Ke Aloha Aina, Volume V, Number 50, 16 December 1899 — Page 6

KE ALOHA AINA, POAONO, DEKEMABA 18, 1899.

HE MOOLELO WALOHIA

NO

ALANADELA

Ka Wahine Hoopahaohao o ka Aa hu Keokeo.

A I Ole

Ka Loea Hoolani Pila Hapa o ke Kulu Aumoe.

 

A i ka hope loa owaka ae la ka waha o ka moneka, a pane mai la me ka leo kaumaha:

 

E kuu hoaloha opio, he mea ehaeha nu’u ka hoike ana aku ia oe o kau mea i aloha ai, aole ia e palekana ana, aka, ke iho mau aku la oia no lalo o ka luakupapau weliweli.

 

A na keia mau huaolelo i poha mai la mai na lehelehe mai o ka moneka, i hookupouli ae i ko ke koa opio noonoo a me ka hookaulua ole iho, lele aku la oia maluna o kana aloha a haawi iho la i na muki ana oiai ka hanu o ka wahine opio e kamau iki ana no.

 

I ka hoomama iki ia ana ke o na manao uluku e ialawe ana iloko o kona puuwai, oia koke no kona wa i hemo aku ai no waho o ka rumi no ke kii ana aku i kona hoaloha a me kana pio e aiakai mai no loko o kahi a kana Alanadela ew waiho ana.

 

A na na hiohiona kaumaha e hekau ana maluna o Walata i hoohikilele ae i kona hoaloha aoo, a me ka leo pihoihoi pane mai la oia;

 

E kuu hoaloha opio, e hoike mai pehea, ua haalele mai anei ka kaua lei aloha i keia ola ana?

 

Aole, aole e Kaisa, aka, ke aneane loa aku la nae oia e haalele mai ia kaua, nolaila, e komo koke mai iloko nei, i ike hope mai ai oia ia oe.

 

Me keia mau huaolelo, huli ae la oia a nana aku la i kana pio me na maka inaina, aka, aole nae oia i ekemu aku, a me na lima ikaika hoi, hopu aku la ua Walata nei ia Magarita a alakai aku la no loko o ka rumi a kana aloha e waiho ana i ukali ia aku e kona hoaloha aoo.

 

I ka ike ana aku o ua Magarita @ i kona enemi e waiho ana iloko o ka ehaeha, ua palulu koke ae la oia i kona mau maka, hiolo iho la hoi kona mau waimaka me ka walania nui.

 

A ma keia wahi i kulou iho ai ke koa opio a hapai malie ae la i ke poo o kana aloha no luna o kona uha, a me ka leo nui moakaka, kahea iho la oia i kana Alanadela me ka walohia nui i ka i ana iho.

 

E kuu Alanadela, kuu Alanadela hoi e, e haalele koke mai ana anei oe ia makou?

 

Na keia mau huaolelo a ke koa opio i kahea iho ai maluna o kana Alanadela i hoopuiwa i ka wahine opio, a kaakaa hou ae la hoi kona mau maka, aka, aole nae oia i ekemu koke ne.

 

A aia hoi kona mau maka. ke haha pono ae la maluna o kana aloha, me he la, e kilo ae ana ina paha o ka mea no keia a kona puuwai i haawi lilo aku ai mailuna o ka piko o kona poo a hoaa loa aku i ka manea o kona mau wawae.

 

No kekahi mau sekona loihi kona kilohi malie ana ae, ua ikeia aku la kona mau waimaka e hanini mai ana mai kona mau lihilihi maka mai me ka pahola pu ae hoi o na minoaka maluna o kona mau papalina nohea, e hoike maopopo mai ana, ua ike ae la oia i kana aloha me ke paewaewa ole.

 

A i ka hala hou ana ae o kekahi mau sekona. o kona kaulana pono ana maluna o Walati, aia hoi, owaka ae la kona mau lehel  he a me ka leo hawanawana o ka walania, pane mai la oia me ke ano paupauaho i ka i ana mai;

 

E kuu Walata aloha, aole loa o’u makemake e haalele koke iho ia oe, aka, ke ike nei nae au ua kokoke loa mai ko’u hopena, a’u hoi e manao nei, aole paha au e ike ana i ka napoo ana o keia la.

 

A mamua ae nae o ko’u haalele ana iho ia oe, he hookahi wale no a’u makana e haawi aku ana ia oe, oia keia kea hoohanohano e lei nei ma kuu a i au i ike mua ole ai, i kia hoomanao hoi nau e hoomnanao mau ai, ua haalele mai la he mea i polena paa i kona aloha no ka mea hookahi.

 

Nolaila, e lalau a lei ae ma kou a i, a ma kou wahi e moe ai, e hele ai, a e ai ai, mai poina i ka lei ana iaia a hiki i kou hooluolu pu aua me ia iloko o ka lua weliweli o ka po.

 

I ka hooki ana iho o Alanadela i kona leo, oia koke no ka wa i pili hou iho ai kona mau lihilihi, no ka hookuu hou ana aku e hooluolu i kona mau palapu, aka, elike me ka makemake o ka wahine opio, pela ke koa opio i lalau iho ai ma kona a-i a unuhi ae la hoi he kea hoohanohano a maluna ona e kau ana na pohaku dainamana makamae loa, a maloko o lakou e kau ana he kalaunu alii o ke aupuni o Italia.

 

UA HIKI MAI KA WA.

I na hoaloha a me na makamaka i halawai pu me a’u a i na hoa e ae no hoi i makemake e hoao e ai hoonuu i ka poi uouo kaohi puu o Waiahole, Koolaupoko, ano, ka wa no oukou e kipa mai ai ma ko’u home, no ke kaana pu ana i ka wa ou e makemake ai i kau holoai, i na paha i ka Poaono a Poakolu paha.

 

Oiai, he elua wale no la e lawe ia mai ai ka ai no Honolulu nei, a i maopopo pu ai hoi ai’u ka nui o na holoai o kela me keia lawe ana mai.

 

O wau kou hoa kauwa, S. K. Kamakaia.

Helu 585.  Alanui Nuuanu, ma Waikiki o ka pa o Mele Puka.

 

NUHOU KULOKO

Aole i hoemi ia mai na manao pico o ko ke kulanakauhale nei.

 

Eia ma ka hale hana hao e puhiia mai nei na kino make fiva eleele i ke ahi.

 

Nui ka lealea o ka halekeaka Orphuem i na poe keaka paele o ka Warren.

 

Ua kohu mau ia kanawai koa keia ke ku kiae ia o na alanui aupuni e na koa aupuni.

 

Ho 10 tini opiuma i loaa akiu ma ka malu o ka Iapana kuene o luna o ka Eric ma ke kakahiaka Poaha nei, a ua hului ia ae oia i Kalakaua Hale e na kiai oia hana.

 

He nui na moku e mo-ku mai nei mawaho o ka nuku o ke awa, a mawaena o lakou ka moku lawekoa Warren me na koa paele.

 

He nui na hale o ke kulanakau hale nei e hoaa nei i ka lakou mau kuke mamuli o ko lakou paa ana iloko o ka apana i hoomalu ia.

 

Eia na halekuai o kakou ke hoowehiwehi mai nei me na luhiehu like ole, no ka hookelakela no ka ia Karismaka a me ka Hapenuia. 

 

E malamaia ana he mau hana lealea mauka o na Kula Kamehameha i ka Poalua ae nei.  Ka la hanau hoi e ke Aliiwahine Pauahi.

 

Ua manao ia e hoi hou mai ana ke Kinau me kona piha hou i ka wa e loaa aku ai ka lono no ke poha ana ae la o keia ma’i weliweli i Hilo.

 

Mamuli o ka piha loa o ka kakou pepa me na mea hou o keia mau la e nee nei, nolaila, na hoo kaulua ia ka hoopukaia ana o na palapala a na makamaka a kahi wa aku.

 

Ua hoohuiia ae ma ka berita laahia o ka mare o Miss Mary Pahau me William Simerson, ke keiki hiapo a Kapena Simerson, ma ke ahiahi Poaha.  He mau opio laua i ike nuiia e ko keia kulanakauhale.

 

Ua hoomaopopo ia keia manawa i poha ae la o ka mai ua loaa no kela mau luina o ke Kalaudine i keia mai hookahi ma o ka ikeia ana he mau mea eleele ma ke akemama, aka, aole nae i manao ia e palahaoaha loa ana.

 

Mamuli o ka nui o na pio ono keia poha ana ae la o ka mai fiva eleele maloko o ke kulanakauhale nei, nolaila, ke hoikeia aku nei ka lohe, aole he keaka o ka halekeaka Orphuem i keia mau po a hiki i ka wa e hoike hou ia aku ai.

 

Ua hookapu loa ia na kaa hapaumi o ke alanui Moi i ke komo ana aku maloko o ka apana e hoomalu ia nei, a nolaila, o ko Palama mau kae e holo ana lakou a hiki i ka uwapo a Haaliliamanu, a o ko waho mai hoi o Waikiki a hiki i ke alanui Nuuanu.

 

E HAAWI MAKANA IA ANA

HE KII BEBE NANI!!!

O na poe a pau e kuai ana ma ko makou papahele elua a oi aku 50 keneta e loaa no iaia he tikiki. a o ka mea nui o na tikiki e waiho aku ana ma ke ahiahi Poaono, Dec. 23, e loaa no iaia keia Kii Bebe e hoikeikeia nei ma ko makou puka aniani, e hoomaka ana ka hawiia ana o na tikiki ma ka la 4 o Dekemaba.

 

NA WAIWAI O KEIA KEENA

LOLE AAHU O NA LEDE ME NA OPIO.  KALIKI PALEKOKI. PALULE.

 

 

WHITNEY & MARSH

LIMITED.

Silika Holoi, 40 c. a ke 60c. o ka i-a.  Oganadi, 8 1 3 a ka 35c, o ka i-a,

Chambrics, 10c. a ka 20c. o ka i-a.  Dimiti, 8 1 3 a ka 20c. o ka i-a.

Falanela, 8 1 3 a ka 121-2 o ka i-a.

 

Kalakoa Iioloi    5 C aka 10 c. o ka 1-a

Kinamu

Pecales

Lawns

 

WHITNEY & MARSH

 

 NA LAKO GULA HOU LOA.

I hoea mai nei maluna o na mo kuahi mai Kapalakiko mai.

 

Ma ko’u Halekuai, malaila e hana ia ai na Pine, Komo, Kupee Lima, Uwati, a pela aku. 

H. C. Biart. Alanui Papu, Helu 404 ½.

 

UA NEE AKU.

Ma keia ke hoike aku nei au i ko’u mau hoaloha a pau, ua haalele aku au i kuu keena hana mua e ku nei ma ke Alanui Moiwahine, mahope o ka Hale Aupuni.  A e loaa no au ma ke poo o ke Alanui Liliha, ma ka hale inu kope mua o Chee Kwai Kee.

 

Menawa Hana:  Mai ka hora 8 a.m. a hiki i ka hora 6 p.m. o na la a pau.  Kauka Chan Kam Chin.