Ke Aloha Aina, Volume V, Number 9, 4 March 1899 — Page 5

KE ALOHA AINA,POAONO,MARAKI 4 1899

HE WAIKAHE NUI.

HOOPIOOIA NA POE E NOHO

ANA MA KE KAWAI O NUUANU.

 

Halana ia na Hale e ka Wai, Aka Aole Nae he Ola i Poino ma Keia Waikahe Nui

 

            Ma ka po Poalima nei, ua ike ia iho la kekahi mea kupaianaha, oia hoi, i ka ka wa o ka mahina e hoolei pau na i kona nani nui maluna o ke kuianalauhale nei, me ka mahui ole ae o na mea a pau e noea  hou  mai ana he waikahe nui nana e hoopihoihoi i ka manao elike ka weliweli me ko ka makehiki i hala aku la i make ai he Iapana.

            Aka, me keia po ae la nae i ka wa o na mea a pau e noho ana me ka nanea nui, aia ka ua ke halii paa mai la i ke awaawa o Nuuanu, a ke anapa mai a hoi ka uila  ma  ke kukulu akaku, e hoike okoa mai ana no, aia he ino nui ke ke  pahola la ma Nuuanu.

            A he mea oiaio, ma la hora 11 o ia po, uahoopioo ia ae la na kanaka e noho ana ma kahi kokoke i ke kahawai o Nuuanu, i ka hoomaopopo ia anaiho, ua ikeia ke pii mahuahua ae laka wai o na kahawai a hiki i kon uhi ana maluna o na kapa wai a lilo aku la hoi kahi uapo hele wawae o Miss Lucy Peabody me ke komo aku iloko o na hale me ka hoolana ana aku i na mea oloko.

            I keia wa i ikeia aku ai na wahine a me na kanaka e puhee mai ana me ka hikilele nui iloko o ko lakou mau aahu moe po mai loko ai o ko lakou mau hale.   Ua ohi koke aku kekahi poe i ko lakoe mau mau waiwai a lawe aku la no na wahi e loaa ole aku ai i ka wai a ma hora 12 ua emi iho la oia a kona mau.

            O kahi ikaika loa o ka wai i kahe ai ma ka aoaoa o ia ma Ewa o ke kahawai, ma kahi kokoke i Sana Lui, a ua hiki aku ke kiekie o ka wai ma kahi o ekolu ka puai ma kahi a Lucy Peabody e noho nei, a he nui na hale na ia aoao i halana ia e ka wai, malalo o Kamanuwai ua komo ia aku he mau hle e ka wai, aka aole nae i nui loa na poino i ikeia a keia wai i hana ai elike me ka wakahe o keia makahiki i hala aku nei.

            Ua nui pu ae ka wai o ke kahawai mauka o Kalihi, a ua hiki ole i na Pukiki e noho ana ma kela aoao o ke kahawai ke iho mai i ke kelanakauhale nei,aka aole nae he ola i pono i ikeia mauka  olaila.

 

            Eia ke upuia nei maloko o ekolu pule e hoea mai  na ka uwila o ka Hui @ Hapaumi. Elua no.

 

LILO PIO O ILOILO

 

AOLE NO I PAU KA HAUNAELE MA PILIPINE

 

Ke Lele kaua Mau la na Pilipine i na Amerika

 

            Manila Feb. 14, hora 9 a.m.

O iloilo kekahi o na wahi ikaika loa o na poe kipa Pilipine ma ka mokupuni o Panay, a o ke kahua poo aupuni hoi o na kipi, ua lilo pio mai i na Amerika malalo o ke alakai ana a Kenerala Mila ma ka Poaono nei.

            Ua hoea mai ka mokukaua Petrel i ke ahiahi onehinei me na hoike mai a Kenerala Mila mai ia Kenerala Mila mai ia Kenera'a  Otis e hoike mai ana no ka lawe ia ana ae la o Iloilo e na ikaika kaua hui o Amerika.

            I ka loaa ana aku o na ao ana ia Kenerala Mila, na hoouna aku oia he mau Komisina kamaaina mailuna aku o ka St. Paul o uka o Iloilo, no ka hoike ana aku i ke kiaaina o na Pilipine e haalele iho mamua o ka la 13 o Feberuari me ka olelo pu aku ia lakou aole e hooulu i na @ hoohaunaele.

            Aole he pane i loaa aku, aka, ua hiki nae i na moku ke ike aku i na poe kipi e hoomakaukau ana i ko lakou ikaika kaua mauka o ka aina.  Ua hiki ke ikeia na puali kipi i lako me ua mea kaua e hele ae ana ma alanui o ke kulanakauhale no loko  o au waha a ua hoohuli ia mai hoi ka waha o na pu no ke kue ana mai i ka enemi,  Ua ki ia aku he elua mau pu e ka mokukaua Petre, a oia no ka wa i pauai mai ai o na Pilipine.

            Ua hoomaka aku na moku kaua Balatimoa a me ka Petrel e kipoka i ke kulanakauhale, ua puhi ae na pipi i ke kulanakaukale i ke ahi a haalele iho la.

             Ma ka hora 6 i hoolele ia aku aku ai na pualikoa Amerika, a lawe ae la i ke kulana a na poe Pilipine i paa ai. Ua kue mai ke koena o na poe Pilipine i koe iho mai ke auhee ani, aka mahope nae o na kipu ana a na Amerika, ua emi hope aku lakou.  Aole he Amerika i hoeha ia, a na loaa aku he 25 Pilipine i hoehaia, aka aole nae he mea i make.

 

HALAWAI NA PILIPINE ME NA AMERIKA MA JAROS

            Manila, Feb. 15. O kahi kauhale he hookahi mile ma ka akau aku o Iloilo, na lawe pio ia ae la e ka Batiliona Umikumamawalu Ua loheia ae aia na poe kipi malaila kahi i akoakoa ai, a mamuli o ka manao ia ana e lele kaua mai ana lakou maluna o ke kula nakauhale, nolaila, na manaoia he mea pono ke kipaku koku ana aku ia lakou.

 

Ua manaoia aole lakou e kue ikaika mai ana, aka ua hoike mai nae lakou i ko lakou i ko lakou hopo ole, a ua nui hoi na poino i loaa i na Amerika malaila mamua o ka lawe pio ia ana o ke kulanakauhale o Iloilo.  Ua hoehaia o Lutanela Frank Bolles a me eha kanaka.  No ka hora a oi keia hakaka ana na emi hope aku na Pilipine me ka lawe pu ana aku i ko lakou poe i make a hoeha ia.

HOAKOA NA PILIPINE MA KA HIKINA

NA AKU O MANILA

            Manila, Feb 19 Ma ka hoomaopopo ana aku i ke ki hoomau ana mai o na poe kipi me na pu raifela ma kahi kokoke i San Pedro, ua manaoia aia lakou ke hoopuipui la i ko lakou ikaika ma hipika aku o Manila, aka, aole nae i maopopo ina paha aia lakou ke lawe mai nei i na kanaka mai Malolo mai.

            Ma ia po holookoa, ua ki hoomau mai lakou, a ua hoomau hou ia mai i ka hora 9:30 o keia ka kahiaka no hookahi hora , aka o ka hopena nae oia hakaka ana aole i maopopo.  Ua ikeia aku na pualikoa o Uta maloko oia hakaka ana.

 

O MALIETOA KA MOI O SAMOA.

 

Aukelana, Feb 14. Ma ka hoea ana aku a ka hoea ana aku o ka mokukaua Amerika Pilidelapia i Apia, e hoihoi ia aku ai o Malietoa Tanu no uka o ka aina mailuna aku o ka mokukaua Beritania o na Kaniakela Amerika a me Beritania me ka hoopuka ae oia ka Moi.

            Ina e hoole ana o Mataafa i ka haalele ana i ka nohoalii no Malietoa, i hopuia aku ana oia e na Kanikea me ke kokua ana mai o na pualikoa o na mokukaua elua.

            He pihoihoi ke kulana ma Apia , a haowale ia la na waiwai e na kanaka.  Ke kan la o Matsafa i na auhau, a ke hana la i na hoomalu ana me kekahi alahele e hoea mai ai o ka poino.

            I ka wa i haalele aku ai ka mokukaua Geremaia Falk a me Mokukaua Beretania Royalist a me Porpoise ke ku la ma Apia.

 

E KIKA MAI ANA IANEI

 

            Ua loaa mai nei he mau louo maiuna mai la o ka mokuahi Amerika Maru mai Kapalakiko mai. e kipa mai ana ka mokukaua lapana Chitose ma Honolulu nei, maloko o hookahi mahina ma kona alahele e hoi ana no Iapana  O keia ka mokukaua i kapiliia mai nei e ka Hui Ouiona o Kapalakiko no @ aupuni o Iapana, a nona hoi ka @ holo o 2376 @ i ka hora.

 

HUNAHUNA MEA HOU O KONA HEMA

 

            Ma ka la 8 iho ei o Feberuari i malamaia ai he halawai makaainana e na poe o ka Hui Aloha Aina a me Kalaiaina ma ka luakini i Milolii, no ka noonoo ana i ka ninau i hoopukaia ma ke Kuokoa o ka la 27 Ianuari, helu 4, oia hoi keia: Heaha ka poino nui o Hawaii nei?

            Kohola o J.W. Maele i lunahoomalu, William K. Kaeo,  kakauolelo. He lehulelehu na haina like ole a me na wehewehe like ole i waihoia mai a oia hoi keia a me na poe na lakou ia mau haina:

            Na P. Mia i hoike mai, o ka poino nui o Hawaii nei, oia ka mai lepera.  Na Kapiko, no ke kaawale ana o ke kuokoa a Hawaii nei mai iaia aku. Beniamina, no ka nele ana o ka lahui Hawaii i ka mana hooponopono aupuni ole.  Kauai no ka lawe maoli ana o ke Aupuni o Amerika ia Hawaii nei me ka lima ikaika. Kaohuokalani no ka hoohui ia ana o Hawaii nei me Amerika. O ka Mahele no ka hoonui lilo o keia aupuni e ku nei i keia manawa.  O keia ae na manao ano uui o keia haiawai i malamaia ai.

            I ka la 5 iho nei i malamaia ai he paina luau nui e ko Molilii nei poe, no ka hoomanao i ka piha makahiki o kela kai hoee nana i hooneie i kekahi mau makahiki i hala ae nei.

            Ma ia la no, ua pae mai ia he waapa no kekahi moku okohola no ka lawe ana mai i ka malamamoku no kahi e loaa ai he kauka.  Ma ka la mamua iho, ua loaa i keia haole he ulia poino mamuli o ka moku a lele loa ana o kekahi o kona mau manamana o ka lima hema mamuli o ke pahu ana o ka pu oiai o a e hoao ana e kipoka i ke kohola.

            Ua laweia aku oia maluna o ka lio e David Kaupiko no Kealakekua a mailaila aku no Honolulu.

            Ma ka Poalua iho la 7, i hoopaa loa ai la uwapo helu ekahi o ka nui ma na Kona nei, nona hoi ka loa he 165 kapuai, laula he 30kapaai , a o kona kiekie i ka wa kaia maloo he S kapuai, iloko wale no o ehiku pule.  He pokaku na wahi a pau, a o kahi wale no o ka papahele he 50 kapuai loa.

            O ka nui o na limhana nana hana he 10 kanaka Hawaii, 3 Pukiki a me ka luna hoohana no hoi he hapa haole nui momona.  Ke haawi nei ko Miolii nei poe a pau i ka maha`o i ke aupuni a me ka @ ohana no keia uapo.

            Nui ke kai a me ka makani o n  a Kona nei i keia mau la, aole nae he ua.  Pilikia o Milolii ika wai ole.

            Me na keiki oniu hua kepau ko`u aloha.   Me ka haahaa.

                        Wm. K. @

            Heopuloa. Kona Hema. Feb 20 1899

 

IKEIA KA HOLOMUA O KA HOME KAPIOLANI

 

            He mea e hoohauoli mai ana ia makou a i ka lahui Hawaii no paha a pau ka ike ana iho me ke kanalua ole eia ke holomua nei na hana o ka home hoohanau keiki Kapiolani, a ua kokoke mai hoi kona wa e hana ai nona iho me ka ui aku i ka Moiwahine punawai hamama Kapiolani no ke kokua ana mai iaia.

            Ma ka hoike a ke kakauolelo Mrs. Flora Jones, no ka makahiki e pau ana maka la Ianuari, 1899. penei:  O ke koena maka waihona i ka hoomaka ana o ka makahiki, $3,867.47, na loaa no ia makahiki, $5, 914.85; huina $9,782.32, he pii mahuahua ana ae o $2,254.89 mamua o ka makahiki i ka hala aku.

            O na hoolilo o ka makahiki ne $7, 643.22, ua laweia mailoko oia huina $4,500 no ke kuai ana he mau bona o ke Alahao Oahu.  Ua waiho iho hoi oia $3, 199.22 no na hoolilo e ae o ka makahiki e kue ana i na hoolilo nui oia makahiki mua aku $3, 590.79, he averika hoolilo o $266.60 o ka mahina hookahi.

            O kekahi o na loaa mahuahua e komo nei iloko o kn waihona mamuli no ia i ka hoopii hou ana ae o ke aupuni i kana mau dala kokua mai ka $166 a ka $200 o ka mahina.  A ua hoopuka ae ke kakauolelo he manaolana kona. aole a mamao loa aku @ e hiki no iaia ke hana nona iho, me ka haliu ole aku i mau kokua mai waho mai.

            O kahoike a ka lunanui o ka homa, Mrs. Carolins Clark. o ka huina nui o na hanau oia makahiki he 43; 37 Hawaii a 5 o na lahui e, s maloko oia huina he 28 keikikane a me 15 kaiamahine, a he hookahi wale no iwaena o lakou i make , mamuli o ka loaa ana i ka mai numonia.

            o kekahi o na mea ao nui i ike ia ma keia makahiki, oia no ka haawi manawalea ana aku o Seantoa Balauwina ia ka home, he halepule no hoomana a pau.

            Ua naawi ae ke kakauolelo ma kana hoike he kahoahoa i ko "kakoo kokua a Pares dena i aloha nui ia , ka Moi wahine Kapiolani, nona hoi kakou i aie mui ai no keia hana, a nona kakou e pule nei i ka Mea Kiekie Loa a malama mai iaia a e hooloihi mai hoi i kona oia.

 

HOOPANEE IA KA HOOLEHO IA ANA

 

            Ua hoopaneeia aku la ka hooloheia ana ka hihia hoeha o H. Vida a me Jack Gibson maluna o Jas. E. Kaulia a hiki i ka la 16 o Maraki, ka wa hoi a ka kouahi Auseteralia e hoea mai ai, a he manalana ko na mea i hoopii ia e loaa ana ia laua he hoike kupono e hoopakele ae ai ia laua.  O ka mai i ke laua mau hoike aia maluna o ka Auseteralia.