Ke Aloha Aina, Volume VIII, Number 35, 30 August 1902 — Page 1

KE ALOHA AINA

(picture of Hilo Bay, Hawaii

UA MAU KE EA O KA AINA I KA PONO

HOOKUMUIA I MEI 20, 1895

 

HONOLULU, POAONO, AUGATE 30, 1902

BUKE VIII.

 

NUI NO KA PAONIONI O NA REPUBALIKA

            He halawai ka na Repubalika o k@ Apana Koho Elima i malama ai i ka Poa@ua nei no ka imi ana i kahi e loaa ai o ka lokahi o ka wae ana i elua mau moho Senatea Repubalika ua ia apana, no keia ka@ koho balota e hiki mai ana @ like me ke kauoha a ke kanawai.

            O ka mea kupa@an@ta i ike ia he eha mau inoa i oeou ia mai no keia mau noho Senatoa elua i hoohakahaka ia, oia o Kale Aki a me Lenekona McCandless ma kekahi paa balota, a o John C. Lane a me Kauka Huddy ma kekahi.

            O na hoaloha o John Lane a me Kauka Huddy na hooikaika mai lakou e apono ia o laua na Senatoa a na Repubalika o ka Apana Elima, a ke paa nei keia mau inoa ae la i ko laua manao holo Senatoa e like me na kakoo ikaika ana a ko laua mau hoaloha.  Ma kekahi aoao hoi ke hooikaika mai nei na hoaloha o Kale Aki e onou iaia a me Lane o laua na Senatoa a ka Apana Elima, aka, ke kue mai la na hoaloha o Huddy.  O kahi wale no i koe i manaolana ia ai ilaila e loaa ai ka lanakila i kela a me keia inoa holo Senatoa ma ka aha elele no ia e noho ana i keia Poakahi ae, a ilaila keia a me keia e paio ai no ka pono o kana Senatoa i manao ai e wae ia no ka Apana Koho Elima.

 

D. A. MAHUKA NO NA WAIEHA

 

            Ma ka Malulani o ke awakea one hinei i hoi aku ai o D. A. Mahuka no kona home i na Waieha me kona kulana alihikaua no ka aoao Demokalaka.  E huipu aku ana oia me ka pukuniahi o na Waieha Kamaki Kalaka a hoonee i na hana no ka holomua o ka aoao Demokalaka.

 

            Ma ka Telegerapa i loaa mai ai na lono ua puka hou ae la ka Pele ma ka lua o Halemaumau.

 

E OLA LOIHI KA MOIWAHINE LILIUOKALANI I KE AKUA

Ka Ike Alii Nui ma Kona La Hanau.

            Ina makaainana aloha alii oiaia apau, ke kono akea ia aku nei oukou.  E hele ae i ka Ike Alii ma ka la hanau o ko kakou Moiwahine aloha e malamaia ana ma Wasinetona Pa ma keia Poalua ae Sept. 2, 1902, mai ka hora 3 p.m. @@@ i ka hora 5 p.m.  Aka o@n@ po@ i pilikia maoli a paa loa i na @ana a @a haku, i hoea @@@ mahope @@ iho oia wa, aole no lakou e hoonele ia i ka ike ana i ke alii, e like ana no ko lakou ohaohaia ana mai e Kalani me na poe kaawale i hiki e aku i @a wa i hoikeia.  E eleu mai kakou.  He elua wale no hora ka loihi o ka wa ike.  E hoomakaukani@ ana he mau noho @o ka lehulehu e noho iho ai e hoo luolu malalo o ka mo@u o na iaau a malalo o kekahi hale lole e kukulu ia ana i wahi hoonanea no ka lehulehu e hoolohe ai i na mea kani, ka Bana a me na poe hea inoa o ka alii.  E like no me na hoohiwahiwa o ka ike alii @na pe@a no keia.  E ku pu ana me ka Moiwahine na Keiki alii a me ka laua mau kama’liiwahine.  E kahiko piha ia @ na ka Moiwahine a me kona aloalii me na kahiko alii, me na Kea hoohanohano o ke au moi.  Oia mau mea apau he waiwai pilipaa ia no lakou na alii a me na poe e ae i papahi ia me ia mau mea @ani.  He la nui ia no kakou na Hawaii ponoi e hele mai ai o ka poe i lako me na aahu piha, a me ka poe no hoi he mau wahi aahu maemae i loaa i kela a me keia e like no me ka rula mau o ka hele ana o ka ike alii aole no he hewa kekahi poe lede Hawaii e noho mai nei ka poe ua lako i na lei hulu, a mai no a huna ia mau kahiko makamae e hoomomoa ia mai nei e kekahi poe, eia ko kakou la nui e puka mai ai iwaho me ia mau kahiko nani Hawaii no ka hoohanohano ana i ka la o ko kakou Moiwahine i aloha nui ia.

            E hoohanohano ia ana keia ike alii nui, me na puloulou e kukulu ia ana ma na aoao o ka puka o waenakonu ko lakou hoailona kapu alii.  E kukulu ia ana he eha mau kahili nanui ma ka lanai e komo aku ai.  E ike pu ia ana na kahili like ole o na ano a pau.  E ku a@a na poe hoohanohahano me na Ahuula, na ahuula hulu maoli, na ahuula hulu hooluu, na ahuula silika i hana mai au ia.

            E ka lahui; mai emi aku ihope e pipika wale ai ma ka pili pa, e nee mai imua; e hele pololei mai e ike i kou alii, kou Moiwahine a me na pua alii hanau o ka aina.  He la hanohano ia no kakou e haaheo ai na Hawaii ponoi, oiai nou ia alii aole no hai, e like me ko kakou moolelo:  He aina alii o Hawaii mai ka po mai, hanau ia ka aina, hanau na’lii hanau ke kanaka.  Mai kaukai aia a loaa kahi makana, alaila hiki mai e ike i ke alii.  Ua ike no ke’lii ua ilihune ke kanaka i keia wa, hookahi no mohai nui o ke aloha.  Aka, aole i keakea ia ka poe e loaa ana kahi makana, he rula maa mau no ia ia kakou mai kinohi mai.  Mai ahewa aku ka poe i loaa kahi makana i ka poe i nele, a mai ahewa mai hoi ka poe i nele i ka poe ua loaa, aka, hookahi no mea nui.

            O ke alii wale no ka’u makemake,

            O ka luhi o ma ua me ia nei,

            O ka makou lealea no ia.

 

Na Kauka Hana Niho Eha Ole.

W. E. Allen & F. L. Ferguson.

ARLINGTON HALE, HELU 215

ALANUI HOTELE.

            I@a he makemake oe i kahi e loaa ai na niho paa loa, a e ike ole ai oe i ka eha e hele mai ia maua.  Ke hooiaio nei maua ua hiki ia maua ke hana i na nilio e like ka maikai me na kauka hana niho e ae.  Ua puta pono mai maua ma keia oihana, a ua lawelawe i keia oihana no kekahi mau makahiki loihi.

            O ke mana mau lako paahana niho uo keia au hou.  No ka nana aua aole he uku.  E hoomaopopoia e loaa no maua ma ka Arlington Hale, Helu 215, alanui Hotele, makai o ke alanui Uniona.

            Papa Niho Gula---$5.00                      Hoopiha me ke Gula---$1.00 a pii aku

            Papa Niho Dala---$5.00                      Hoopiha me ke Dala---     50 keneta

            Papa Niho Maoli--$5.00                      No ka Huki Ana--------     50 keneta

           

NA HORA HANA:   Ma na la noa e pau ana i ka 6 p.m.

            Poaono, e pau ana i ka po; La Pule, e pau ana i ka hora 12.

 

UA UI K@I LA KA PONO I KA AOAO DEMOKALAKA

            Imua o ka halawai a na Demokalaka i malamaia i ka po Poakahi nei i waiho ia mai ai kekahi mau kumuhana ano nui e noonoo ia, aka, ma ke noi a kekahi mau hoa ua waihoia ia ma ka lima o kekahi kimite, a na @a komite e noonoo akahele i keia mau kumuha@a a waiho mai i ka lakou hoike imua o ka halawai o keia po Poakahi aku.

            O kekahi mau kumuhana ano nui e noonooia ana oia ke noi a ka aoao Home Rula ma o na alakai R. W. Wilikoki, D. Kalanokalani a me Edgar Caypless, e ae aku ka aoao Demokalaka e kuipu ma ka wae ana i hookahi a lapa paa balota, @ e mahele like l@@@ i na moho holo balota.  O k@ ao Repubalika no kekahi i w mai ia noi hookahi.  Ua m@n o ka aoao a keia komite e h@@ ai i kona mau apono ana e @@@ aku ai ka aoao Demokalaka a kakoo me ka lokahi oia no ka aoao Home Rula.

 

            Ua I ke a.

            E ku makaukau mau ana na poe hookipa no ka hoolauna ana aku ia oukou i ka Moiwahine a me na’lii opio.  E ola!  E ola loihi!  Ka Moiwahine Liliuokalani i ke Akua.

 

HOOHUIIA MA KA BERITA MARE.

            Ma ke awakea Poalua nei Aug. 26, 1902.  Ua hoohuiia ae la ma ke ano gula maemae o ka materemonio Hemolele, o Miss Julia Haiku Mahoe o Halawa, Molokai, me Mr. Williams Anahu o keia kulanakauhale, na ka Rev. H. H. Paleka Iaua @@hoohui ae a lilo hookahi puuwai, hookahi pana aua.  Ke kalokalo ae noi makou ina opio i hipuuia iho la a paa i ke kaula gula maemae loa.  E hahai ia ko olua mau la me na pomaikai he nui, a e lilo hoi i ma@ maku@ nana e hool@upai aku aina.  He mea maikai ka mai na mea apau.