Ke Aloha Aina, Volume IV, Number 50, 10 December 1898 — Page 3

KE ALOHA AINA

 

Ke Aloha Aina, Poaono, Dekemaba 10, 1898

 

Pela Io Ka Hoi.

            Ua hoike aku makou ma ka Pokahi nei i ka palapala hoopii a n@ limahana Hawaii o ka Hale Hana Hao Ulakohelo, a aole hoie he hookahi haole iloko oia palapala hoopii, e kaua aku ana i na Luna Nui o ka lakou hale hana, ma na kumu i hoike ia maloko o ka lakou palapala hoopii, a ua hooomaopopo no paha ka lehulehu ia mea, oia hoi mamuli o ka oi loa ae o ka lakou uku hana mamua o ko na Hawaii maoli, pela iho la i komo pu ole ai na paahana ilikeokeo iloko o keia aluka o ka poe i hoopilikia ia.

            E hoomaopopoia iho, ma na wahi a pau i komo like ai na paahana ilikeokeo mawaho ae o na paahana maoli i kepaia malalo o na aelike, aole loa i kulike ko iakou mau uku la, ulu pule a me mahina paha, elike me kona Hawaii maoli; ka poe no hoi a makou e olelo nei, ua oi loa aku no kekahi poe ike hana Hawaii mamua o keia poa, aka, aole nei lakou i ae ia e hookaulike pu ae me ko na ilikeokeo, he mea hoehaeha ia i ko lakou naau, a malalo oia kumu i hono iho ai kekahi poe ikoe hana malalo o na haku haole a hiki i keia la.

            He mea nae hoi na makou i mahalo ai ke ala ana ae o na manaoio hana iloko o kekahi poe kanaka Hawaii opio, e kukulu i mau hale hana ponoi no lakoo iho, me ka hoao maoli ana e hoohalike me ko ka haole, a oia ka makeole hauoli loa nei, i ka ike ana aku ia poe, e hana ana me ka hooikaika pu hoi, e loaa ka noho ana kuonoono, a e lanakila hoi maluna o ka noho hoo pili wale ana aku malalo o na haole i ole ai hoi e lilo i mea hoounauna wale ia e ka haole.

            Ke haawi nei makou i na mahalo kiekie ana ia Ben Haaheo, kekahi o na Hawaii ponoi, e malama nei i kekahi mau paahana Hawaii malalo o kona malu, me ka hooikaika ana e loaa ka noho ana kuoonoo maluna o ka ilihune, a oia hoi ka makou e kono aku nei i na poe Hawaii limahana ike a pau e ku ae lakou me ka mannoio hana, a me ka luhi o ko lakou mau lae a lakou i hana ai malalo o na haku a lakou i paahana ai, e kukuu i mau hale hana ponoi iho no lakou, ka mea e palekana ai mai ka noho ana aku malalo o hai.

            E pane kikoola mai ana kekahi poe ia makou, o ka hemahema a me ka nele, oia ke kumu o ka hoomau ana i ka hana malalo o hai. Pela io no paha, Aka, ina nae he manao io kou no ia mea, me ke pale ana ae i olelo waiwai olo, ulaila, ke manao ne makou e lanakila ana no oia maluna o na hookuia he lehulehu wale. O ke kumu no hoi o ko makou kamailio ana i keia, oia no ka ulu ana ae nei o keia hana hoohaiki a na haku hana ilikeokeo o kekahi hale hana kahiko loa nona ka inoa poioa ole iloko o ke lehelehe o na Hawaii Ponoi, oia hoi o Ulakoheo.

            Eia no kekahi poe Hawaii i ike i ka oihana pena hale, amara a pela aku, ke noho nei me ko lakou ike a makaukau i huna ia malalo o ke po'i, a nolaila ke kumu o ko lakou pouli loa, a o ka mea li loa aku no paha, oia ko lakou uku pono ole i na limahana, ike kumu i hoowaha waha @ ia @ai o na haku hana Hawaii.

            @ulaila @ hahai ma ka meheu o kela hoa Hawaii o kakou, a lawelawe nei me kona mau paahana me ka hilinai @n, a ina pela na Hawaii a pau e hoohalike ai, alaila he mea maopopo loa, e holo ana na hana na hana oia ano iloko o na lima o na Hawaii a he hooi@ana aku hoi i ka ilihune a hele hana o kekahi poe Hawaii e noho mai nei iloko o ke kulanakauhale nei.

 

Aole I Ae Ia E Lele Mai.

            Mawaena o na pake he 20 a lka mokuahi Pekina i lawe mai nei no keia awa he 12 o lakou i hoole ia aku ko lakou lele ana mai iuka nei o ka aina e Agena Kuikawa o na Pake Baraunu, oiai, no nae he mau palapala ae ko lakou mai ke aupuni Hawaii ne. Aka, aole nae i lawa na kumu e hoakaka ana i ko lakou kuleana o ka ho@hou ana mai elike me na kuhikuhi a ke kanawai o Amerika.

            O keia poe pake i hoi hou mai la no Hawaii a na kanawai o Amerika  Huipuia e keakea aku nei, ua loihikou lakou noho ana maanei, a ua nana iho hoi i keia mau Paemoku ma ke ano he home no lakou, a o ko lakou hoi hou ana aku no ko lakou wahi i hele mai ai, e lilo ana ia i mea hookaumaha la ai o ko lakou mau manao.

            O na kanawai no na pake e hoi hou mai ana i Hawaii, oia no keia: O na limahana wale no kaie ae ia ma he $1000 me ke dala, a i ole maka waiwai paa e waiho ana me keia wai i hiki aku ka waiwai io i kela huina, a i ole he makua keiki a i ole wahine mare paha. O ka manawa wale no i ae ia maloko o hookahi makahiki. Ma hope nae o ka apono ana o ke keena ma Wasinetona, ka Luna Dute Nui McStocker a me Agena Kuikawa Baraunu. No na wahine e ae ia no lakou e hoi mai i na he mau kane ka lakou maanei. A ua kapu ke komo ana aku o na Pake mai Hawaii aku nei no Amerika.

            Maanei e hoomaopo iho ai kakou i na hoopilikia a Amerika i keia lahui, ka hopena hoi o ka hoohuiaina i lawe mai la. Ua waiho aku kekahi o keia poe Pake i ka lakou hoopii i ke aupuni Hawaii no ka noo noo ia aku o ko lakou mau pono.

 

            Ua hala aku la ka mokukaua Pilidelapia no A@pul@ ma ka la 22 Novemaha.

 

Nuhou Kuloko

            Eia ke kuai hoemi ia mai na papale ma ka halekuai o Isosima.

            He mau laikini awa kai kuaiia ae ma ka Poalima nei, a ua pau loa ae no i ka lilo ia C.K.Ai.

            Ua weheia ae he ha e kuai hia a me waina, ma ke alanui Pali o Nuuanu, a E. Franca.

            Mai poina i ke kuai hoemi nui o na papale ma ka halekuai o Murata a hoomaka ana ka keia Poaono iho he emi loa na me i a pau.

            E hoohui ia aku ana ma ka beri ta haahia a ka mare o Miss Eva Paka a me Frank Brooks, ma Mana, Hawaii, me keia mua iho.

            He 131 ohua oneki i hoea ma maluna o ka Pekina, a mawaena oia poe he 20 pake, he 10 i ae ia e lele mai i uka nei, a he 4 i hoole ia.

            He hookahi luina o ka mokupea pauahi e waiho nei maloko o ka haukipila. Ua loaa oia i ka ma'i i ka wa o lakou i haalele aku ai i ka moku.

            Maluna o ka mokupea C.D. Bryant i hoi aku ai ke Kapena o luna o ka mokupea poio W.H. Starbuck me kona ohana no Kapalakiko.

            Ua nui na poe i hoea ae ma ka ahamele i haawiia no ka uku ana i na hoolilo o ka piano i hoouna ia aku no Panahi Homo, ma ka po Poaluna nei.

            Ua lilo ae nei ka mokuahi Mazama o ka Hui o Poka ma, malalo o ka Hie Hwaii, a ua kapaia aku kona inoa o Kilohana, a oia kona inoa ma keia mua aku.

            I ka Poaono ae nei e hiki loa aku ai ke alahao kaaahi e hoo moe ia nei i Kahuku, aka, he mau hooponopono liilii nae kekahi e hana ia aku ana i na uwapo.

            Maluna o ka mokuahi Alameda i huli hoi aku no Amerika Huapuia, he eha mahe o na koa Nu Ioka, ua hoea ae ka bana aupuni makai o ka uwapo no ka hoolealea ana i lakou.

            Ua hooholo ae ka Aha Kuhina mamuli o ka haule ana o ka la Karisimaka a me ka Hape Nuia ma ka La Pule e hoolilo ia ka Poakahi Dekemaba 26, a me ka Poakahi, Ianuari 2, i mau la kulaia aupuni.

            Aia ma kekahi mau wahi o Amerika Akau e ikeia nei o kekahi ano naonao i ka waele ana aku i na mauu e kokoke ana i ko lakou mau punana, me ke kanu ana i kekahi ano nahelhele i kapaia he raiki naonao "ant rice," i ka manawa e oo ai o ku hua o keia ano mauu, ua ikeia aku lakou e ohi ana me ka hoahu ana me kekahi wahi kupouo no ka malama ana i ai no ka wa hooilo.

            Eia ma ke Keena nei o ka nupepa Ke Aloha Aina he pine niho puaa, kaekae wai gula, i loaa ma ke kakahiaka la Sabati nei, Dekemaba 4, mawaena o ke Alanui Papu me Beritania. E loaa no i ka mea nona keia pine, ke hele mai oia me na hooiaio, ka uku hoolaha, a me ka luhi o ka malama ana. E wiki, o hala e na la he 15, lilo loa i ka mea i loaa ai. dect 3tsd.

            Ua haalele mai la i keia ola ana ko makou makamaka D.M. Punini, i noho loihi ma ka oihana pai palapala i na la i aui aku la, mauka o Kauluwela, ma ka hora 7 o ka po Poaha nei, mahope o kona kaa @mai loihi ana. He lono oiaio keia i laweia mai ia makou e kekahi mea i kipa aku e ike i kona kino make. Aloha no ia Aloha Aina i hala aku la.

 

Kuai Hoopau Loa!!

 

Na Waiwai Like Ole A Pau

Hapalua O Ke Kumukuai Ma Kahio

L.B. Herr

Alanui Moiwahine.

 

E hele koke mai, aole e ike hou ia nei kuai hoemi nui.

 

Na Kii Bebe me na Kii Paani ona ano Like Ole ua hoemi ia he hapa o ko lakou kumukuai.

 

Lole Kii Bebe 25 Keneta.

Na Lole Aahu Hou ua hoemiia ko lakou kumukuai.

Kalakoa Hou 30 l-a 1.00.

Mikilima 75 ken. o ka Paa.

Lihilihi Hou 12 l-1 25 ken.

Papale Nani O Na Wahine he emi loa ke kumukuai.

 

Ua Kuai Aku Makou I Na WiWai O Ka Hui Halekuai Kimmo, Ma Ladana, Eia Ke Kuai Hoemi Nui Nei Ma Ke Kumukuai I Ike Mua Oleia E Nei Mauiimokupuni.

 

L.B. Kerr,

Honolulu, Alanui Moiwahine.