Ke Aloha Aina, Volume IV, Number 50, 10 December 1898 — Page 8

KE ALOHA AINA

 

KE ALOHA AINA,   POAONO,   DEKEMABA 10, 1898.

 

@E MOOLELO WALOHIA

NO KE

Keikialii Alabati

Ke Kaeaea o Pelekane

A ME KA

Ui Madelina.

Ke Kukui Uwila o Ainapo

 

Hoohenoia no KE ALOHA AINA

   O ke alahele o ka make e waela la al e ka kaua opio iloko o ke aiwa iwa a ka maka'u ole, ka mea hoi e hele la imua me ka aui hou ole mai ihope.

   He mea weliweli no ka maka a me ka ehaeha pu hoi o ka naau, ka ike ana aku ia hookahi kanaka e alo hookahi ana iwaena o ka pohai o kona mau enemi i hele ko@ ola a kau i ka a-i i na wa a pau.

   Oiai hoi oia e hele la no mua, i malae'ae ai hoi kahi a kona muu wahi hoaloha kakaikahi e hahai aku ai mahope ona,

   Oia no hoi ka wa i kaalo koke ae ai ka mahele koa malalo o kahi alii koa me ka puahi nui, a kamoe aku la no kahi a ka opio e na'i la no ke kau pono aku iluna o ke kiekiena mamua iho o ke alo o ke Kakela a na powa e hoomau mai nei i ka nee ana imua,

   O ka hooko ana o keia al@ikoa pahaahaa i ke kauoha a ka leo o ka o le, he hoike ia no kona wiwo ole a me ka hooko kauoha oiaio.

   A oia hoi ka kakou e ike la, e hahai ana me ka luku ana i na poe e pakele mai ana mai na lima aku o ka opio, a iloko wale no ka hapaha hora a oi, ua komo pono aku la lakou iloko o ke aluka a ko lakou mau uhane i ike ole ai mai ko lakou hanau ana mai.

   Oiai lakou e hakaka nei me ka weliweli, ia wa koke no lakou i iohe aku ai i ke kani alapine mai o kekahi leo o-le, a me he mea la, aia maloko ponoi o ke Kakela.

   Aole ia he mea na ko kaua manao e pahaohao ai, oiai, aole aku ia he mea okoa, aka, o ko lakou haku no ia Rokelika, i komo ia mei ma ke aiahele huna pouliuli, ana i kii ai e hoopakele i ke ola o ke keiki opio.

   He mea oiaio, ua haalele aku oia i kona lio ma kahi i maa mau i ke kukulu ana, a hele @wiwi mai la no ka hoopio ana i ke Kakela, mamua hoi o ka hiki ana i na poe oloko o ua Kakela la ke hoomakaukau, mamua o ka hiki aha mai o ko lakou hopena a lakou i ike ole ai.

   A oiai hoi, ua neoneo na kiai oloko o ke Kakela, a pela ino la oia i puhi ai i ke o-le no ka hoike ana mai @ kona mau hoa e nee aku no mua.

   A oiai hoi ka leo o-le e wawalo nei ma na wahi a pau o ke Kakela, nana i hooulu mai i na manao pioo iloko o na powa, a holo mai la lakou me ka hikiwawe loa, me ka manao e hoopau i ke kani ana o kona leo.

   O ka wiwo ole i loaa iloko e ka manao o keia kanaka, pela oia i ku hookahi mai ai imua o keia aluka e holo aku nei imua o kona aio.

   Me ka hooho leo nui ana mai na powa mai, hahau mai la lakou i ka lakou mau pahikaua maluna ona me ka manao, e oki pu ae i kona ola.

   Elike me ka ike kakapahi i loaa iaia, a me ka makaukau oniu koi kaua, nana i hoohaule aku i na powa ua pau na poo i ke ok@ia, a aia hoi ko lakou mau kino puanaanu e waiho ana iluna o ka ili o ka honua me ka mainoino.

   O ka ikemaka mai o na powa i na kino make o ko lakou poe hoa luhi e waiho mai la ko lakou mau kino, nano i hoohi ae i ka paila ana o ka inaina iloko o na puuwai o ua poe ilio omokoko la o ua Kakela la i piha me na hana manaonao a piha i ka weliweli.

   Na ka nui hewahewa o keia poe, a me ka loaa ole iaia he manawa e hoomaha ai nona, ma ke pale ana aku no kona oia.

   Aia hoi, iloko o kekahi kakele hahana ana ma na koi kaua, ua loaa mai la oia i kekahi hauna koi oolea loa, nana i kulai aku iaia @lalo, a waiho malie ua pau ka ike-

   O keia hoi ka manawa a ua poe powa nei i lele iho ai maluna ona, me ka noanao, e pepehi iaia a make loa.

   Oia no hoi ka wa kupolole loa a ka opio i hiki pono aku ai ma kahi a kona hoaloha e waiho oni ole la, mamuli o ka maule a hiki ole ke hoomaopopo i kana mea e hana ae ai no kona ola iho.

   O ka anai a me ke kulai pu ia ana o na mahele koa ma kahi a ka opio e holo aku nei, a na ia mea hoi i kaohi iho i ka iho ana aku o ka maka puanuanu o ka lakou mau pahikaua maluna o ke kino o kona hoaloha oiaio, ke kumu hoi o kona hookolo ana mai ma kahi o ka leo o ka o-le i poha aku ai.

   Oiai ka maka puanuanu o ka pahikaua a kekahi powa e kokoke iho ana he hapalua iniha wale no ke kaawale mai ke kaniai ae o kona hoaloha.

   A oiai hoi, aohe ona ike @e i keia mau mea e hana ia iho la maluna ona, oiai, mamuli o kela hauna koi oolea, i pau ai kona ike.

   Na ka puuluu u o keia poe powa i kahi hookahi, nana i kono mai i ka manao o ka opio, o kona wahi ia o ka hana.

   Iaia i hiki aku ai he anana hookahi ke kaawale mawaena ona me na powa, aia hoi, ua hoohikileleia kona puuwai, me ka piha pu i ke aloha, i kona ike ana aku i kona hoaloha Rokelika, e waiho lahalaha mai la iluna o ka honua me na palapu o ka ehaeha.

   Na keia mau hailona o ka pilikia ana i ikemake aku la, i pulumi aku ai oia i keia poe e ku mai nei mamua o kona aio.

   A mamua hoi o ka hooko ana iho o ka powa i kana a hailono weliweli maluna o Kokelika, a elike me ka anapu ana o ka uwila, pela oia i hoolele aku ai i kona lio imua, a ma ka aoao o ka powa i hili aku ai oia i kana pahikaua maluna pono o ka pulima, a lele ana ka peahi li@na i kahi e.

   A oia kona wa i pane aku ai imua o na powa, a me ke kanaka i lele aku la ka peahi lima, i ka pane ana aku ponei:

   I keia wa, ua make ko eukou haku powa, ka mea a oukou i noho hookauwa ai no na makahiki he lehulehu i hala ae nei.

   Aka, ua ike eukou me ka hoohewakewa ole, he poe kauwa kuapaa oukou i na wa a pau, a oia hoi ka'u e ninau aku nei la oukou i keia manawa, he makemake anei ko oukou i ka noho lanakil@, me ka hooluhi ole ia, a i oie i keia ano noho ana a oukou i maa ai ma ka luku a pepehi wale ana i na ola he lehulehu.

   Aohe leo hookahi i pae hou mai, mai ko lakou mau lehulehu mai, oiai na manao anoninoni e hoomakue la iloko o lakou pakahi, e hoolohe aku paha lakou i keia mau olelo a ka opio.

 

KA HALEKEAKA HOU.

   Ma ka la 10 o keia mahina e wehe mua loa ia ai na ipuka o ka hale keaka Orpheum malalo o ka hooponopono ana a Jim Post.

   He 25 a me 50 keneta ka uku komo ma na noho, ua hoea mua mai kekahi poe hana keaka ma ka mokuahi Copiti o ka Poakahi nei.  He 750 ka nui o na nohe o loko o keia hale keaka.

   No Desky keia hale, aka, ua lilo aku nae ka hoolimalima ana ia Tom King.  Eia ke hoonee mua ia la na hana me ka puahia nui mamuli o ke ake nui ia e paa koke.

 

HE KEENA@HOU!

I Piha i na Lako Hoonani Hale

EIA KE HOIKEIKEIA NEI

MA KA HALE MALUNA.

 

Na MOENA a me na PALE WAWAE Enelani me Geremania o na ano a pau.

Na UHI PAKAUKAU Tapestry me Chenille no na Pakaukau Aina a liilii.

NA PALE PAKU LIHILIHI, OUILA a me na Waiwai e ae.

Na UHI HOONANI HALE o ke ano Bagdad.

Na PALEILI KANE nani loa he 40 me 60 keneta.

MA KAHI O

B. F. Ehlers & Co.

(PAINAPA MA.)

            Alanui Papu, Honolulu.

 

HE KU AI HOEMI NO NA LA NUI.

E Hoomaka ana i ka Poaha, Dec. 1,

Na Papale Wahine Paikini Hou.

Hookahi Mahina wale No.

   O ka loaa ana mai nei no ia o keia mau PAPALE o na Wahine he mau i ike mua oleia ma Honolulu nei.  O keia mau Waiwai eia ke kuai hoemi loa ia nei.

   E haawi makana ia ana he Kii Bebe ma ke ahiahi mamua ih@ o ka Hape Nuia.  E loaa ana i kela a me keia mea e kuai ana he tikiki.

MISS M. E. KILLEAN.

ARLINGTON BLOCK.                    ALANUI HOTELE.

 

HALEKEAKA OHANA

THE ORPHEUM.

E hoomaka ana ka Hoikeike Nui

AHIAHI POAONO, DEC 10, 1898.

NA POE AKAMAI HANA KEAKA O KA PAPA EKAHI.

E himeni ia ana he mau Mele hou.

He mau Hulahula Ano Hou.

Na Hoomakeaka e ae.

   Eia na Noho Mua ke kuai ia nei ma ka Halekaa Balkikala Pacific Cycle & Co's.

   E hamama ana ka puka hora 7:30.

   Hoomaka ma ka hora 8:00.

   Na Noho Mu@  50 keneta; uku komo 25 keneta.

                        T. V. KING,

                                    LUNA NUI.

 

OLELO HOOLAHA.

   E ike auanei na kanaka a pau ke nana ma keia hoolaha.  Owau o Hook Sing (pake), no Honolulu, Oahu, Ko Hawaii Paeaina.  A ma keia ke hookohu aku nei au i kuu hoahanau (cousin) ia Yong Kit (pake) oia ko'u hope, mai ko'u wa e kaawale ana mai Ko Hawaii Paeaina aku no ka manawa.  Nolaila, ke haawi piha nei au i ka mana ia Yong Kit e malama i ko'u pono a pomai kai a pau ilokoo kuu Halekuai Liilii (retail license) e ku la ma ke kihi hema o Alanui Ema a me Vineyard, ma keia mua aku o Yong Kit ko'u hope, oia hookahi wale no ka mea mana ma ka hookaa a me ke kikoo ana i ka poe aie i ko'u halekuai.  A he mana ia Yong Kit ke hoopii ma ke kanawai i ka poe e kue mai ana i ko u mau pono a pau.

   No ka oiaio o keia ke kau nei au i ko'u inoa ma keia la 1 o Novemaba, M. H. 1898.

                                    HOOK SING.

                              nov 10-1m