Ke Aloha Aina, Volume II, Number 4, 25 January 1896 — Page 6

KE ALOHA AINA

6                                                                      KE ALOHA AINA, POAONO, IANUARI 25,1896

 

(Mai ka aoao 5 mai.)

HE WAIWAI KA HAKAKA ANA

UA OLELO AE KA NUPEPA TIMES, AOLE LOA E HIKI IA ENELANI KE HAAWI PIO AKU I KONA KAHUA KUMU.

           

            Ladana Enelani, Ianuari 6.  E pane mai ana ke Time i ka Ia apopo:

            Aole loa e ae ia aku i kekahi mea e puka wale aku, mai ka wa mai o Peresidena Cleveland i hoouna aku ai i kana palapala pili ia Venezuela i ka Ahaolelo Lahui, e hookupaa a hoolili i ke kulana e lawe mai ai kakou, e hooponopono me ke kupono maoli i ka hoopaapaa me ka waiho ole aku iloko o ka hakaka.

            Aole loa he wahi pono maluna o ka palena a Schomburg, aka, ua lilo nae ia ia Beritania Nui, ma ka olelo waha ua nohoia ia mau apana mai na wahi i noho ole ia.

            Aole loa he mea e lilo ai i like ole i ke kuhikuhi ana aku, owai ia na apana aina i noho ia e kekahi o na lahui, a ma ia mea, e waiho pu aku na ka hooponopono ana o ka Aha Uwao, me na aina i noho ole ia iloko oia hana ana a pau.

            Aole no he mea kupono ke hana pu ia me ka palena a Schomburg, oiai ka manao o ka Salisbury hoopololei loa ana e nana ponoia ana.  Aka, o na kanaka o Amerika Huipuia, aole e hiki ia lakou ke manao koho wale, no ka mea, o makou kekahi i kuleana i ka makemake no na aina maikai aku mawa na o lakou i mea e hoopauia ai ka hoopaapaa me ka maluhia, a e ae aku ana makou e haawi pio, a aole paha, oiai, he mau pilikia ko makou ma Europa, Aferika, ma ke kahea paa mau a makou e kupaa mau nei.

            Ke koi nei na nupepa e hooikaika ana i aa pale kaua no ka lahui, a i ka hoopauia ana.

            O ko makou kulana he maopopo loa, he mea pale aku no ia.  Aole makou i lele kaua wale aku i kekahi mea, a hoino wale aku i kekahi, aka, o ke ku pale wale ana aku no i ke Aupuni Beritania, aole loa ia he hana maalahi.

            E koi mai ana ia i na hoolawa ana aku he nui maluna o ko makou mau loaa.  Aka, o ka makou mea e ku pale aku nei oia ka hakaka waiwai loa.  O ka hakaka he mea maopopo loa aole ia he mea e makemake ia, ina e hoike aku makou ia mea, alaila, ua ikaika loa makou, i hoomakaukau pono ia, a i kuikahi paa mau loa i na wa a pau.

 

KA HAALELE ANA O KA AHA KUHINA O CANADA.

            Ottawa, Ontario, Ian. 5.  O ka lohe hope loa i loaa mai nei e olelo ia la i keia la, e hooiaio ana i ka hoike o na poe Kuhina ehiku o ke karaunu, oia o Foster, Haggarti, Tupper, Ives, Montague, Dickey a me Wood ua pau lakou i ka haalele.  He nui loa na uluaoa ana e hoomahaehae ai, a oia ke kumu hikiwawe o ka haulehia ana o ke aupuni.

            O na mahele elua o ka Aha Kuhina, ua mahelehele ia lakou maluna o ka ninau o ke kula o Manitoba, a oia ke kumu o keia mau hana kuikahi like ole.

 

NUI LOA MAI KA HOPOHOPO.

 

            Na Kuhina Nui Bowell e wae i ka Aha Kuhina hou.

            Ottawa, Ontario, Ian. 6.  O ka uluaoa iloko o ka poai kalai aupuni maanei nei, ua mahuahua loa ae ia.

            Pela ke ano laulaha nui o ka manao, aia ia Kuhina Nui Mackenzie Bowell, ka wae ana aku i kona Aha Kuhina hou, a ua manaoia e kekahi poe kalaiaupuni noonoo akahele, e loaa ana no iaia ka lanakila ma ka wae ana aku i Aha Kuhina hou, aka, olelo hoi kekahi poe, aole e hiki ana iaia ke hana ia mea.

            O ka ahakuka o ka poe Conservative, e hoakoakoa ana ia i ka la apopo, no ka noonoo ana i ka ninau.

 

KA HOOKAHULI AUPUNI O SALVADOR.

 

            New York, Ian. 9.  O Bolet Pareza, ke kanikela keneraia o ka Repubalika o Salvador, ma o ka loaa ana mai o kekehi elele telegarapa i keia ahiahi, e hoike mai ana i ka haulehia ana o Kenerala Antonio Ezeta, ma ka hiki ole ana iaia ke hoolele mai iuka o ka aina, i kona puali no Salvador.

            Ua olelo ae o Kenereala Pareza, aole oiia i manaoio he nui wale o na poe hookahuli aupuni ina no e hooleleia ana na poe filibusters, a oiai lakou ua hoka loa i ka hoohiki ana mai i keia awa.  He mea e hoike maopopo maoli mai ana, he poe uuku loa lakou, ina no he manao hoohuipu aku kona poe Salvador me lakou.

            Ua hoomaopopo ia no aia he poe Mekiko me ia i oi aku mamua o haakahi haneri i lako i na mea kaua, he poe i maa iloko o ka puali kaua o Mekiko, a me kanaono poe hoohoi bibi mai Texas mai.

 

KO BERITANIA WAHI HOAHU LANAHU.

 

            Ke hoike nei na hana a Beritania Nui ma kahi mokupuni o St. Lucia, e kokoke ana i na kapakahakai o Venezuela.

            He mau hoike kai hiki mai nei i ke keena o ke aumokukaua, aia ke Aupuni o Beritania, ke hoikeike la i na hana awiwi ma ka hoopiha ana mai i ka lanahu no kona aumoku kaua a me na hoolako hemahema na, ma ka mokupuni o St. Lucia, e kokoke la i na kahakai o Venezeula.

            O keia uluku mawaena o Beritania Nui a me Geremania, oia ke kumu nui nana i hoopupuahulu loa ina hana.

 

O PETORIA.

 

            Oia ka inoa o ke kulanakauhale poo o ke Aupuni o Transvaal ma Aferika Hema.

            O keia kahi e noho nei ke Aupuni.  He kulanakauhale keia nona na kanaka, he 12,000 ka nui e noho ana malaila.

            Ua nani kona wahi i ku ai maloko o kekahi awawa ululaau a momona hoi o ka aina.  O na kauhale keokeo oia wahi ua hoomalumalu ia lakou e na laau wilou.

            O ka Hale Aupuni hou i kukuluia i ka makahiki 1889, a paa mai i ka 1891, no ke kumu lilo he $875,000, oia kekahi o na hale nani i kukuluia ma Aferika Hema.

            O keia hale ke Kapitola o Transvaal.  He nani o loke o ka hanaia ana, a he ekolu hale ke kiekie, a he puoa ae, a maluna loa iho e ku ana ke kii o ka lanakila.

 

KA IKAIKA MOKU KAUA O ENELANI

 

            O ka huina nui o ko Enelani mau moku kaua, he 567, a o ko Amerika hoi, he 90 wale no, a penei ka hoonoho ana.

            O ka nui ma na tona, ma kia paa, ma ka heluna, ua paono ka nui a me ka ikaika o ko Beritania aumokukaua i ko Amerika.

            He 86 mau moku-kaua i uhi a me ke kila, oiai, he 20 wale no o Amerika (o ka hapanui o lakou he mea paa ole.)  He 52 mau mokukaua pale holo loa o Enelani, oiai, he 13 wale no o Amerika.  He 88 mau moku kaua pale kila ole holo mama o Enelani; oiai, he 20 wale no o Amerika.

            He 189 mokukaua lawe topido o Enelani, a he 2 wale no o Amerika i paa, a 7 e hana ia la.  He 22 mokukaua hopu topido o Enelani, a he 1 wale iho no o Amerika (i kukuluia, a e kukuluia nei.)

            O ka moku kaua oi loa o ka nui ma Enelani, ua pakolu kona loihi a me kona laula a me kona hohonu i ka moku kaua nui loa o ke Aupuni o Amerika.  Oia hoi, ma ke ana hoopiha ia loko o ka opu o ka moku, aia a he aneane 29 moke kaua Amerika piha, like aku me 1 moku kaua Beritania piha!

            Nani ka nui o ka mana o ka ike, a me ka naauao o ke kanaka, a ke Akua i hana mai ai.  E ike me ka olelo o ka mea Haku Mele Kaulana:  "Ua hana mai oe i ke kanaka malalo iki iho o na anela, a ua kau mai oe i ka nani a me ka mahalo, i leialii nona."

 

            O keia kii maluna'e, oia ka hiona o kekahi o na moku oi loa ae o ka nui iloko o ke Aumokukaua o Enelani i @ wa.  Ua uhiia oia me ka aahu-kila manoanoa loa, ma@ mau aoao a pau loa, mai mua a i hope.

            I kona wa e hookomoia ai iloko o kahi hoomaemae @ (Dry Dock) alaila, e ahuwale ana kona kino holookoa, @ me keia kii maluna ae e kau nei.  A i kona wa e hookuu iloko o ke kai, alaila, o kahi wale no maluna ae o kela loihi (water line) iliwai, oia ke ikeia aku he moku e lana ana; a o ka hapa nui aku, aia no ia iloko o ke kai.

            E nana hou iho kakou mawaena konu o keia kii alaila, @ ana kakou he wahi kii moku oia ano like no, oia ke kii @ moku kaua nui loa ae, o loko o ke Aumokukaua o Amerika Huipuia.  O kahi maluna ae o ka laina (water line) oia @ kino ke lana mai i ke kai, a o ke koena aku, maloko no @ ke kai.

            Nolaila, ke ike nei kakou i ka nui hewahewa launa ole @ ko eneleni moku kaua, a ke ike pu iho la no kakou i ka @ loa o ko Amerika moku kaua.  Me he la he waapa ko A@ moku kaua no ko Enelani e pili nei ma kona aoao, a me @ no hoi, aia no paha ko Amerika moke kaua, iliko o na wai o ko Enelani moku kahi i holo ai.

            Ua kahaia keia kii mamua ma Amerika, a hoounaia @ anei nei, a ua hoopukaia ae nei ma ka P. C. Advertiser o @ 20 nei.  Ua kii aku makou me ka manao e loaa kona @ mua, ma ke ano hoolimalima, aka, ua lawe aku ka ona no @ mea ma kona wahi; nolaila, ua hoolimalima aku makou @ mea hooheehee kii kulike me ia; a ua loaa mai ia ku.  @ makou makemake e hoomalamalama aku i ko makou poe @ helu, i loaa ia oukou ka ike, ma ka heluhelu ana, nolaila hookomo iho makou i keia kii, i ana hoohalike no na @ kaua ikaika, a pookela o ke ao nei, e liki nei na kaena ana.

            Ke liki nei o Amerika, o ko lakou ka nui, ka ikaika, a @ holo; aka, eia iho ka hoike akioma no ia mau olelo ana @ hoike ia ae la e keia kii.

            O ko Enelani moku kaua, oia ka Helu 1, ma ka nui, ka@ika, ka paa a me ka holo loa.  He huelo ko na aupuni e @ hahai mai ana mahope o ko Enelani. 

            He ekolu mau mea a Enelani i hoopaa ai no kona @ Aumokukaua, oia hoi (1) ka ikaika a paa o na mokukaua @ ka holo a me ka mama o ka nee ana, (3), a me ka @lele, holo, a wawahi o na mea kaua, na poka kili @ na topido haapahu, a me na mea luku weliweli ke hana.  Mawaho ae o ia mau mea, he nui wale na ana mea @ hou o keia au naauao e nee nei.

            O ke kulana o waho aku o ka nana ana o ke mokukaua o Enelani, oia wale no kai ikeia, a i hoomaopopoia iloko o kona opu, kahi i waiho ai o kona mau lako pa@na lako kaua, na lako o na ano a pau loa, aole ia i hoomaopopoia e ka lehulehu.  O na poe i hoonohoia malama o ka @ o lakou kai hoomaopopo i ua mea a pau o hui@o ka @ Pela no na moku a pau loa, ma na aumoku a pau o B@ Nui.

            Aole nae pela ma na aumoku o Amerika @ ma na nupepa, na hoike loina hana a pau loa o na @ Amerika.  Ua pau loi, aole he hookahi moku Amerika ike ole ia kahi i hoonohoia, ai kona mau mikini @ na wahi hoahu lako kaua, a lako topido, a pela aku.

            Aia he nui wale o na poe Beritania i komo malu @ ka hana ana, maloko o na pa kapili moku o Amerika H@ no ke kumu, i mea e ike ia ai na mea hana a pau loa @ me keia moku kaua o Amerika, a i ka pau pono ana o ka @ ua hoike aku la kela a me keia paahana Beritania i ka@ kapiliia i ke Keena Oihana Kaua o Enelani.

            He hana mau no ia na ka poe Beritania i na makahiki @ loa, a ma ia mea, ua loaa nui mai ia Beritania ka ike @ ikaika, a me ka nawaliwali, o na moku o na aupuni o wa@ A i ka wa o ke kaua e hoea mai ai, alaila, ua ahuwale @ Enelani kana mea e hana aku ai, a ua malaelae kona a no ka nee ana aku imua o na ale o ka moana, ma ka @ aku i ke kauoha no ka hanohano o ka aina.