Ke Aloha Aina, Volume V, Number 8, 25 February 1899 — Page 6

KE ALOHA AINA,

POAONO, FEBERUARI, 25 1899.

------

HE MOOLELO WALOHIA

-;NO-

ALANADELA

-------

Ka Wahine Hoopahaohao o ka Aahu Keokeo.

-A I OLE-

Ka Loea Hookani Pila Hapa o ke Kulu Aumoe.

-------

            No ekolu po a me ekolu ao o keia naku hele ana ua mau hololio la iloko o na ululaau loloa, aia hoi, ua hoea aku la lakou ma kahi he umi mile ka mamao mai ka punana mai o na powa.

            A ma keia wahi hoi i kaohi mai ai o Magarita i kona lio, a haliu ae la kona alo ihope me ka waka ana ae o kona waha a pane aku la:

            E oʻu mau hoahele, ua hiki mai la kakou i kahi kupono no kakou e haawi aku ai i manawa hoomaha hope loa no ko kakou mau lio mamua o ke komo ana aku iloko o ke ehuehu o ka hooili kaua.

            Aole anei e hiki ia kakou ke nee hou aku i mau mile imua?  Wahi a Walata i ninau maiu ai.

            Aole, aole e loaa ia kakou he wahi kupono e hoomaha ai malaila, no ka mea, e holo mai ana na kiai ma ia mau wahi, a he mea maopopo aole e nele ko kakou loaa mai ia lakou.  Aka aia wale no nae ia ia oe, ina he manao paakiki no kou no ko kakou hele aku imua, alaila, e alakai ana no au me ka hopo ole iho i na poino e halawai mai ana ma ko kakou alahele.

            E hoomaha kakou maanei, wahi a Alanadela i hooho mai ai, no ka hookuu ana aku i manawa no ko kakou mau lio e hoomaha ai, oiai, ke hoomaopope nei au, aole i lawa kahi ikaika i koe no no ko kakou mau lio e ku paio aku ai me na lio o na powa.

            Ae, ua pono, wahi a na hololio e ae i hooho like mai ai, a oia no hoi ko lakou wa i lele like aku ai ilalo a haawi aku lka i manawa no ko lakou mau lio e hoomaha ai.

            Malalo o ka malumalu o na lipo lau nahele o ka waokele i noho iho ai lakou no ka paina ana iho i ko lakou aina awakea, ae me ke kali pu ana o ka uhi mai o ka pouli, a oia hoi ko lakou mau lio no ka pahu hopu o ka lakou huakai hele o ka alo ana mai o ka loa.

            A ua lilo hoi na hora a lakou e hoomaha ana i mea uluhua loa i ko Walata noonoo, no ka mea, aia kona akenui o ka uhi koke mai o ka po, no ka hele ana aku e paio me na enemi, a i kela a me keia manawa e ike ia akua ana oia e lolelole ana i kana pahikaua oi lua me ka puana ana ae.

            E kuu pahikaua punahele, ua ko koke mai na hora aʻu e hoohana aku ai ia oe, a maluna hoi ou koʻu manaolana hope loa.

            A i ka hala io ana aku o na kukuna malamalama o ka la ma kela aoao o ka poepoe honua, a lawe mai la hoi ka po i kona noho mana ana maluna o ka ilihonua.

            Oia koke na ka wa o Walata i hoeu aku ai i kona mau hoahele no ka hoomakaukau ana ia lakou iho no ka hoomau ana aku ma ka lakou huakai no ka home o na powa.

            Iloko o na minute pokole wale no, ua makaukau ae ia na mea a pau, a kau like ae la hoi lakou maluna o ko laou mau lio pakahi.

            A ia mau sekoua no, aia ua mau hololio la ke kuupau ia i ka holo o ko lakou mau lio iloko o ka pouli nui malalo o ke pailata ana a Magarita.

            Aka, no kekahi manawa pokole wale no nae keia kuupau ana aku o ua pailata nei i ka holo o kona lio, aia hoi, ua ikeia aku la oia i ke kaohi ino ana mai i kona lio me ke poha pu ana mai o kona leo me ka malie:

            E oʻu mau hoa, e kaohi mai i ka holo o ko oukou mau lio ano, no ka mea, ke lohe nei au he mau pahupahu kapuai wawae lio, aʻu e manaoio nei aole ia no kekahi poe malihini, aku, no na powa no ia o keia ululaau.

            E wehe ae i ka oukou mau pahikaua ano; a e paa hoi me ka makaukau no ka halawi ana aku me na enemi.

            He mea oiaio, ua kaohi mai la ua mau hololio nei i ko holo o ko lakou mau lio, a huila koke ae la hoi ka lakou mau pahikaua i ka lewa me ka makaukau i na sekona a pau e halawai aku me ko lakou mau enemi.

-------

LILO KA MOKUAHI COLUMBIA NO KA $1,500.

-------

            Ma ke awakea o ka Poalua nei i malamaia ai ke kuai kudala no ka mea koho kiekie i ka mokuahi Columbia e ka Ilamuku Baraunu.  O kona kumukuai i kau ia ai e ke aupuni ma kela mau pule aku nei he $20,000.  Ua hoomakaia ke koho e Harry Evans no ka $500, aka, ua haawi mai nae kekahi he $1,000.  Ua koho aku o Harry Evans no ka $1,500, a ma ia kumukuai i noho hamau ai na poe i akeakoa aku ai malaila, a lilo ae la ia Evans na moku la no ka $1,500.  O keia kumukuai i haawi ia ai no ka mokuahi Columbia, ua like ia me ka haawi wale ana, oiai, aia maluna ona he mau tona nauahu i hiki aku ko lakou waiwai io he mau haneri dala.  Ua olelo ae o Evans e wawahi aku ana oia i ka mokuahi Columbia, a kuai liihi aku iaia.

-------

            Ua hoala ia nei he hui hooku onoono no Kalihi-waena poe, malalo o ka nono puuku ana a Frank Harvey.

-------

PIOO KE KULANA NOHO MOI

-------

UPU IA E HOOKAHULI I KA NOHO MOI.

-------

Hopohopoia ke Ola o na Lahui o na Aina E ma Kina-Kauoha Awiwi ka Emepera Wahine e Hoakoakoa ae i Pualikoa Nui Hewahewa ma Shanhaikuan.

-------

            Tacoma, Feb, 9.  Ua lawe mai la ka mokuahi Emeperesa o Iapana he lono, aia he lehulehu wale o na kahuna katolika a maluna aku o 1000 mau kamaaina karistiano i hoea aku la i Ichang mai Chang Yang a me Lichuan aku, kali hoi i pau ai na luakini i ke puhi ia i ke ahi, a o na hale o na kamaaina Karistiano ua lele kaua ia aku me ka hoopoino ia.  O na poe o loko o keia haunaele, e lawe ana lakou he hue kipi, Yaimantze.  Maluna o ua hae la e kau ana he mau hua palapala penei:  E hoopio i na lahui e a pau, a e hoonee aku i ka ohana alii Tsing.

            Maloko o na apana o Szechuen a me Shansi, ua hoopuka ae na poe kipi Yumantze he uku makana o 120 taels no ke poo o kela a me keia kane o na lahui e i make, a he 100 ko na wahine me na keiki liilii.  Ua lilo keia uku makana i mea e hoohauoli ia ai na kipi, a ua hoopuka ae e luku aku no lakou i na lahui e a pau e loaa aku ana ia lakou.  A ua lilo hoi keia he mea e hookupilikii loa ana i ke ola o na misionari ma ke Kikowaena o Kina.  Ma Changlo, ua pepehi ia he kanaka karistiano.  ua hooweliweli pu ia me Ichang, aka he maluhia no nae keia kulanakauhale, mamuli o ka hoea ana aku o ka mokukaua Beritania Esk.

            He nui na pioo iwaena o na kanaka no na Karistiano e komo mai nei, a he mau kiai kai hoonoho ia ma na pa hale o ka hoomana Katolika.  ua lohe ia ae ua hoouna ia mai la he mokukaua pake no Ichang a ua kauona ae ke kiaaina no ka hoouna aku i kekahi mau haneri koa no kahi o ka pioo i hoea mai ai.  ua hoopuka pu ae ke kiaaina, na hoea mai na Karistiano mai na ohna maikai mai, a nolaila, e mShansi a me Szechuen ua hoea mai keia mau plikia mai ke Kolao Hui, he hui kukulo ia no ka hoaia ana ae ia Kina e kue aku i na lahui e a pau.  ua ulu hikiwawe ka ikaika o keia hui i kela makahiki aku nei, a ua olelo ae kekahi lala o ua hoi la, he hookahi hapakolu o ka lahui kanaka o Kina i komo aku iloko ona.  He hookahi alakai o ka Hui Kalao i makaukau me kekahi mau tsusani kanaka no ka nee ana aku i Pekina a i ole i kekahi wahi okoa aku no ka kipaku ana i ua lahui e.  Ua nei

-------

(E nana ma ka @.)

-------

KUAI HOEMI.  KUAI HOEMI1

-------

KUAI NUI O KEIA KENETURIA

-------

E hoomaka ana i keia Poakolu, Feb.1

HOOKAHI MAHINA WALE NO.

-------

O ke koena o na WAIWAI BANAKARUPA ke hookaawale ia aku ana, a no ka hooko ana aku e kaui hoopoho loa aku ana makou e like no me ko lakou kumkuai banakarupa i kuai ia ai.

-------

HALII MOE KEOKEO 10-4, 20 ken. o ka I-a mamua 35 ken.

HALII MOE LEPO NALO 10-4, 17 1-2 ken. no ka I-a mamua 30 ken.

UHI MOE LAULA NUI, 75 ken. mamua 1.50 pakahi.

TAWELE LAULA NUI, 75 ken. mamua 1.50 o ke kakini.

NA PERCALES NANI, 15 I-a i ke 1.00

NA KEOKEO PALULE, 25 I-a i ke 1.00

NA LEPO NALOLULE, 25 I-a i ke 1.00

-------

Na Papale i hoowehiwehi ia he 1.00 o ka mea hookahi, a pela pu me na Papale Sela paikini hou ke kuai ia nei ma ke kumukuai hoemi loa.

-------

He Heluna nui o na Pua, Hulu Manu a me na Lihilihi ma ke kumukuai haahaa loa.

-------

Eia pu me makou he heluna nui ona KALAKOA NANI no ke 30 I-a i ke 1.00.

-------

E HELE MAI E IKE NO OUKOU IHO I KEIA KUAI NUI.

L. B. KERR.

Honolulu Alanui Moiwahne