Ke Aloha Aina, Volume VII, Number 4, 26 January 1901 — Page 3
| This text was transcribed by: | Kaanana Akima |
| This work is dedicated to: | Nahua Patrinos |
KE ALOHA AINA,
POAONO, IANUARI 26, 1901.
-------
LOAA AKU UA MAKE.
-------
Ma ke kakahiaka Poakahi nei, ua loaa aku la ke kino make o kekahi haole maloko o ka Home o na Luina e ku nei ma Huehue. Aole he maopopo o kona kumu i make ai, aka, ua manao ia nae he maʻi puuwai ke kumu.
He haole malihini keia a na manao ia na hoea mai oia i anei ma kekahi moku mai Nu Kakela. Ma ka po Poaono nei i hoea aku ai oia i keia home a lawe ae la i keeua nona. Ma ka huli ia ana aku o kona poli ua loaa aku la he $110, e hoike ana, aole oia he haole nele loa. O Samuel wale no ka inoa i ike ia nona, a make aku la oia me ka maopopo ole o kona home, ka ohana me kahi ana i hele mai ai.
-------
PILIKIA NO KA ELEU.
-------
Ua malamaia ae he heihei hahana mawaena o na moku kolo Eleu a me Fearless ma ka auina la Poaono nei. I ka wa i hoike ia mai ai o ka mokupea Klitktat mawaho ae o Koko e ke kanaka kiai, elike me ka rula mea mau ua hoike mua ia aku ka lohe i ka Eleu a ike ia aku la e hoohemo o ana no ke kii ana i ua moku la e kolo mai. He iwakalua minute mahope iho, ua loaa aku la ka hoike i ka Fearless no kei moku. Ua haawi mai la oia i ke kahea i kona kapena, oiai, oia mauka nei o ka aina.
Me ka mama i loaa i kona kapena ua huli hoi aku la oia no luna o ka Fearless me ka haawi ana aku i ke kauoha i ka wiliki no ke kuupau ana i ka holo o ka moku. I ka ike ana mai o ka Eleu i ka Fearless e ukali aku ana mahope ona, ua kuupau aku la oia i kona holo, aka, mamua ae nae o kona hoea ana aku i kahi o ka moku e holo mai ana, ua kaalo ae la ka Fearless ma kona aoao me ka haalele aku iaia ihope.
Ua huli hoi mai ka Eleu me ka nele, me ka lilo aku o ka mokupea Klitktat na ka Fearless e kolo. I ka wa a ka Fearless i komo mai ai iloko nei o ke awa me ka mokupea, ua ikeia aku la na puluni e kau ana iluna o kona mau kia, e hoike mai ana i kona lanakila nui ma keia heihei moana.
-------
E KIPA AKU ANA I KE KAHUA LEPERA.
-------
Eia i Honolulu nei o Kauka H. Tea Kate, kekahi o na kauka e kilo nei i ke ano o keia maʻi weliweli lepera, a ua haiolelo ae oia ma ka halawai ana a ka Papa Ola ma kela pule aku nei. Ua olelo ae au kauka la, ua makemake oia e kipa aku i ke kahua maʻi no ka nana ana i ke kulana o na poe e noho la malaila. Ua kokoke e pau loa iaia na kahua hoolulu maʻi lepera o ka honua nua nei ka ike ia.
-------
ULU KOKE NO NA HANA INO.
-------
HOAO IA E LAWELAWE HE HANA PEPEHI KANAKA MA WAILUKU.
-------
Ua Hoea mai keia Mamuli o ka Aihue ana o kekahi Paele i ka Wahine a Hai.
-------
Ua loaa mai ia Makai Nui Baraunu he hoike mai a Hope Makai Nui Balauwina o Maui, ma ke kakahiaka Poaono nei, no ka malama ia ana he kipu ma Wailuku, ma ke ahiahi La Pule, Ianuari 13, e kekahi paele nona ka inoa o William Hudson, a penei ka moolelo e pili ana no keia hana kipu:
Ua hoea aku kekahi paele nona ka inoa o Albert Hill imua o ka oihana makai a hoike aku la i na makai Manuel Sequeira a me Paresa, o kana wahine a me kekahi wahine paele okoa nona ka inoa o Ella Crawford, ua mahuka aku lana, me ke noi aku i na makai no ke kokua ana iaia ma ka huli ana mahope o ka meheu o na mea mahuka.
Ua loaa aku keia mau wahine me William Hudson a me kekahi kanaka paele okoa aku nona ka o Sweetie Smith. Ua hele aku la na makai no ka hale a Hudson Smith ame na wahine e noho ana no ka hoao ana i keia mau wahine e koi aku ia laua no ka hoi aia mai no ko laua mau home.
I ka wa o Hill i hiki ai ma ka hi he 40 kapuai mai ka hale mai a keia poe e noho ana ua kahea aku la oia i kana wahinte nona ka inoa Elmyra me na makai mahope ona.
Ua oili koke mai o Hudson me ka hoopuka ana i kekahi mau huaolelo ino, a hooweliweli pu aku la ia Hill, e ki aku ana oia iaia i ka pu, a iloko no oia manawa i poha mai ai ka leo o kana pu panapana a hele palalu ae la ka poka ma ka aoao o na makai.
Ua haalele koke iho na kolohe i ka hale a holo aku la me ka manao e pakele ana lakou mai na lima aku o ke aupuni. Ma ia ahiahi no ua hopu ia iho la na paele me ka hookauia aku o ka hewa hoao e lawe ola maluna o Hudson. Ua hoike aku o Smith i na mea a pau, a ma kona ae ana e lilo i hoike no ke aupuni ua hookuu ia mai la oia.
O keia mau paele no loko ia ona limahana paele he 21 i hoea aku ai ilaila, he mau la pokole mamua koke aku nei, a ulu koke ae la ka haunaele. Ua lawe loa ia mai la o Hudson no enei no ke kali ana i ka wa e lawe ia mai ai kona hihia e hooloheia e ka ana kaapuni.
-------
MEA OLE KE KULANA I KE ALOHA.
-------
Butte, Mont Ian. 15. O ka hoopalau o William A. Clark, ka keiki muli loa a Senatoa W. A. Clark me Miss Mabel Foster of Butte ua hoikeia ae i ke akea. E like me ka hoike a na hoaloha o ke kanaka opio he ano kupanaha no keia hoopalau.
He 23 wale no makahiki o keia Clark, a mai kona hookuu maikai ia ana mai ke keena aʻo kanawai mai o ke kula nui o Vireginia, ua lilo iho la oia no kekahi loio o kona makuakane Ona Miliona. Aole oia i hele nui aku iwaena o na anaina, a i ka wa i lohe ia ai ua hoopalau oia me Miss Foster ua nui na poe i hikilele, no ka mea, aole laua i ike ia i ka hele pu. O ka hoomaka ana o ko laua launa ana penei no ia:
Ma kela la hoalohaloha aku nei o na Amerika, ua wehe hamama ae la kona makuakane i kona ipuka hale no na opio o ke kulanakauhale.
A mawaena o na malihini i ki pa mai o Miss Foster kekahi a oia ko laua wa i nui mua loa ai. A oia wa pu no hoi ka wa o na kanaka opio nei i hoike aku ai i kona manao i ka lede opio. Ua hoike aku ka wahine i kona kulana he ilihune, no ka panai ana aku ia mau olelo ua pane aku oia he makahiki a oi kona kali a me kona aloha ana nona a he mau mahina hoi kona makemake nui ana e loaa he wa nona e hoike aku ai iaia. Malalo o ke noi a ka wahine opio ua lawe oia e noonoo akahele, a o ka hopena oia keia i kukala ia ae nei. E malama ia anu he anaina ike nui no laua, alua apono aku ka makuakane i keia manao o ke keiki.
O ka waiwai io o keia Clark opio ma kahi no ia o $5,000,000, a e hoomau ana no hoi oia i kana oihana loio. Ma Butte nei he loio oia no na poe ilihune, a aole hoi oia e ae e lawe mai i kona uku loio mai ka poe i hiki ole ke uku mai. He 18 ka nui o na makahiki o Miss Foster, a o ke ke kaikamahine muli loa ia a Mr. John Foster, he mea o ke kulana maluna iki ae o ka ilihune. He wahine opio ui oia a he mea nui hoi iwaena o na anaina o ke kulanakauhale.
-------
Ua hoomanao ae kekahi poe Hawaii i ka La pule iho nei, kala piha makahiki o ka pauahi nui i ike ia ma keia kulanakauhale me na imu puaa.
Mamuli o ka ino o ke awa o Hilo, ua haule hou aku ka hapanui o na olua i manao ia e kau mai ana maluna o ke Kalandine ma kela pule aku nei.
-------
KE KAUA MA AFERIKA HEMA
-------
AIA NO NA BERITANIA KE PAIO LA ME KA WIWO OLE.
-------
Me ka Hoaehee ia aku o na Boa me Kekahi mau Hoouka Kaua ana ma Kaalfontein.
-------
Pretoria, Ian. 13. He puali o 1000 Boa, malalo o Bayer, kai lele kaua aku ia Kaalfontein ma ka hora 7 o keia kakahiaka i ka pakana o na Beritania. O ka nui o na kana maloko o ka pakaua ma kahi no ia he 115, he poe kaua lio ka hapanui o lakou, no ke Cheshire Mounted Infantry, ua kue aku lakou me ka hopo ole. He eono hora o ka hakaka ana me ke kipoka ana aku o na Beritania me elua pukuniahi a me hookahi pu wili ua emi hope aku la na Boa.
He nui ka poino o na Boa, a ua kokolo mai lakou he 40 kapuai maloko o na manu loloa mai ka auwaha mua aku o na Beritania, aka, ua kipaku ia aku nae lakou ihope e na koa Beritania ki pololei. He nui na Boa i ike ia aku e lawe ia ana no kekahi hale mahiai mahope iho. Mahope o keia lele kaua ana ua hoea mai la o Kenerala Knox me ka mahele koa kaua lio Elua, a uhai aku la mahope o lakou.
Ma keia kahahiaka nui he 300 Boa i lele kaua aku ma Zuurfontein, aka , ua hoauhee ia aku lakou me ka huipu aku me ka puali e lele kana ana i Kaalfontein. Ua hoea aku o Konela Rocheford me kekahi kaaahi kaua mai Pretoria aku i ka wa o na Boa e auhee ana.
O na hoike hope no ka hakaka ma Belfast, ua olelo ia ae, he 700 Boa i holo aku me ka manao e lawe pio ae i ke kulana e paa ia ana e 60 koa Beretania o ka regimana Royal Irish. Ua kue aku na koa Beritania me ka wiwo ole ma ka lakou mau elua pu a hiki i ke koe ana he iwakalua wale no o lakou e loa ana. Mahope iho ua hoea mai la ua koa Gordon Highlanders me kekahi mau puali e ae mai ka pakaua a hoauhee aku la i na Boa mai ke kulana a lakou e paa ana.
-------
E KAAHELE AKU ANA.
-------
Ma keia pule aku i manao ia ai e haalele iho ana o Papa Ita, me kona luna hoohaua A. H. Lewis no ka haawi hoikeike ana ma Maui a me Hawaii i ka haawina kupanaha ana e mal@@ua nei. E haawi hou ana oi e ke hoikeike luna o ke Kalandine mamua o kona holo ana aku no na mokupuni mawaho aku nei.
-------
HOAO IA @ IOWA MA HILO.
-------
Ua olelo ae o C. R. Collins, ka haole hana ili, i huli hoi mai nei mai Hilo mai, iaia ma Hiloua hoao ia oia e powa. Olai, oia e holo ana maluna o kekahi kaapio ma kekahi alanui poeleele o ua kui nakauhale nei, ua ike aku la oia i kekahi kino kanaka i huna i kona mau maka me kona papale i ka holo ana mai iwaena o ke alanui a hoao mai la e paa i ka lio. ua haawi koke aku la o Collins i ke kauoha i ke kalaiwa no ka uhau ana i ka lio me ka uwepa, ua hooko aku la oia i keia kauohaia pakele ae la laua, aka, aole no nae i mamao loa aku ua ike hou aku ia laua i kekahi kino kanaka i ka holo ana ae iwaena o ke alanui, aka, mamuli nae o ka holo o ka lio ua hiki ole iaia ke hooko i kona manao palaualelo. He nui ka Collins mau dala ma kona poli ia wa, a mai pau aku ia i ka lilo i na i lanakila ke kolohe maluna ona.
HE AIHUE MAKAU OLE.
-------
Chelsea, Mass. Ian. 8. Ua hopu ia i keia la o Joseph Hart, Samuel Goldstein, David Kerner, David Werblinsky a me Terry Silverman, no ka hewa aihue pahu hao. O ka manawa i lawelawe ia ai o keia hana i ke ao no ia i ka wa o na ona Morse Brothers i kaawale i kaawale aku ai mai ko laua keena aku. O ka waiwai io maloko o keia pahu hao ma kahi no ia o $1,300 make dala maoli, a he $2,000 ma ka lako gula, Ua loaa i ka oihana makai he $500 o keia mau waiwai i aihueia ai ma ka bila kikoo banako.
He nui na poe i ike i ka lawe ia ana o ka pahu hao maluna o kekahi kaa, aka, manuli nae o ko lakou manao kuhihewa na haawi ia ke kauoha i keia poe no ka lawe ana aku i ka pahu hao no kekahi wahi okoa aku, aole i komo ka manao hoohuoi iloko o lakou. Kue no ka nana o keia aihue.
-------
NUI NAKAHUA HOOLULU LAWEHOIA.
-------
Ua loaa mai nei he mau hoike no ka nui o ua kahua hoolulu o na Pilipine i lawepio ia e na ko Amerika ma na apana o Luzoo me Laro. He hookahi kahi hoolulu i lawepio ia maloko o ka mauna Marinduque. He ahiu ke ua Pilipine i keia wa, a e hoi mua ana hoi lakou mamu o ke hoea ana aku o na Amerika. Ua hopu ia e kekahi mau koa o regimana 46 he mau koa Pilipine.
-------
Tientsin, Ian, 4. O ka @ i powa ke oia o ke K@@@ Gere@@@@@@, ma ka la 31 o Dekemaba iho nei, na @@@@@ koo@@@ a hoikeike ia i ka lehulehu @@@ puu ia hoi no ke ka@@@@@@ i lawelawe ai.