Ke Aloha Aina, Volume V, Number 12, 25 March 1899 — Page 6
| This text was transcribed by: | Kainani Hartnett |
| This work is dedicated to: | Pumehana Paisner |
KE ALOHA AINA
POAONO MARAKI, 25, 1899
HE MOOLELO WALOHIA
---:NO---
ALANADELA
------
Ka Wahine Hoopahaohao o ka Aahu
Keokeo.
-- A I OLE --
Ka Loea Hookani Pila Hapa o ke
Kulu Aumoe.
------
I keia wa no hoi i lohe ia aku ai ka leo o Magarita i ka puana ana me ka leo hawanawana imua o kona mau hoaloha i ka @ ana aku.
E o'u mau hoahele e emi aku ano ihope a m@i hoohakalia aku, no ka mea, o ke alahele keia a na powa e nee mai nei, a ina lakou e hala aku ana me ka ike ole mai ia kakou, ua niki loa ia'u ke kaena ua lilo ia kakou ka home kakela o na powa, me ke kulu ole o kekahi wahi lihikoko.
I ka hooki ana ae o ka leo o Magarita oia koke no ka wa o ka kakou mau eueu i kau koke ae ai maluna o ko lakou mau lio a emi aku la no kahi pouliuli.
A malaila i kali iho ai lakou no ka nana ana i na powa e nee mai ana imua me ka puahi nui.
Ke hoopaiakuli ia nei hoi ka lewa e ka leo kanioeoe o ka lakou mau metala kila a me ke kani pohapoha o na kapuai wawae lio me ko lakou hoonaueue pu aku i ka honua.
Aole i hoololi ae ke alakai o na powa i ka hoonee ana mai ma kahi a Walata ma e ku nei, a ua hiki hoi ke ike ia aku ko lakou heluna aia no ia maluna aku o ekolu haneri.
I ka ike ana ae o Walata, aohe o lakou wahi e pakele ae ai, oiai, aia ka puali o na powa ke nee pololei mai nei ma ko lakou mau wahi e kuku aku nei, nolaila, me ka hookaulua ole iho lohe ia aku la kona leo wiwo ole i ka puana ana ae.
Ano e kuu mau hoaloha ke ike nei au aohe o kakou wahi e alo ae ai mai keia puu make ae e nee papa mai nei. Nolaila, o ka'u e kauoha aku nei e unuhi ae i ka oukou @au pahikaua, a e ku makaukau no ka halawai ana aku me ka enemi i na no ka make a ola paha.
A ia manawa no i unuhi like ae ai lakou i ka lakou mau pahikaua me ka makaukau nui no ka halawai ana aku me na enemi, a ke ike ia aku la hoi lakou e ku ana me ka pihoihoi nui.
Iloko o na sekona pokole wale no aia hoi ua hiki pono mai la na po wa maluna o na kiekiena a Walata ma e ku nei, a ia wa no i ike ia mai ai ke alakai o na powa i keia mau mea pouliuli e ku aku nei i mua o kona alahele.
Nolaila, me ka hookaulua ole iho, unuhi koke ae la oia i kana ulili
kahea mai kona poli ae, a puhi ae la no ekolu manawa. A i keia manawa no i poha aku ai ka leo o ka ulili oia koke no ka wa i hoopuni koke ia ae ai ka kakou mau eueu.
I ka hookuu ana iho o ka leo kahea o kana ulili, oia no kona wa i unuhi ae ai i kana pahikaua a hoopololei mai ai no kahi a na hololio o ke kulu aumoe e ku aku nei.
A iloko no hoi oia sekona hookahi ua lohe ia aku la kona leo okalakala i ka hooho ana ae me ka weliweli nui.
E hoike koke mai owai keia mau aeahaukae i komo hewa mai nei iloko o kuu kapu, no ka mea, ua makaukau kuu pahikaua e hookau aku i ka hopena awahia o ka make maluna o ka poe e hoao ana e wawahi i ko'u laahia.
Aole makou he aeahaukae e ke kanaka i loaa ole ka uhane aloha iloko ou, wahi a Walata i puana aku ai me ka wiwo ole, aka, he poe makou i hele mai nei no ka halawai ana me ke alii o na powa.
Owau keia o ka haku o na powa ka mea nana e hoopiha nei ia Sekotia holookoa me ka weliweli, a heaha kou makemake ia'u? He manao anei kou e halawai me a'u maluna o na mea kaua, a ua mihi mua anei oe i kou mau ha'a mamua o kou hele ana mai nei? Oiai e hoihoi aku ana au ia oe no lalo o ka opu o ka lionua no ka wa pauole.
E ke ahi o na powa, ua manao anei oe ma kou hoike ana mai ia'u i kou kulana he mea ia no'u e makau aku ai ia oe? O aole loa ia mea iloko o kuu puuwai. Aka, i hoea mai la au ianei no ke ana pahikaua ana me oe, ke kanaka i kaulana no na hana puuwai eleele.
A e hoomanao pu iho hoi, i hele mai nei au e hookau aku i ka hoopai maluna o ka mea nana au i hookaawale mai ka nohoalii mai o ko'u mau makua i luhi ai, a hool lo ia iho la he kanaka e auwana hele maloko o na ululaau me ka loaa ole he wahi no ko'u poo e hoomoe iho ai. Aole wale oia, aka, i hoea mai la au imua o kou alo no ka hookau ana aku i ka hoopai kupono no kau hana puuwai eleele i hana aku ai maluna o kekahi mau ola uhane, no laua na kulu koko e kiheahea ana maluna o ka hokua o na lio ahiu.
I ka hooki ana ae o ka leo wiwo ole o Walata. Oia no ka wa i pae hope loa mai ai ka leo o ka haku o na powa i ka i ana mai me ka piha inaina.
A o oe anei ia e Walata kahi ilio kawau o Sekotia a kuu mau kanaka i lawe malu mai ai mai ke aloalii, a i hoopakele ia ai e kekahi luahine nona ka inoa i loaa ole ia'u. O oe anei ia? E pane koke mai i keia wa ano. A ua loaa anei ia oe o Magarita a me kona kokoolua. Ano e hoike koke mai mamua o ko'u hoihoi ana aku ia oe no lalo o ka honua?
E ke alii powa owau no keia o Walata, ka mea hoi nana i hoopakele i ka ui Magarita a me kona hoaloha mai luna mai o ka hokua o ka lio ahiu:
A i ka hooki ana ae o Walata i kona leo oia koke no ka wa i ikeia aku ua alii powa la i ka hapai ana ae i kana pahi kaua no luna o ka lewa me ka wiliwili ana ae me ka ikaika nui a kuupau mai la i ka holo nui no ka halawai ana me ke koa opio Walata:
Iloko o ka imo ana a ka maka, ua halawai koke ae la ka maka o na pahikaua a ua mau eueu nei i kahi hookahi.
A kani oeoe ae la hoi ua mau pahikaua la i ko laua wa i halawai ae ai me ka oiliili pu mai o na huna ahi i ka wa e koele ae ai o mau mekala kila.
Aohe hoouka kaua hahana i ike ia ka weliweli e like me keia, a aia ua mau eueu la ke uhau la, ke pale la, ke alo la, me ka haaheo nui.
Me ka hookupinai pu ia ae hoi o luna o ua kiekiena nei i ka leo huro o na powa no ka lanakila o ko lakou haku maluna o kona enemi.
Aka, no Alanadela a me kona mau hoaloha, aole he leo ekemu i oili mai mai ko lakou mau waha mai, i i ko lakou wa i hoomaopopo ae ai, aia wale no ko lakou manaolana maluna o Walata ke koa wiwo ole.
No kekahi manawa loihi keia hakaka ana a ua mau eneu nei, ua ikeia aku la ka emi ana mai o ka ikaika o ke alii o na powa, aka, aole nae oia i haawipio mai, a i keia wa no hoi i loheia aku ai ka leo ina ina o na kanaka powa i ka hooho ana mai.
E ko makou haku e hookuu mana makou e haehae liilii aku i ka io o kela wahi keiki, a e hoomaha aku oe.
Aole nae i ae aku ka haku o na powa i ke noi a kona mau kanaka oiai, no oia e hilinai kuhihewa ana ikaika o kona mau lala, aka, ua ike ia aku la nae kona puana ana ae me ka hanu i hele a nae iki.
E kuu mau kanaka mai hopohopo no u, no ka mea, ua kokoke loa mai ka manawa no'u e hoihoi aku ai i keia wahi keiki aeahaukae no luna o ka lepo.
A i ka hookuu ana iho o ka powa i kona leo, ua hoopuia koke ia ae la ka lawe @e @ leo huro o kona mau kanaka.
---------
E malamaia ana he hookuku popo hinai ma ke kula o Kapunahou mawaena o na kaikamahine oia kula a me na kaikamahine o ke kula Kamehameha ma ka auina la Poakahi.
Ua hoopahaohao ia ke kulanakauhale nei mamuli o ke kani ole ana mai o ka hoailona o ka hora 1:00, ma ka Poalua nei, a i ka wa i huli pono ia aku ai ua ike ia iho la ua poino ke oeoe.
KE KANAKA HOOKAHI O KA
MOKUPUNI CHARLES.
-------
Ua hoike ae o Lutanela Safford, ke alii hooko o ka mokuahi nanahu Scindia, no kekahi mea ana i ike ai ma ka mokupuni Charles kekahi o na mokupuni o ka Paemoku o Galapagos i kona wa e holo mai ana no keia awa mai Callao mai maluna o ka mokuahi lawe wai Iris. Aole he mea e ae maluna o ka moku i ike he oia uhane mauka o ka aina, a o Lutanela Safford wale no hoi ka mea i lele aku no uka o ka aina. No ka ohi ana i na mea ulu kakaikahi e ulu ana malaila no ka hoihoi ana i ka home. Ua hoohikilele ia oia i kona wa i hoea ai ma kekahi wahi ano apuupuu o ka aina, ma o ka ike ana aku i kekahi kihapai nani. Ma ka waha o ka lua e ku ana kekahi kanaka eleele pilalahi loihi. Ua ku koke iho o Safford no ka nana ana aku i ka helehelena o keia kanaka ahiu, aka, u hoopau koke ia ae kona hopohopo i kona wa i haawi mai ai i kona lima no ka lulu lima pu ana me ka nee ana mai iwaho o kona ana.
He nanaina hauoli ke hekau ana maluna o kona helehelena no ka halawai ana me kekahi mea mai waho mai o ka honua, a o ka oi loa aku paha, mamuli no ia o ka hiki ana ia Safford ke kamailio aku i kana olelo kamaaina Sepania. A ua hoike mai la hoi oia i kana moolelo walohia:
He kanaka oia no Ecuador. A no elua makahiki me ka hapa i hala ae nei, ua lawe ia mai la e Don Alexandero Hill, he mau koa Ecuador, ma ka ae ana o ke aupuni. He kanaka Sekotia waiwai o Hill e noho ana ma Sekotia, a mamuli o ka nui hewahewa o na bipi ahiu, ua hoolimalima aku oia i ka mokupuni Charles mai ia Ecuador mai no ka ili o keia mau holoholona.
O don Felipe ke kanaka hookahi e noho nei maluna o ka mokupuni, oia kekahi o na koa i lawe ia mai. No kekahi kumu i maopopo ole iaia ua lawe ia mai la oia e Hill ma kekahi la a hoonoho iho la ma kahi ana e noho nei, me ke kauoha ia aku e noho malaila a hiki i kona hoi hou ana mai, ua holo aku oia no ka mokupuni Albermale, ka mokupuni nui o na Paemoku Galapagos, me ke koena o na koa.
He mea kupanaha lo@, wahi a Safford i olelo mai ai, aole o Felipe i hoike mai i kona kaumaha no k@ ulia pakalaki, aka, aia no ke noho la me ka manaolana e hoi hou mai ana no o Don Alexandero no ke kii ana iaia a hoihoi aku i kona home Ecuador, kahi a kana wahine a me kana keiki e kali mai la nona.
@ oko o kekahi aua i paku a me na pohaku e hiamoe ai o Felipe. A ua hana ia aku ia no ke kue ana i na ilio hihiu a me na puaa he nui hewahewa e holo ana maluna o ka mokupuni. I kekahi manawa e,
iho mai ana na puaa mai ka mauna mai i ka po a hoopoino iho ia i ke kihapai ana i luhi ai no kekahi mau mahina.
He kanaka mahiai o Felipe ma ka hoomaopopo aku, he mea pahaohao nae ka hoomaopopo ana iloko o ka nui o ka bipi a me ka puaa aole o Felipe i hoomakaukau ae i auwaha, a i ole, i mau ahele.
E hana ana oia maloko o kona kihapai mai ke kakahiaka a hiki i ka po ana , a i kekahi wa ua hele aku oia maluna o ua mokupuni la no ka huli ana i na mea ulu ana e hoihoi mai ai i kona home i mau mea ai. A oiai he 20 mile ka laula a me 12 mile ke akea o ka mokupuni Charles, ua maopopo iaia na wahi a pau ke ano o na holoholona manu a me na mea ulu.
O ko Felipe mau hoa noho, oia o Turks, he ilio, Negros, he ekake a me Rosa, he puaa wahine. Ua hoea mau mai lakou i ke ana o ke kanaka me ka hihiu a hiki i ko laku laka ana. Ua kamailio aku o Felipe ia lakou elike me he kanaka la. "Ua maopopo ia lakou ka'u mau mea e kamailio aku ai. Senor, aole e hiki ia'u ke kamailio aku pehea la ka nui o ko lakou oluolu no'u. A he kakaikahi loa hoi ko'u lohe i ka leo o ke kanaka."
Ma kekahi la ua laweia aku o Safford e Felipe no loko o na ululaau. A i ko laua hoea ana ma kahi o na kumu lemi e ulu ana, ua ike aku la laua he heluna nui o na bipi e ai ana i ka hua o ka emi. Ua hoakaka mai o Felipe, pela e loaa ai i na holoholona ka wai, mamuli o ka haawi ana ae o Don Alexandero he kauoha no ka pa ena i na luawai a malama. ----Evening Bulletin.
-------
HE MAU WAIWAI HOU.
-------
Ua hoea mai la ma ka halekuai nui o L.B. Kerr, he 245 pahu o na Lole Aahu, a i keia kakahiaka Poalima i wehe ia ai, a e kuai hoemi ia aku ana lakou. He 10,000 apana Lole Aahu o ke ano hou he 5 keneta o ka i-a, 50,000 apana kalakoa hou loa e kuai ia aku ana ma ke 30 i-a i ke$1.00 pakahi. Nolaila, e hele koke mai e nana i keia mau waiwai hou i papalua ia ke emi i kona wahi e ae. Ua kono ia na hoaloha a me na makamaka a pau e kipa mai.
--------
O ka nui o na buke Baibala ma ka honua nei he 200,000,000, a ua pai ia hoi iloko o na olelo like ole he 330.
He nui na poe e mahalo mai nei i ka laau Quaker, o ka poe e aneane aku ana e makapo ua loaa hou ia lakou ka ike, a o na poe kuli ua loaa ia lakou ka lohe.
He mau po i hala ae nei ua hou ia iho la he Iapana i ka pahi eia ka mea i hoopoino ia ma ka haukipila e waiho nei, aka, aole nae oia i hoike mai i ka mea nana i hoopoino aku iaia.