la o Pi, e hoi ana au, o haʻohaʻo ia mai auanei au i kuu hele loa.
Nawai hoi e haʻohaʻo mai ia oe? wahi a Kualunuiaola.
Na papa ma, no kuu hele naaupo, nolaila, e hoi au, ua ike iho la no hoi kaua, wahi a Pi.
E noho no kakou, akahi no ka a ike koi e no oe i ka hoi, heaha no hoi ka pilikia ina kakou e noho ana he hale no ka hoi, a na laua no ia e imi mai, ua ike no hoi i ka hale nei.
He uku paha ko laua manao mai eia au iuda nei. oi auanei e ua hahai aku au e pii loa mai ana au iuka nei, ina hoi ha e manao ana eia au iuka nei pono loa.
Aohe e nele ka manao, nolaila, e noho no kakou, wahi hou a Kualunuiaola, o ka noho ia a po moe nui, a oia lakou e moe ana, e nana aku kaua i na kooa i holo ai i ka makaʻu ia Kualunuiaola.
O ko lakou holo ia a nui ana ka hanu imua o Ola ke alii: Heaha mai nei keia e nui mai nei ka hanu, wahi a ke alii.
Heaha mai auanei ka l o@ kau. o kekahi o makou ua pau i ka eha, o Manoa hoi keia ua make loa. a pakele mai hoi makou i ka holo ana mai nei.
Auwe koke ae la ke alii me ka kaumaha a ninau hou mai la. heaha ka mea i make mai nei o kuu pukaua?
Aole i pau.
-----
He Leo Poloai.
Ina makamaka a pau o Ka Oiaio e noho ana mai Hawaii a Kauai, ke poe hoi nana i apo mai a hookipa aku i keia wahaolelo hopo ole o ka Lahui.
Ke kono ia aku nei ko oukou mau manao maikai a aloha Lahui oiaio hoi, e haawi mai i na kokua ana no ka pono a me ka holomua o keia wahaolelo o ka Lahui Hawaii oiaio, ka nupepa hoi aole e hiki ke punukuia e ka mana o ka poe e ake ana e nalo na ino a me na hana pono ole i manao ia e panee mai maluna o ka Lahui. Aka, he wahaolelo ia i kukulu ia maluna o ka oiaio, a o ka oiaio ke kahua, a o kona inoa no hoi ia.
A oiai, ua waiho ia mai iaʻu ka hana o ka malama ana, a me ka hooponopono ana i ka papa inoa o ka poe a pau i lawe i keia nupepa i keia makahiki e hele nei. mai ka papa inoa o na luna a me ko ka poe lawe pakahi a puni na ailana mailoko mai o ka Buke inoa o ka makahiki i hala, a ina makemake nui au e hooikaika e like me kahi makaukau i loaa, no ka hooholo pono ana aku i na mea e loaa pono aku ai ka oukou mau nupepa me ka hauleule ole, i kulike me ke oukou makemake. A i mea e nee mua aku ai keia makemake o ka oukou kauwa nei, aia no ia ma ka oukou apo ana mai me ka lokahi ma ko oukou aoao mai. a e hooikaika no hoi au maanei nei aku, a eia kekahi mau mea i makemake ia e ko no aku ia oukou:
1. O ka poe e makemake ana i ka nupepa "Ka Oiaio," kauoha pololei mai ma keia keena, Keena o ka Oiaio, ma ka inoa o ka Hon. J. E. Bush (Ailuene Buki.)
2. O na hemahema a me na pilikia no ka oukou mau nupepa. e hoike koke mai me ka maopopo ma keia keena, mai hookaulua.
3. Kakau pololei mai i ko oukou mau inoa, me na hua kumu, a me ka inoa o kahi a oukou i noho hoolaʻilaʻi ai.
4. O ka mea a mau mea paha e hoonee ana iaia iho mai kahi mua a hele aku a noho aku he wahi kaawale, e pono oia e hoike koke mai i kona nee ana, a haʻi mai i kahi hou ana e noho kauaheahe ana.
5. Ke ola o ka nupepa, aia mai ia ma ko oukou aoao, a o ka mea nui ia: a ua ike no oukou i ka olelo a ka Luna Nui o keia nupepa e pili ana ia mea. Ina he aloha a he manao maikai, hoike iho ma ka hookaa pono ana i ke ola o ka nupepa. O na mea pili i ke dala o ka nupepa. me ka Hon. J. E. Bush oukou e kamailio ai no ia mea.
6. O na leta hoike mea hou a me na manao kakau ia mai, hoouna mai i keia keena me ka hoike pono mai i ka inoa pololei.
Me ka haahaa,
EDWARD KEKOA.
Keena Oiaio, Honolulu Feb 5, ʻ91.
-----
HOOLAHA I KA POE MAKEMAKE I "KA LEO."
Ma keia hope aku ke hoolaha ia aku nei, e kii aku ka poe makemake i ka nupepa KA LEO i na Luna e lawe nei i ka nupepa, oia hoi o
J. Kahaleluhi J. Kaneaiakala
J. Kanu Parao
T. Kapualei John Samoa
Geo. Kanekau
JNO. E. BUSH
Luna Hooponopono.
-----
HOOLAHA A KA PUUKU.
NO NA HOOKUPU NO KA LA KUOKOA O KA LAHUI HAWAII.
I na Hawaii a pau, ke poloai aku nei ka mea i kohoia he Puuku no ka wa, no ka malama ana i na hookupu, e loaa no oia ma ke Keena o ka LEO O KA LAHUI i na la apau, koe ke Sabati, ka la ehiku o ka hebedoma, e lawe i na hookupu a ka poe i aloha i kona aina hanau, i makee i Kona Kuokoa o Hawaii Ponoi.
I mea a maopopo ai ke ano o keia hookupu, ke hoike aku nei ka puuku, penei. Ua noa ka hookupu i na Hawaii a pau, i na hookupu dala, a me ai paha. He mau haneri dala kai hookupu ia i ke ia manawa, a he 10 bipi, he 20 mau puaa. E hoike ia aku ana no ka papa inoa hookupu i ka wa e pau pono mai ai o na hookapu ma koʻu lima.
Me ke Kauoha,
JNO. E. BUSH.
-----
Hoolaha a ka Hui Kaa Ahi.
UA HOOHOLO KA HUI KAA Ahi i ko lakou manawa holo, ma ka la Sabati ae nei, Feberuari 18, 1891.
EHA MANAWA HOLO ILOKO OIA LA.
KA HOLO ANA A HOI MAI.
Haalele ia Honolulu 7:00A.M. 3:30P.M.
Hoea ma Honouliuli 8:05A.M. 4:35P.M.
Haalele ia Honouluuli 8:25A.M. 4:55P.M.
Hoea ma Honolulu 9:30A.M. 6:00P.M.
W. G. ASHLEY
Lunahoohana Nui O. R. & L. Co.
Feb. 10, 1891. 5ts-d.
-----
KU AI HOOPOHO LOA!
No Ekolu Pule Wale no!
E HOOMAKA ANA MA KA POAKAHI
LA 15 O DEKEMABA, NO KA POMAIKAI O KUU LAHUI PONOI.
E kipa mai i hookahi, o ka pono no o ka hele mai no a pau. i ike maka, oia hoi, e kuai hooemi loa aku ana wau i koʻu mau waiwai a pau ma ke dala kuike, oia hoi, na KALAKOA hooluu like ole. Mai ka 12 a 20 I-a no a $1.00.
Na KALAKOA laula, mai ka 6 a 8 I-a ko ka $1.00.
Na KALAKOA hapa kanikau laula, he 7 I-a na ka $1.00.
Na KINAMU, he 12 I-a $1.09.
3 Paa KAKINI WAHINE 25 keneta.
Na PAPALE o na opio wahine i kinohinohi la, he $1.50 a pii aku, no ka mea hookahi.
Na LEPO-NALO mai ka 8 a 18 I-a no ka $1.00.
Na A-I KALA KEOKEO a me hapaka nikau o na wahine, 10 keneta no ka mea hookahi a pii aku.
Na KAMAA haahaa o na wahine, he $1.00 wale no no ka paa.
Na KIHEI huluhulu, na HULUHULU manoanoa; na HALII moe a pela aku.
Na PALE-ILI oluna o na kane, he 25 keneta wale no o ke ano maikai.
Na PALE-ILI olalo, he 40 keneta wale no a pii aku.
Na PAA LOLE o na keiki o ke KALIKIMAKA.
Na PALULE hana o na kane mai ka 40 keneta a pii aku.
Na PALULE huluhulu mai ke 40 keneta a pii aku.
Na PALULE keokeo i aiana ole ia, he oluolu ke kuai ana, a he nui wale aku no koe o na waiwai e kuai hooemi ia aku ana, mai hoohakalia i ke kipa mai iloko o keia mau Pule Ekolu wale no e loaa ai ka makepono loa o na mea kuai ma koʻu hale.
F. MOSES KEUMI.
ALANUI MOI
-----
JOS. HUBASH.
(Alanui Papu, Honolulu H.I.)
He mea Milo Gula kaulana, aia ma ka
Halepohaku o Makanani.
He Puu nui o na mea Gula,
a me Na Lako Dala o kela a keia ano.
No ke kumukuai haahaa, e ohi oe a luhi ko kino; a o ka lali, ka lilelile, a me ka mahiehie, oia kau e linohau ai; no ka mea, he keu a ka haahaa o na kumukuai.
Honolulu Feb 2, 1891. 121 1w-d.
-----
KA HUI KAA ENTERPRISE.
Ua kukulu ae nei au i kekahi HUI KAA.
Eleu ma ka aoao iho o KALAKAUA HALE me Alanui Kalepa.
Ma ka Huina Hoolulu Kaapio Helu 13.
O na kauoha a pau e hoouna ia mai ana ma ke TELEPONA mai na makamaka mai ma na wahi a pau o ke kulanakauhale nei, e hooko koke ia no me ka piha eleu o ka uwila.
E Hoao i pau Kuhihewa.
WALLACE JACKSON, Luna Nui.
Telepona Bele Helu 113
Telepona Matala 690
-----
Hoolaha Hookapu.
Ke hoike ia aku nei ka lohe i na ano kanaka a pau loa. Ua hookapu loa maua i ko maua mau Apana Aina ekolu i kapaia o Kalaheo, Kahaleula a me Puuoihala, no lakou na eka 202 e waiho la ma ka Paa, Kailua, Koolaupoko, Oahu, i hoolimalima ia e maua mai ia Keleau (w) mai. Nolaila, ke papa loa ia aku nei na holoholona o kela a me keia ano, aole e hookuu wale ia maluna o ua mau Apana Aina la, a o ka mea a mau mea paha e kue ana i keia, e hopu ia no e maua, a i ole ia, e ko maua mau hopo paha, a e hooko ia e like me ke kuhikuhi a ke kanawai. O na poe a pau e makemake ana e komo iloko o keia Hui, e pono lakou e hele mai e hui pu me Mrs. C. I. HIRAM, a i ole ia, me DAVID DAYTON, a i ole ia KUKA.
Owau no me ka haahaa,
MRS. C. I. HIRAM.
Honolulu, Oahu, Oct. 8, 1890. 3mo-d.
-----
NO KA POE MAKAIKAI MA KA O.R.&L. CO.
MA KA IʻA HAMAULEO O EWA.
O KA POAONO KA LA KUPONO no ka hele ana, oiai e haalele ana ke kaa i kahi hoolulu ma Kuwili, Honolulu, i ka hora 1:45 P.M. o na Poano a pau.
No ka auhau, aohe olelo ana, he hookahi wai o ka like, mai ka liko a ka laele.
OIA HOI, HE - 50 keneta, hiki i Manana a hoi hou mai - 7@ keneta, hiki i Honouliuli a hoi mai.
O keia ka manawa pono e laʻi ai ka holoholo hoohala manawa me ka hana ana i na ea oluolu maikai, no elua wahi keneta wale no o ka mile.
1m-e Oct. 8. 1890.
-----
Ka Hui Uwati Kaleponi.
Na uwati gula o waho, hoopiha ia, me na mea hana o loko, o ka hana uwati kaulana WALTHAM, no $30 o ka uwati hookahi, ma ka uku palua dala o ka pule hookahi. E kipa ae io -
A. J. SCHREIBER - Agena
Alanui Hotele, malalo iho o ka Hotele Alonetona.
-----
KAUKA YONG KAM PUNG.
HELU 53, ALANUI MAUNAKEA
KE Kauka Loea o ka Aina @@@@
UA HIKI KE @OOIA @@ KELA A me keia ano maʻi. mai ko na kane wahine a me ko na keiki liilii. O na maʻi ha-no, ua hiki loa loa ke hoola ia me ka maalahi. A o na maʻi e pili ana i ka maka, pau pu ia i ke ola.
Ke make ia aku nei, ala ko ma anei me ka oluolu pu o ka au@a@.
E KIPA mai e ka poe i hooluuluu ia me na haawina pihihua i ka maʻi a @aʻu oukou e hoola aku.
KAUKA YONG KAM PUNG.
Augate @@ 11-d.