Ke Aloha Aina, Volume II, Number 5, 1 February 1896 — Page 1

KE ALOHA AINA

 

 

HILO BAY, HAWAII

UA MAU KE EA O KA AINA I KA PONO

HOOKUMUIA I MEI 20.1895

JOSEPH NAWAHI                                                                        EDWARD L LIKE

LUNAHOOPUKA A PUUKU.                                                           HOPE PUUKU.

 

HONOLULU POAONO, FEBERUARI 1, 1896          HELU 5

 

@AINA

@

@

 

@AINA

@ ……..$2.00

@...........  1.00

@...........     50

@...........     40

 

NAWAHI

@

L. LIKE

@ hookaa

@ mai i ka

@Honolulu.

@ Aia ma ke

@ Joseph Nawahi,

@ Hale @kapa o

@ ke kihi a na Alanui @ Honolulu.

---

 

Na Palapala

 

          Aole e ili maluna o makou ke koikoi o na hewa ana no keia mau manao i hoopukaia malalo o keia poo, aka, e ili no ia maluna o na poe na lakou i kakou mai.

 

@Lahui Hawaii Mai.

@HAWAII I KA MOLE

@HEWA.

 

@ makou kau

@hookipa, i

@i ka makou lahui

@ma keia aina

@kamaaina o ke

 

@ poo manao e kau

@ na mea i kakau ia malalo iho nei. Oiai kela makee waiwai e lapuu ana iloko o W. Aylett i ka koo ia e J. Wilson.

          Ua loaa iho la ia makou na haawina ehaeha o ka popilikia ma na ano a pau, aka, me ia haawina ehaeha e aiai mai ana mamua o ke makee alahe’e, ua wehe hamama mai la ke aloha o ke Akua i ka ipuka o ka lanakila, no ka pono, a me ka holomua o ka makou hana ma keia aina malihini.

          Ua haalele aku makou ia W. Aylett i ka la 23 o Dec. i hala i ke kulanakauhale o Cleveland no ke kulanakauhale o Masillon, oia me na ohe a makou, a me ko makou mau wahi paiki lole, me ko makou kaa i hoolimalima ia ai no eono mahina, mamuli o ka hoomalu ia e ke kanawai no ko makou aie iaia, a me ka mea nana ke kaa.

          A hele mai la makou me kahi paa lole hookahi i ke kino, he aneane ekolu pule ka paa ana o nei paa lole i ko makou kino, a aole no hoi, e hiki ia makou ke hoike aku ia oe i ka nui o ka lepo a me ka pelapela o ko makou mau wahi aahu e aahu nei, he mea hoi i ke ole ia ma ko makou aina hanau.

          I ka la makou i haalele aku ai i ke kulanakauhale o Cleveland, Ohio, a oiai hoi makou ma ke ‚depot’, ua nalo wale iho la o Mekia Kealakai, ko makou puhiohe @, a huli aku la ko makou lunahoohana nui iaia, aole oia i loaa, a hala wale mai la makou maluna o ke kaa no ke kulanakauhale o Masillon, Ohio.

          Noho aku la ko makou luna no ka huli ana ia Mekia Kealakai, ua loaa aku oia e noho pu ana me J. H. Wilson ma.

          A penei kahi moolelo e pili ana nona ma kela po hope loa a makou i paa ai ma ka hale paikau, ma ke kulanakauhale o Cleveland, ua hoi mai la o J. Wilson a me Mekia Kealakai pu. A ma ia mau kaina wawae a laua e hele nei, ua komo iho la ka, uhane diabolo iloko o J. Wilson e hoohulihuli ana i ko Mekia Kealakai manao e noho pu me lakou, aole hoi e lehe pu me makou. A oiai hoi oia kekahi kakou ikaika no ka pono o ka puali, a i mea paha hoi e haule ino ai ko makou aoao. Ua ae io aku la no oia ia manao lapuwale, a kipi maopopo maoli hoi i ka lahui Hawaii ponoi.

          Ua olelo mai o C. Palikapu ia makou, ua olelo ia mai oia me Daniela Kaleikoa e noho pu me lakou, aole hoi e hele pu me makou, a na J. Wilson e imi i lakou i Chicago, ua hoike mai oia i keia ia makou ma ke City o Masillon.

          He oiaio, ua imi keia mau kanaka kipi i mea e kauliilii ai makou ma o a maanei, a e auwana hoi ma keia aina malini, aka, na ke aloha o ke Akua i kiai mai ia makou, a i hookuikahi hoi i ko makou mau Lunaikehala i hookahi puuwai, no ka pono o ka aina hanau ka inoa aala o ka lahui Hawaii, a me ka lanakila o ka Nohoalii no ka wa pau ole.

          E hoomanao ia hoi, i ka wa i kahuli ai ko kakou aina aloha ua kuikahi like iho ia ka manao o keia puali e waiho aku i na pono a pau o na ohe ma ka poholima o ke Aupuni hou, a ma ia waiho ana o na keiki i kela mau wahi ohua palemo, a ua koe mai ka hapanui o na keiki a hiki iho la i keia kulanakai hale.

          A i ka loaa ana iho la o keia haawina hoomakuahana i keia aina, ua kuikahi hou ae la no na keiki no ka waiho aku i na ohe ma ka lima o W. Aylett, ke kumu a me ka mole o ke kipi, a me ka pepehi i ka lahui Hawaii.

          Aka, me ia mau haawina ehaeha i ili mai maluna o makou, aole i haalele ke aloha o ke Akua ia makou.

          Oiai makou ma ke kulanakauhale o Masillon, ua hookomo iho la ke aloha o ke Akua iloko o ka puuwai o na kanaka o keia kulanakauhale, a e ike ana ka lahui i na mea manawalea ia mai ia mai na kamaaina mai o keia kulanakauhale.

          Ua holo pu mai makou me na ohe hou mai ia Prof. Liberati mai, a mamuli o ko Mekia haalele ana mai, ia makou, ua loaa he kumu kanalua ma ko Liberati aoao i ka haawi ana mai i na ohe hou ia makou, a malia paha o mahuka hou aku kekahi o makou ma keia hope aku, he mea hoi kela e poho ai kela puuwai lokomaikai ma ona ohe la.

          Nolaila, ua noho wale iho la no makou ia la me ka hana ole, a mamuli o ke aloha o na kanaka o keia kulanakauhale. A oiai no hoi he bana puhi ohe no ko onei, ua haawi mai la lakou ia makou e paanei ai, no ka manawa a hiki i ka loaa ana o ka makou mau ohe ponoi.

          A oiai ko makou waihona i ko makou puuku Joe Aea, he lawa no na la elua wale no, me ka ai pakiko ana.

          A oiai no hoi, aohe o makou kaa moe i keia wahi a makou e hana nei, noleila, ua haawi mai la ka ona nona ka halekeaka i wahi no makou e hia moe ai, a me na kapuahi hoopumehana ma kela a me keia rumi pakahi, a ua haawi pu mai la hoi kekahi mau kamaaina he mau galani supa na makou e ai ai, me ka lulu ana i kekahi mau dala no ka pono o ka makou huakai hele no kekahi wahi hou aku, a e ike ana na ka lahui i na mea e pili ana i keia mea maloko o ka nupepa o keia kulanakauhale, a me ka makou manao hoomaikai, i na kanaka o keia kulanakauhale.

          A e like me ka nui o na ino i hanaia ia mai maluna o makou e ko makou ia ponoi, pela no ka nui o ke Akua aloha i ka malama ana ia makou.

          A ke hoomaikai ae nei makou i ko ke Akua lokomaikei palena ole ia makou, he oiaio me keia mau ohe a makou e paani nei, ua loaa no ia makou na pomaikai, a ke ike makou i na hua ohaha o ka pomaikai mai keia mau ohe mai.

          Aole no he kani maikai e like me ka makou mau ohe mua, aka, e aho ia ma mua o ka nele i kahi o ole e mahi aku ai i loaa mai ai he ola o keia aina malihini, aole hoi i ka aina hanau, loaa no kahi lau-uwala i ka hale makamaka hala no ka la pololi. Aka, i ike ia ai ko ke Akua nani pela i loaa mai ai he palekana mai keia mau haawina popilikia.

          He mau la helu wale no koe mai keia la aku a makou e kakau aku nei i keia leta ia oukou, e loaa mai ai ka makou mau ohe dala hou, mai ka hui mai o Lyon & Healey o Kikako, nona na dala $1145. A ke loaa mai ia makou, e hoike aku ana no makou ia oukou.

          I ko makou la i haalele aku ai i ke kulanakauhale o Cleveland no Masillon ua haalele pu iho la o Aylett ia laila no Kapalakiko, a ua ku aku la paha i o oukou la.

          A ona ohe ana, e pau ana paha i ke kudala ia nona dala, aole e oi aku maluna o ka elua a ekolu paha haneri pela mai na kamaaina olaila ia makou.

          E ili aku no keia mau kiko eleele o kana mau hana aloha ole maluna ona, aohe mea nana e hoomaemae no ka wa pau ole: He kipi a he pepehi lahui.

          O ke kumu nui nana i hoala mai i nei haawina maluna o makou, oia no ka makee waiwai alunu pakaha hilahila ole o W. Aylett, mamuli o ka hooholo like ana o na keiki ma o ko lakou Papa Hooko la, e haawi aku i kela mau dala he 70 i ka lakou kumu, Prof. Libornio.

          Ua lilo iho la ia i mea e inoino ai ko W. Aylett a me Wilson noonoo, a me ia mau noonoo uluku i ka puuwai eleele o nei mau uhane a ke Akua i hana mai. Ua ohumu iho la laua e hana i nei hana hoomakuahana ia makou.

          A i ke ku io ana ae la o ka hana ino i ke akea, ua hoopii koke mai la laua ma ke koi aie ana ia makou, imua o ka Aha Kanawai o ke kulanakauhale o Cleveland me ka hoouluulu ana i kele a me keia pilikia e poino ai makou. Aua hoi kekahi i na ohe a me na wahi paiki lole o makou, a aua hoi kekahi i ke kaa ko makou hale e noho ai o kela a me keia wahi a makou e hana ai, ma ke ano he aie no makou.

          O keia mau mea i ohumu ia no ko makou poino a makuahana hoi, aole loa i ae mai ke Akua. A na keia mua iho, e hoike mai i ka pono a me ka holomua o ka makou hana ma keia aina malihini.

          Ina no aole o W. Aylett a me Mekia Kealakai pu kekahi me makou, ua hiki loa ia makou ke hapai i ka hanohano o ka lahui Hawaii, ma o ko ke Akua lokomaikai wale mai, aole wale no ka makou mau hana maikai ana, aka, no Kona aloha wale mai.

          Ke puapuai mai nei ia makou na lono, no na kokua aloha e hoea mai ana imua o ko makou alo.

          E loaa wale ana ko makou kaa moe, mai ka lokomaikai mai o kekahi mau kamaaina Amerika.

          A me keia mau lono hoohauoli, ua hoea pu mai la me kekahi lono hookupilikii i ko makou noonoo, oia hoi, ua hoea hou mai la kekahi mau bila koi aie no makou mai Milwakee mai; no kekahi mau hoolaha a makou i pai ia ilaila, malalo o na hooponopono ana a J. Wilson, a oiai nae, ko makou puuku ua uku aku ia J. Wilson he $300 dala no ia hana, aka, i ka ia nei uku ana aku le he $200 wale no, a koe iho la ma ko ia nei ekeeke he $100.

          A pela no hoi me ka uku o ke kaa o makou, ua hoea mai la ka bila koi aie a ka ona nona kela kaa, he $360. Oiai no nae makou e uku ana no ia Wilson, ka mea nanae malama ana i ka pono o kela kaa.

          Ma ka bila hoi o makou i ka Aha $160, a mai ka bila kikoo koi aie hoi a ka ona nona ke kaa he $360, a eia iho la i hea kahi i poholo ai kekahi mau dala, a makou e uku nei i nei wahi keiki kolohe, no ka pono o ka ona nona ke kaa.

(E nana ma ka aoao 8.)