Ke Aloha Aina, Volume XIX, Number 53, 10 October 1914 — KA HUI KUAI POI O KALIHI ("KALIHI TARO AND LAND CO., LTD.") [ARTICLE]

KA HUI KUAI POI O KALIHI ("KALIHI TARO AND LAND CO., LTD.")

I ka mea e heluhelu ana i keia. Me ke aloha:--Oiai, ua lilo mai ia W.C. Aehi a me kekahi poe Hawaii na mahele a pan o ka Hui nona ka inoa maluna'e; a no ka mea hoi, o lakou wale no na Hawaii e lawelawe nei i ka hana mahi kalo a kuai aku hoi i ka poi, ka ai hoi a na kupuna a me na makua o kakou; nolaila, ke noi-nei lakou me ka haahaa ia oukou e na Hawii e haaw mai ia lakou i ka oukou mau kokua ana; ma ke kuai ana ae i ka oukou poi mai ke lakou hui ae. He maemae maoli ka hanaia ana o ka poi ma ko lakou hale hana; a e hookoia no na kauoha mai a oukaou mai me ka eleu loa. Aole anei i hiki mai ka manawa a na Hawaii e hoao ai e kokua iho i na hana imi waiwai a ko lakou lahui ponoi! Ko holomua nei na Iapana iloko o ka aina mamuli o ko lakou kokua ana ia lakou iho; aia hoi na pake imua loa iloko o ko kakou aina mamuli o ko lkou lokahi; a o na ili puakea hoi ke noho mana nei iloko o ka aina mamuli o ko lakou huki like imua ma na hana kalepa. "A lokahi kakou lanakila!" Agena kuai ma ka makeke, Mrs. Annie Kekuewa. W.C. Aehi a me kona mau hoa hui. Telephone 1586 "Kalihi Poi Factory." Honolulu, T. H., September 7, 1914. 3mo. 1615.