Ka Leo o ka Lahui, Volume II, Number 104, 9 January 1891 — Page 1

KA LEO O KA LAHUI.

"E Mau ke Ea o ka Aina i ka Pono."

Buke II.                      HONOLULU.      IANUARI 9, 1891.                   Helu 104

 

He Moolelo Nanea.

No ke

Kamaliiwahine Laulie.

Aiole

HE NANEA KAMAHAO NO KA

HULU GULA O

KIBERIANA.

 

He Kaao kahiko no Helene.

 

MOKUNA IV.

   Ua hiki i keia moi ke hoololi ikona kino iloko o na ano he nui, ua hiki iaia ke hoolilo i kino wai aniani, i ohu pohina no ka hokua o na kualono, i lapalapa ahi, i pohaku pahoehoe eleele, kino liona keokeo me na eheu, i kumulaau loihi i luluu pono me na hua hekili o ka ma ke a me na lau kinai ola he nui, a o ka hope @oa, oia ka hoihoi hou ana a kona kino mau, no ka mea he haumana ia na Kerona ka hapa iio.

   Maloko o na moolelo o ke aupuni o Helene a ka haku moolelo kaulana Homa o na keneturia i hala, ua hoike ia maloko olaila ka hakaka weliweli a Inea ma ka aina Toroe; a me kona holo ana a hiki i Roma, a wahi ana, maloko mai ona i puka mai ai na alii mua loa o Pelekane, a ke manaoio nei na kanaka a pau ia mea a hiki i keia la.

   I ko Kolana ma ku ana aku a me kona mau hoa alo ehuehu i ka aina kaumaha o Dohino, ua hookipa mai kai ia mai la lakou e.  Zeura me na hoohiwahiwa ana he nui, no ka mea ua maopopo i ua moi opio la o na hoakula ia o kona luaui makuakane i hala aku ma kela aoao o ka ho nua.

   Ilaila hoopiha hou lakou nei i ko lakou halelewa a piha me ka huika kulina, wai huihui a me na oolopu malaka waina, a ma kekahi mana hoi o keia moolelo, he mau lako ka ua hou kekahi, no ka mea ua ike ia aole ka lakou huakai e nele ana me na keakea he nui e hele ai me ka hemahema.

   Hohola ia mai la ka papaaina e na a-ipuupuu o ka moi opio, a oiai kela a me keia e ai ana a hoonuunuu i na mea ai i panee ia mai, ua hoike mai la ua keiki alii la o Dolino i ka moolelo e pili ana i ua aina la, a me ke kumu o kona kapaia ana o ka aina o ke kaumaha a me ka pilihua, a he mea nani hoi a maikai kou ike ana e ka mea heluhelu i ke ano nui oia moolelo.

   Mahope iho o ke kii ana mai o no lima ana ole o ka make ia Inea, e ike mau ia ana i kela a me keia @o kekahi poe kanaka huluhulu noho kuahiwi, a ua nui ka poe i na lowale me ka ike ole ia o ko lakou mau iwi, a ua manao wale ia ua lilo i keia poe kanaka hihiu o ka mauna, no ka mea e iho mau mai ana lakou i kai i kela a me keia po.

   Ua like ka nunui o keia poe hooulu ino o ka po me ka Pilikua Mirana, a o ke kanaka hoi oia ka lakou ai, a o ko lakou wahi e moe ai aia i ke kuahiwi me na bea huluhulu maka liilii o ka mauna; a o ka mea apiki a kupanaha loa no keia ano kanaka huluhulu, lie eono lima o ke kanaka hookahi, a o na kumu paina nunui apuupuu ka lakou m@u mea eha.

   I ko Kolana lohe ana i ka moolelo kamahao e pili ana i keia poe kanaka ahiu, ua hu ae la kona aloha no ka moi opio a me ke koena o kona mau makaainana, nolaila ua hooholo iho la oia iloko ona e pa'ipa'i i ke ola o ua pae pilikua ala ke hiki mai ia po a oia hoi kana i ui aku ai i kona mau hea hele o ka make, e hoi ka nui o lakou i ka mo ku e kiai ai, a oia a me na keiki a ka makani akau, e hele lakou e hoo halua i ua poe kupu i@o nei o Dolino.

   Holo like ae la keia mau mea mawaena o lakou mamua o ka hoolale ana mai a na kini o ka po, a o na hora liilii paha ia o ke aumoe, aia hoi ike ia aku la kekahi poe ka naka e iho mai ana ma ke alapii o ka halealii, a motio pololei aku la no ka hu'a o ke kuianakauhale, oiai ka malamalama palaweka o ka mahina o houakea ana i ke oho o na laau.

   O keia poe kamahele na-na o ke aun@oe, oia no ke pailata moi opio o Dolino, o Kolana a me na keiki a ka makani akau, na keiki hoi a ka hapa lio i haanui ai o ka makani puahiohio o ke kahua heihei, a o puakauahi hoi i kou mea kakau.

   Hele pololei aku la lakou malalo o na alakai ana a ka moi opio a ko mo iloko o kekahi ululaau Kedera, a malalo o kona malu lakou i noho iho ai me ke kakali ana no ha hiki mai o ua poe pahi iho nei.

   Oiai lakou e noho malie ana me ke ano ninipo makahiamoe, a o na hora hoi ia o ka waena po, aia hoi ua hikilele like ae la lakou a pau i ka lohe ana aku i kekahi leo halulu me he haukawewe ana ia na na ale o ka hehenu, ma kahi aole i ma mao loa aku mai kahi aku a lakou e pili ana, i ka olelo ana ae penei:

   He hohono koko kanaka Helene ka'u e honi nei, he kanaka ola paha--he kanaka make paha, aole he maopopo loa ia'u.  Ina he kanaka ola, pau na wahi liilii ia'u i ka mama.

   I ko lakou lohe ana aku i keia mau huaolelo e ohi ai ka io i ke anu, a e pii ai hoi ka manene i na pepeiao, anehe aku la na keiki a ka makani akau e holo, a o ka moi opio hoi nukeke ae la kena mau niho i ka'u, a o kona nui kino hoolokoa mai luna a lalo ua puni i ka haukeke, me he mea la ua loaa ia oia i ka @wa nika ka haalulu mai ke poo a na wawae.

 

He Moolelo

No

MORIWIANA.

KE KIU O NA MEA HUNA EKOLU--KA UA I HOOLILO I KE KUA O NA LIO I HOME NONA--O KE KANA KA OPIO I LILO I KOA

KAULANA I NA I A O KALEMANA O BOHEMIANA.

 

   I na mana kaua o Helene

   Ma ka pane ana aku i ka oukou noi no na hooponopono kaulike ana ia o ko oukou noho'na aupuni, me ke kapae pu ia ana o ka ikaika o na mea kaua, alaila e ae mai ia'u ma ka hapa o ke aupuni o Bohemia, e waiho aku i keia mau kumu a ina aole e loaa na apono ana mai ia oukou mai, alaila o ka hookahe koko hopena ole o ia wale no ka'u e lawe ae ai a hoohana aku i keia wa.

   1  E noho ke aupuni o Helene ma ke ano he aupuni pio oia malalo o Bohemia, a hiki i ka wa e kukala ia ai o kona pookalaunu malalo o ke kuikahi o ka noho'na kaulike.

   2  Oiai ke aupuni o Helene e noho ana he pio malalo o ua mana o Bohemia, e lilo oia malalo o ka Bohemia mau hooponopono ana a hiki i ka wa e kuahaua ia ai o kona kuokoa ma ke ano ne aupuni moi.

   3  O na hoala kipi a me na kue ana a ko Helene mau mana kaua no keia mau koi a hooponopono aupuni ana, o ka oi o na mea kaua a me ka hookahe ia o na koko, oia wale no ke alahele o ka ninau aupuni laula e kaili ia ai ke aupuni o Helene no ka wa mau loa.

                                                                                                                                       Moriviana

Alihikaua o Bohemia.

   O keia pane a@ la a ua alihikaua opio nei, oia ka na hoa o ko Helene mama kaua aha kuka i noonoo iho ai me ke akahele loa, a hooholo iho la lakou e ae aku i keia mau koi ana a ko Bohemia alihikaua i mea e kapae ia ai o ka hookahe ia ana o ke koko, a me ke kaili ia ana o ke aupuni mai o lakou aku, e like me na mea a ua alihikaua la o ke koa a me ka manao paa nui wale.

   I ka loaa ana mai o ka pane a na mana kaua o Helene me ka apono ana no na koi a ua alihika@a opio la, waiho aku la oia i na hooponopono ana o ke aupuni malalo o lakou, alaila, haelele iho la ia i ka hale alii, a huli hoi aku la me kona mao@ koa no na aumoku kaua, me ka manao malaila ola e kali ai no ka hopena o na hana a na mana kaua o Helene.

   Aka, ua ko ole ia mau kuko ana o ua kea opio la, oiai ua hoea mai la he elele alii mai ke alo alii mai o Bohemia malalo o na kauoha a ka moi Kalemana, a e heluhelu ia ua palapala kauoha la penei:

   I ko'u hoaloha hookahi wale iho no--

 

Moriviana

   Aloha oe:--I ka loaa ana aku o keia palapala ia oe, alaila e hoomanao iho oe e ke koa lanakila, ua makemake ia oe e huli hoi koke mai no Bohemia nei me ka hoohakalia ole, malalo o na koi a me na ahewa ana a ko'u mau hoa pookalaunu.                  Kalemana.

   O keia palapala a ke koa opio i heluhelu iho la, ua haawi iho ia i na nana loihi ana me ke akahele loa, a oia ka @ua koa opio la i pane ae ai:

   Ua makemake ia au e hoea aku iloko o Bohemia me ka hoohakalia ole malalo o na koi a me na ahewa ana a na aupuni pookalauna o Europa mawaho ae o Bohemia.

   Ea!  e na lani, heaha keia mau hana, a heaha hoi na kumu i ahewa ia ai o Moriviana?

   Aaila nana hou iho la ia i ka palapala, a aia malalo loa o ua leta la e kau ana keia mau olelo:

   E nana iho i ka lua o ka leta, a e ike no oe i na kumu o kou makemake ia ana e hoea koke mai ma Bohemia nei.

   Na keia mau olelo hou ae la a ke koa opio i ike iho ai, na ia mea i kono mai i ua koa opio la e wehe awiwi ae oia i  ka lua o ka leta, a e heluhelu ia ua palapala la me ko akahele loa:

Kalemana moi o Bohemia

   Aloha oe:--O makou o ka hapa nui o na aupuni pookalaunu o Europa nei, ma keia ke hoike aku nei makou imua ou no na hana hohe wale a ko@ alihikaua ma ke aupuni o Helene, malalo o na kumu hoopii a me na ahewa ana a ua aupuni la:

   1  Ka li ia ana o ka moi Atenai o Helene ma ke ano hohe haahaa loa?

   2  No keaha la i ae ole ia ai na koi a me na noi ana, a na mana kaua o ua aupuni la e kapae iki @a ka hoopai li o ko lakou moi, a hiki i ka wa e loaa aku ai o na ahewa, a i ole apono ana paha i ua moi la mai na pookalaunu lehulehu aku o Europa.

   3  Ua ku anei keia mau hana a kou alihikaua i na rula naauao o o ka oihana kaua?--Aole! a ina aole, alaila, aole anei oia he kipi a me ka uhaki kanawai, e hiki ai ke hopu ia oia a ahewa ia me ka hookolokolo ole ia e like me kana i hana ai maluna o kela aupuni moi.

                                                                                                                                         Aole i pau.

 

He Ohohia Nui,

O ka Leo o ka Lahui aia iloko o ka lekahi

     O ka hookuee ana oia kona enemi,

     Eia ka poe @ nookaa mai ma ka lima o na Luna:

Dec. 1  Princess Liliu Haimoeipo                   1

            Mrs. C Hiram Haimoipo               1

            W. Rice Merchant St                                1

            Chas Hopkins                                      1

            Chas Gulick                                        1

            W C Achi                                            1

            Sam Makaike                                      1

            Jas Quinn                                            1

            W Kamana                                          1

            J W Okuu                                            1

            J Kahiapo                                            1

            M L Wailele                                        1

            Ioela                                                    1

            Kaauwai                                              1

            H J Kapu                                             1

            S K Puuku                                           1

            Chas Pooloa                                        1

            T Bartow Ka@Luna.                         

 

Dec. 16 Pohano Ewa                                      1

            Kenahupu Puukolo                             1

            Mahi Kikihaie                                     1

            Kakalaau Kaakopua                            1

            Kapika          "                                            1

            Keaweiwi Koleaka                              1

            Ane Pelekane                                      1

            T. T.  Polikapu Auwaiolimu               1

            S. Kaauwana Pauoa                            1

            Mele Holeso Pe eula                           1

            Keumi Kalaekao                                 1

            Wakinekona  "                                                1

            C. Spencer Pauoa                                1

            Mana            "                                            1

            Nakanealoha "                                     1

            Halekala Auwaiolimu                         1

            Palakiko          "                                   1

            Kamoku          "                                   1

            Kaianui Kaakopua                              1

            Kahoiwai         "                                   1

                Kaneaiakala, Ka Luna Eleu.

 

Dek. 1 Hopoe Waiahao                                   1

            Lokalia Kaliu                                      1

            Kakai Leleo                                         1

            Doi@ Niupaipai                                  1

            Mele Poohina                                      1

            Kumukahi Waikiki                              1

            Meleakoni Kamaouwai                       1

            Kahunahana Puunui                            1

            Kaui Kapalama                                   1

            Hoopii Kepohoni                                1

            Haawinaauno Kukuluaeo                    1

            Kakalina               "                           1

            Kaluhimoku Honokaupu                     1

Ma o J. W. H. Keanu Ka Luna          

 

I ka Poe Lawe Nupepa.

   Ke poloai aku nei makou i ka poe heluhelu e lawe nei i ko kakou nupepa, makaala mai i ka hookaa ana i ka uku o ka Nupepa ma ka hebedoma, ae malama i na palapala hookaa mai na @na aku nona na inoa i hoike ia ma ke poo o keia Nupepa.  No ke paewaena o ka hookaa ia ana o ke dala, a me ka hoohiki loa ana mai i ke keena nei, ua hooholo makou ma ka hebedoma ka hookaa, i mama ai ka hookaa ana a ka mea e lawe ana, a i maopopo mau ai ia makou, i kela a me keia hebedoma, ka poe i hookaa mai a me ka poe i hookaa ole mai, a ina ua hookaa me ka loaa aku o ka Palapala hookaa, he mea hoi e maopopo ai, ke ulu ae ka nele o ka mea heluhelu, ke okiia aku ka nupepa no ke kaa ole ma o na luna ae, alaila, no na luna ka hewa, aole no ka mea heluhelu, a ina aole io maoli no na luna ka hewa, alaila, e kaia ia @ kou no ke oki ana aku i ka poe hookaa ole mai i ka lakou nupepa.

                                              J. E.  BUSH. .

 

Hoolaha Hoopau

Hui.

   Ma keia ke hoolahaia aku nei, o ka Hui o ka poe no lakou na inoa malalo iho, malalo o ka inoa Hui KA HUI MAIA HAWAII, me keia ua hoopau a ma muli o ka aelike ana o na lala a pau.

           

            ENOCH JOHNSON

            W. H. CUMMINGS

            W. C. ACHI

            D. K. BAKER

            GEO. L. DESHA

            J. W. H. WAHINEAUA

            C. KAONOHI

            ISAAC D. IAEA

            S. M.  KAMAKAU

            LAHAPA KEKAI

            IOELA KAIANUI

            FRANK ARCHER

            J. PAAKAULA

            J. KEAKAHIWA

            J. W. BIPIKANE

            S. M. KAAUKAI

            JNO. E. BUSH

            MRS. KAHAUNAELE

            C. K. KAPULE

            J. M. BRIGHT

            MRS. J. C. KAAUKAI.

            @ W. C. ACHI @ @

                   "  "     "      @ "

                   Dec. 16, 1890           @.