Ke Aloha Aina, Volume VII, Number 35, 31 August 1901 — Page 6

KE ALOHA AINA

NA KOA KUMAU HAWAII

 

            O na manao i noola'a ia ae la e Kenerala J. C. Breckenridge, ka luna nana kiekie o ka oihana kaua o Amerika Huipuia i kipa mai la i anei maluna o ka moku lawekoa Meade, mahope o kona makaikai a uoii akahele ana iho nei i ke kulana kaua aina maanei, ua hoopmaopopo oia he mea kupono loa ka hoala ana ae i puali koa kumau iwaena o na kanaka Hawaii, e like me na pualikoa kuikawa e ku nei.

            O kana mau hoolala ana oia keia e hoalaia i hookahi bataliona koa helewawae Hawaii, a o ko lakou wahi e hoolulu ai ma Kahauiki. O ka hana a keia puali oia no ko lakou kue ana aku ina he mau lele kaua kue kekahi e hana ia ana e kekahi puali o na enemi, no ka mea, ina he puali pkaa wale no maanei e haalele ana lakou i na pu, a nolaila, ma ia kumu e pono e hoala koke ia i mau puali helewawae kekahi maanei, a no ke pale pu ana hoi i na haunaele kuloko.

            O ke kumu i kupono ai ka hoala ana i mau pualikoa iwaena o na kanaka Hawaii i wahi ka e aloha ai lakou i ka hae Amerika a malama aku iaia, pela paha.

            E kukulu ia ana keia mau pualikoa, ina e apono aku ana ke Kiaaina. O keia Kenerala Breakenridge no ka mea naua i hoala mai nei i ka pualikoa Porto Rico ma ka mokupuni o Porto Rico. Ma ko makou manao iho aole no e nui ana na kanaka Hawaii e komo aku ana i mau koa kumau no na kumu he lehulehu, ka emi o ka uku he $13 a oi o ka mahina a me ka paakiki o na rula o ka oihana koa, a pela aku. A ua hale aku la no ke au a na Hawaii i iini ai e lawelawe i keia oihana, oia hoi, ke au o na Aupuni Moi a me ka hae Hawaii e welo ana.

 

UA KOKOKE LOA E POHA.

 

            Ma na lono kope loa i loaa mai nei mai Hilea, Kau, mai aia ke manaoio ia la na kokoke loa ka pele e poha hou, ma ka hoi ana mai nei a ka Mauna Loa mai Kau mai ua lawe mai la oia he hoike ua hoea aku ka uwahi pele i ike ia ai ma kela hu mua ana iho nei a ka pele.

            Ua ike ia ka uwahi pele ma Hilea ma ka Poaono Augate 17, a hiki i ka La Pule, aka, aole nae i ike ia na lehu pele. Ma o ka ikaika loa o ka punohu ana o ka uwahi pele ua mauaoio loa ia ua kokoke loa o Pele e hoike hou mai i kana mau hana hookalakupua ma kona home ma Kilauea.

 

AOLE KA BANA E HOLO AKU ANA I KAUAI.

 

            Ma ka noho ana o ka halawai a ka Aha Kuka o ke aupuni ma ka Poakahi nei na heluhelu ia mai la he leta mai ka Makai Nui Coney mai o Kauai e hai mai ana o ka nui o na hoolilo o ka huakai a ka bana aupuni e manao nei e holo aku no Kauai, mawaho ae o na lilo uku moku a me kaahele he $600.

            Mamali o k kiekie loa o keia mau huahelu hoolilo ua hooholo iho la ka Aha Kuka aole e hoouna aku i ka bana i Kauai a hiki i ka hoemi 'ana mai o ko laila mau kamaaina i na hoolilo ilalo, ina he makemake io ko lakou e lohe i ka leo houhene o ka bana aupuni e kipa aku ilaila. Oka la 5 ao nei o Sepatemaba ka wa e haalele iho ai ka bana no Kauai ino i holopono iho nei na kuka ana me ko laila mau kupa, a ma ka la 15 aku e hoea hou mai ai na keiki puhiohe i ke kapitala nei.

            HOOKIPA HIWAHIWA IA O MURPHY.

 

            Maluna o ka mokuahi Ventura i kipa mai la ma ke ahiahi Poaloa nei mai ua Panalaau mai o ka Hema, i hoea pu mai ai o Francis Murphy, ka haole hoole waiona i hoohali iho nei i kekahi poe o keia kulanakauhale mai ka inu hou ana aku i ka wai awaawa o ka rama ka moo nihoawa hoi nana e hoopilikia nei i kekahi mau ohana he lehulehu wale.

            Ma o na haiolelo ikaika a keia haole i kamailio ai no ka nui o na hana hoopoino a ka waiona ua hoohuli ia aku la ka manao o kekahi poe e haalele i ka waiona. Mai keia mau anoano maikai a keia haole i l@ iho ai ua ulu ae la ia a ike ia iho la kona mau hua ohaha i keia la, oia ka ike ia ana aku o kekahi poe puni ona na haalele aku lakou ia mau hana a i keia wa he mau kanaka hoole waiona ikaika lakou.

            Na lakou i hoala ae he hookipa hiwahiwa ana aku ia Francis Murphy i kona wa i kipa hou mai la ianei me kona alahele e huli hoi ana no Amerika Huipuia mai Auseteralia a me Nu Kilani mai.

            Ua malama ia ae he kai huakai kukui nui no kona hanohano ma ia po ma kekahi mau alanui o ke kulamakauhale nei i ukali ia e ka hana aupuni me kekahi mau kaa basa i piha me ua opio e himeni a e huro hele ana ma na alanui. Maluna o na kaa pio na luna nui o keia ahahui hoole waiona me Frencis Murphy e ukali pu ana i ka huakai.

            Ma ka luakini o Kawaiahao i hookuu ai ke kai huakai a komo aku la na mea a pau e hoolohe i ka haiolelo a keia haole no kana huakai aku nei i na panalaau o ka Hema. Ua haawi mai oia i na hoomaikai i ka hookipa hanohano i papaai ia aku nona, a wahi ana: Aole o'u manao e no he hou ma keia mau mokupuni a e hoi pololei ana au no Kapalakiko, aka, mamuli o ka nui o na kaohi ana a ko'u mau hoaloha ia'u, nolaila, ua hiki ole ia'u ke kue aku. Ua olelo mai oia he nui @o kona ohohia ia ma Auseteralia a me Nu Kilani. He nui no ka inu o keia mau wahi i ka waiona he pakiko pae, aole hoi he inu naaupo e like me kekahi mau wahi e ae ana i ike ai.

            Ua manao ia e kaahele aku ana o Murphy ma na mokupuni ma keia mua aku no ka hoike ana aku i na poe puni waiona i na pilikia e loaa ana i ke kanaka e hahai ana ia alahele.

 

HOPOHOPO NA AMERIKA I KE KULANA HOLO O KA SHAMROCK II.

 

            Nu Ioka, Aug. 15. Ua hookau ia aku ka Shamrock II iluna o ke alah@ki moku i keia la, a oia hoi ka wa i loaa ai i na poe kilo moku Amerika he wa e makaikai ai i ka moku a Sir Thomas Lipton i hoouna mai nei no ka hoao hou ana e kaili i ke kiaha heihei a Amerika e paa loihi nei. Ua ike ia aohe he wahi lilo o ke kii o ke Columbia i keia moku mai luna a hoea la aku i kona iwi kaele. Ua olelo ae na poe kilo moku aohe wa kupilikii loa o ke kiaha e like la me keia. Mai mua mai o kona ihu a hoea loa aku i kona hope ua hoike mai oia i kona kulana holo.

            He mea paakiki loa ka huli ana aka i kahi paewa ae o ka Shamrock II mai ka Columbia aku ma ko laua mau iwi kaele, a o ka holo ana a ka Shamrock he hiehie i loaa ole aku i na moku Amerika.

 

UA AE IA AKU LA E HIAMOE.

 

Wainekona, Aug. 13. Ua loaa mai la he mau hoike i ke Keena Kaua Moana, he hana hiki ole ka malama ana i mau hora kula pili holomoku ma na anina la ma Manila, o ke kumu oia no ka hiamoe ana o na haumana Pilipine a me Sepania ma ia manawa. O keia hoike ua hoouna ia mai ia e Lutanela Townly, i noo kumu kula malaila mamua aku nei.

            Ua hele mai no na haumana i ke kula me ka pololei, aka, i ka manawa nae e hoea mai ai na hora i maa ia lakou no ka hiamoe ana e ike ia aku ana lakou ua pau i ka moe. Ua hiki ole i na kumu kula ke hookaawale aku i keia haawina i kuleana i na opio, nolaila, ua hoololi ia ae la na hora kula e hoomaka ana mai ka hora 7 a. m. a hiki i ke awakea. A mahope aku oia wa e hookuu ia no na keiki e hoi aku @ hiamoe ma ko lakou mau home. Ua hoomau ia keia mau hana e na kumu Sepania mai kahiko mai.

 

NAUA KE KIMO KA HALE O KA UHANE.

 

E Mr. Lunahooponopono,

                        Aloha oe;--

            E oluolu mai kou hanohano i ka makou wahi puolo luuluu he waimaka e hookomo iho ma kahi kaawale o ka kakou hiwahiwa a oia keia.

            Ma Puueo, Hilo Hawaii, Aug. 13, Poaha hora 4 p. m. A. D. 1901, i haalele mai ai ka Hon. Jno. Ewaliko i keia ola ana, haalele i kona mau hoaloha o ko kakou Hale Kaukanawai.

            Haalele i ka ohana, haalele i ka laua mau opuu makamae o ko lana mau la opio oia na keiki, a hahalele pu mai la no hoi i ka hoapili he wahine e pai@@@@a aku ma keia aoao o ka muliwai make, a haalele pu mai la no hoi i na hoaloha i Puna. Aloha Puna ka aina i ka hoapo o Kane. He kane ka mea aloha-a, niau hookahi aku la ma ke alanui o na mea a pau; oia hoi ka make o ke kino a moemoe aku la i kona alahele no kela aina nanai kamahao mao, ma@, maluna a waiho iho la i na mea a pau mahope nei me ka paumaee i ke aloha, a hooko ana i kekahi mau lalani mele a ka Makua Laiana e olelo ana;

            Ka lani kuu home,

            E maha mau ai,

            Pokole paa ole,

            Kau noho ma@nei,

            No keaha e ohumu,

            Ke kau paapu mai,

            Na eha na luhi,

            Na kaumaha e.

            A e like hoi me Iopa ke kamaka pono i olelo mai. "O ke kanaka i hanau ia e ka wahine he kapa kona mau la a ua piha me ka popilikia."

            No laila. Olelo hooholo, hooholo ia o makou o na lala a pau o ka Ahahui Paio Ka Hoku o Kauakanilehua ma o ko makou mau komite la, ke komo pu aku nei makou i ke kanikau pu ana me oe e Mrs. K. Ewaliko ka mea i hoonele ia i ka hoapili he kanea ke noi ae nei ka leo o ka makou pule e hoomama mai ko kakou pule e hoomama mai ko kakou Haku Mana Loa i na kaumaha a me na luuluu i kau iho maluna ou a me makou.

            E hooholoia ke komo pu aku nei makou i ke kaaua pu ana i na ehaeha a me na kaumaha i kau iho maluna o oukou ka ohana o ka mea i hala mao. A na ke aloha o ko kakou Haku Iesu e hoomama mai ia kakou a pau.

            E hooholo ia e hoouna ia i hookahi kope i ka "Elele Hawaii," hookahi i ke Nupepa "KE ALOHA AINA," hookahi i ka Nupepa "Kuokoa," a i hookahi i ka wahine kanemake, a o ka palapala kumu me ka Ahahui ia.

            Na Komite:

            J. P. Hale,

            J. M. Kepoo,

            J. K. Paahao,

            Jos. Oliver,