Ke Aloha Aina, Volume III, Number 35, 28 August 1897 — Page 1

KE ALOHA AINA

 

Ke Aloha Aina

HILO BAY, HAWAII

UA MAU KE EA O KA AINA I KA PONO

HOOKUMUIA I MEI 20, 1895

 

BUKE III         HONOLULU  POAONO, AUGATE  28   1897.         HELU  35

 

KE  ALOHA  AINA

    E hooopuka mau ia aku ana mai ka Poakahi a ka Poalima o na pule a pau o kela me keia mahina.

    Ka Uku Pepa, he 20 keneta o ka pule. No ke kope hookahi, he 5 keneta.

    E loaa no ka pepa mai ke Keena aku o KE ALOHA AINA, a mai ka lima aku o na Luna Lawe Pepa.

    E pai ia no na Olelo Hoolaha, na Kanikau me na Mele Inoa, me ke Dala kuike. Aole nupepa ma'ka owili pakahi e hoounaia ke ole e hookaa mua ia ka uku pepa.

    E hoouna pololei mai i na Nuhou na Kumumanao, na Olelo Hoola ha, na Kanikau a me na Mele Inoa i ka Lunahooponopono o keia Pepa.

    Aole loa e hoopukaia a hoolahaia kekahi manao ma na kolamu o k@a Pepa, malalo o kekahi inoa kapakapa ke ole e hoike mai i ka Lunahooponopono i kona inoa ponoi.

Ka Nupepa Puka Pule

E - ALOHA . AINA

Hookahi Makahiki . . . . . . . . . . $2.00

Eono Mahina . . . . . . . . . . . . . .    1.00

Ekolu mahina. . . . . . . . . . . . . .      .50

Hookahi Mahina  . . . . . . . . . . .     .20

EMMA  A.   NAWAHI

Puukulo

E  ALOHA - AINA

EDWARD L. LIKE

Lunahooponopono  a  Hope  Puuku

S. P. KANOA.

Hope Lunahooponopono

    O na kauoha Nupepa me na hookaa Dala, e hoouna pololei mai i ka Puuku ma Honolulu

 

NUHOU  KUWAHO.

 

  Ma ke ku ana mai nei a ka mokuahi Auseeteralia i lo@a mai ai ia makou na nu hou makamaka hou loa, a no ka pomaikai hoi o ko makou poe heluhelu, ke hoopuka aku nei makou me ka hakalia ole penei:

LAWE'IA  HE  KULANAKAU@ALE E

NA  POE  KIPI.

  Nu Ioka, Aug. 12. Ua olelo ae ka nupepa La o Havana O Kenerala Calinio, ua loaa ia la he lanakila nui maluna o  na pualikoa Sepania ma ke taona o Santa Resaha, 'e kokoke ana i Gibara, iloko o ka apana aina o Santiago de Cuba. Ua hoo puiwaia ke kulanakauhale holookoa e na pualikoa kipi, oiai ka hapanui o na aliikoa Sepania e lealea ana iloke o kekahi aha hulahula.

  Iloko o ka lealea nui e malamaia ana iloko o ka hale, ua hoopuni ia ae la oia e na kipi a lele kaua kue ia mai la me ka hakalia ole, a o na aliikoa kakaikahi e ku kiai ana i ka pa kaua, ua haawi pio ia mai lakou O kekahi mau koa i pakele mai mai ka pa kaua mai, ua holo mai lakou e hoike i na aliikoa e hulahula ana, a i ko lakou wa i holo aku ai no waho, aka, ua hala loa ka wa kupono.

  Ua hoea mai na poe Cuba me na pahikaua ma ko lakou mau lima a kipaku aku la ia lakou e hoi hou iloko o ka rumi hulahula. Ua nui na wahine i maule iho, a o kekahi poe hoi e uwe kuwo ana.

  Ua hoomaka koke kekahi hakaka hahana, a ma ia hakaka oa make iho la he hookahi kapena, elua letanela a me kanakolu koa i hoopuni ae hoi i ko lakou mau aliikoa me ka manao e hoopakele ae ia lakou. Iloko o keia hakaka, ua lele hewa aku la kekahi poka pu a ku aku la kekahi wahine a make iho la hoi i ka wa pokole.

  He 14 mau Sepania i holo mai, mai na wahi like ole mai o ke kulanakauhale no ke kokua ana i ke lakou mau hoa kanaka, i komo aku iloko o ka hale mahope o na poe Cuba, aka, ua hoea koke mai kekahi pualikoa kipi a pepehi iho la ia lakou a pau he 14.

  Ua haawi pio aku na aliikoa Sepania, a ua lawe ia aku lakou he mau paahao e Kenerala Colixto Garsia. ua haule pio iho ke kulanakauhale holookoa iloko o ka lima o ua kipi me ka hiki ole ke hoopakele ae. He lehulehu ua Sepania i hoike ae i ka hoohemahema o ko lakou mau aliikoa, ua loaa aku kekahi poe ma na alanui ua pau i ka ona, a o kekahi poe ua pihoihoi loa, a haawi pio koke mai la no me ka hoao ole e holo iloko o ka papu Ua puhi ia ke kulanakauhale holooka i ke ahi e na kipi me ka hookoe ana iho he ekolu hale. alaila haalele iho la lakou.

  Ma na hora hope i lohe ia mai nei, ua make o Kenerala Molina ma kekahi hoouka kaua ana me na poe kipi ma keka hi wahi kokoke i Cardenas.

 

MAKE  O  KUHINA  NUI  CANOVAS

O  SEPANIA.

 

KIPU  IA  E  KEKAHI  POWA.

  Madarida, Sepania, Augate 8. O Senor Canovas del Castillo, ke Kuhina Nui o Sepania ua pepehi malu ia oia i keia la ma Santa Agueda e kekahi kanaka powa  Ua ki aku ka powa he ekolu manawa, he elua poka i ku a u ai ke Kuhina Nui he hookahi ma ka lae a he hookahi ma ka umauma.

  No elua hora o ka waiho ana iloko o ka ehaeha, a make aku la oia i ka hora 3 o ka auina la. Aole i kaawale loa aku kana wahine mai iaia aku i kona wa i kina ai.

  Ua hopu koke ia no ke kanaka powa. He kanaka Napolitana oia, a ua hoike mai hoi o Rinaldi, aka, ua manaoia o kona inoa maoli o Michael Angino Glli.

  Ua olelo ae ke kanaka powa ua pepehi oia ia Capoy@s no ka hooko ana i kekahi uku hoopai pololei maluna ona. Ua manao wale ia, ua hoea mai keia hana mai kekahi ohumu mai. Ua manaoia, ua hoea mai no oia i Santa Agueda i ka la hookahi no me ke Kuhina Nui. Ua ike mau ia oia e holoholo ana ma loko o na ala liilii o ka hale auau me ka hoohuoi ia,

HE  MEA  PAHAOHAO  ILUNA  O  KA

LEWA

  Vanekoua, B.C. Aug. 12. He mea nui pahaohao i like me ka @anaina o ke siga i hoomalamalama ia ma kahi haahaa o ka lewa, ua ike ia ma na kapakai a me loko o ka aina ma ka mokupuni o Vanekoua, British Columbia. I kekahi wa, e ike ia aku ana he malamalama olinolino iwaenakonu o kela mea kino malamalama e kau ana liuna o ka lewa. Aole he mea i hiki ke hoike pololei mai i ke ano o keia mea hoopahaohao. He mau tausani o na kanaka i ike inia, a na kohokoho ae hoi lakou, he moku ea aka, o ka mea apiki nae, aole oia i iho mai ila to no ka hoolako ana inia i kona mau hemahema, a ina he moku ea io eia, aole e hiki iaia ke noho paa ma ia wahi no kekahi mau pule.

  Ke koho nei kekahi poe, he aka oia no kekahi ululaau nui e a ia ana e ke ahi he mau haneri mile ke kaawale, mailaila aku Aka, he hookahi nae mea nana i hookanalua mai i keia mali kohokoho ana, oia hoi, ala iwa enakonu o kela mea malamalama i like me ke ano o ke siga kekahi mea olinolino i like me kekahi hoku ulaula. I kekahi manawa hoi, e ike ia aku no ka oili mai o na huna ahi. O wa enakonu aole i like me ka hoku welowelo, a eia loa mai no hoi keia ilalo loa mai o na hoku a ke nee malie la no waho o ka moana.

  He lehulehu na wahi i ike ia ai o keia mea kupanaha, a ua ike ia ma kekahi mau wahi o ka mokuaina o Wasinetona, Maluna o ka mokuahi Rithet ma ka po nei, mai Vitoria mai e holo ana no New Westminister, ua ike na ohua a pau he 100 ka nui, i ike i keia mea kupanaha, a ua hoike mai no hoi lakou e like me ka mea i hoike ia ae nei.

KE  KUMU  I  MAKE  AI  O  DANOVAS.

  Madaria, Aug. 9. O Golli@ ke kanaka powa mana i lawe i ke ola o Kuhina Nui C@vas del Castillo, ma ka la   inehinei, ma ka hale auau o Santa Agoeda, ua ae oia i kona hewa, a ua olelo ae oia i pepehi oia ia Senor Canovas he uku hoopai no na poe powa Barcelona a me ke alakai o na poe kipi Don Jose Rizal, i pepehi ia a make ma Manila, Pilipina Ailana, ma ka la 30 o Dekemaba i hala, ma ke ano nana i hookokonokono i ka haunaele ina Pilipina. Ua hoole aku o Kauka Ri@al. aole oia he alakai no na poe kipi, aka, ua ae aku oia nana i hapai ae i na kanawai o ka Hui Pilipine.

MAKE  KA  MEIA  O  SALINAS.

  Salinas, Aug. 1@, Ua loaa aku o Thomas Hrrris, ka Meia o Salinas, i keia auina la hora 3 iluna o kona wahi moe ua make. iloko oia o kona ola kino maikai a hiki i kona hoi ana e moe i ka hora 10 o ka ponei.

  Aole wahi mea i lohe ia a i ikeia nona a hiki i kela auina la, i ka wa a ka Luna Ohi o ke kulanakauhale nei i hele aku ai i kona hale noho no ke kakauinoa ana mai i kekahi palapala laikini, a ia wa i loaa aku ai oia alike me na mea i hoikeia ae nei. He ma'i puuwai kona kumu i make ai.

  Ua hapa ae na hae o ma hale aupuni. O ka elua kei o kona manawa i noho ai i Meia, a ua ike nui ia hoi oia. O Ladana kona aina hanau, a he 44 ka nui o kona mau makahiki. Ua haalele iho oia he wahine.

LI  IA  HE  KIU  E  NA  POE  CUBA

  Jacksonvilie (Fla), Aug. 12. He lono kai hoea mai nei mai Ki Komohana mai Havana mai e olelo ana, Miguel Besta he kiu no na Sepania, ua lila mai nei ia me ka hookolokolo ole ia e Baldemere Aoesta, he alakai no na poe Cuba. Ua  hoohana i@ O Besta e Weyler no ke kipa ana aku ma kahi hoomoana o Acosta a lawe ae i kona oia. Ua hala e aku nae  na mea hou o kana misiona mamua ona, a i kona wa i hoea aku ai i kahi hoomoana, ua kauoha koke ia ae la no ka lawe ana aku i kona ole. O Besta he moolelo puni kiko kona a he akamai loa hoi ma ka hoemakakiu ana, a ua nui hoi na poe Cuba i hoopaahao ia, a pepehiia ina kana kauoha.

HOOPIHOIHOILA  O  TUREKE.

  Konatinepela Aug. 16. Ua loaa aku he mau pepa hahau e ke ano Roma e kau ana ma na paia o na Hale Oihana @ kauoha ana e hoololiia na lawelawe ana o ke aupuni, o ka Emepaea o Tureke. A ua olelo ia ma ua pepa hahau la a i ole pela alaila. e kahe ana ke koko. e like me ka lukuia ana o ka poe Ameria.

  Ua hoouna aku ke Kuhina he kauoha i na alakai Tureke a pau, e k@ipono i na aliikoa malalo iho o lakou. Ua ulu maikeia mamuli o na ma@ao oluolu o kekahi poe i keia aupuni e ku nei.

 

  Ua waiho ia @lo la ka hihia aihoe me @e degere ekau o Ka@kea ne keia kau kiore hou aku he kanaka hoi nana i lawe na $410 ma, ka pah@ he@ aau i hana o ko M@