Ke Alakai o Hawaii, Volume III, Number 33, 17 December 1931 — O KAAPANA KE 45 O NA MAKE I KA ULIA KAA OTO [ARTICLE]

O KAAPANA KE 45 O NA MAKE I KA ULIA KAA OTO

Mamuli o ka hookui ana o Abela Kaapana 6, keikekane a Mr. ame Mrs. Abela Kaapana o ka helu 1304 o ke alanui Vinia Akau i make ai oia maloko o ka halemai Moiwahine ma ka hora 12:30 o ke kakahiaka lapule nei mamuli o ka noha ana o ke poo ame kekahi mau eha e ae i ka wa i hookui la ai ma ke ahiahi Poaono, hora 5. e ke kaa e kalaiwa la ana e Kauka Tsuda. 37, o ke alanui Kanoa. Wahi a kahi Kepani i hoike ae ai imua o ka makai. iaia e kalaiwa ana i kona kaa no kai no ke kaona ma ke alanui Vinia Akau i ka wa l holo ae ai ke keiki mamua o kona kaa a halawai ai me kela ulia a ma na hoike ike maka ua holonui maoli no kahi Kepanl me ka nana ole ae no ko hai pono. O ka hauoli hoomau he hoailona ia o ka naauao.