Ke Aloha Aina, Volume II, Number 2, 11 January 1896 — Page 7

KE ALOHA AINA

 

POAONO, IANUARI 11, 1896

 

@Ou Kuloko

@ keia @ hana ku- @ Hui @ Makiki, @ Hawaii. @ mahope iho o @ aole he @ ana ka @ ka mo- @ ko @ laua mau @ i Lahaina @ ke Kinau @ wahine o ka lua @ mai la i @ o ka lua o Hale- @ mokaiakupua hoi @ na nupepa o @ haalele ai @ Kapaiakiko @ aku no @ mai la @ i hoea @ ka ku- @ mahaopa i, ua @ ka po o ka @ nei. O na @ malamala @ Salvator a @ la Loihei ia @. Ua nui @ i hiki ae ma-@ kekahi poe ma @ nei ma na kula o @ loa aku i ka @ i na poe kumukula, @ no ko la- @ no Poo Aupuni @ i hele mai ai. A ka Bana Lahui e @ ua manao @ houi aku i na hana @ kou ke huli hoi mai @ ia, no Europa @ i no na mea i loheia @ wale no e pule ae @ ua Mana Loa, e kiai mau @ na mea i loheia mai no @ me loko Wilson, aiana, ua @ o Pamano i kona @ Maikai @ no hoi ka uwai @ a i kahi o ka poe @ mai. Auhea no la @ aloha hoakanaka a ke @ ko ai. @ moana i malmala @ o ke Kina a me Claudine @ k@ hapona o ka mokuahi @ i kona mokuahi @ oi e i ke Kinau, penei ka @ Haalele ke Kinau O ka la 30 o Dec. 5 o 4 p.m. @ i Lahaina a kuu kona he- @ i ka hora 12 o6 @ O ke Claudine hoi: Haa- A aop i ka ia 30 o Dec., 5. 11 @ Lahaina a kuu ka heleuma @ i ka hora 12:10 o ke au-.

 

HE LALAU “KA LEO.”

            Ma ko makou ike ana ia na olelo hawawa loa a ke nupepa “Ka Leo o ka Lahui,” ua hiki ole ia makou ke uumi iho e hoike aku i ke kuhihewa o ia nupepa, a e ae aku hoi e alakai lalau i ko makou lahui Hawaii e haule pu iloko o ka naaupo.

            O ka olelo ana mai nei o “Ka Leo” o ka la 10 o Ianuari 1896 penei:

            “O ka like ole o ka manawa mawaena o Ainaomaomao a me Hawaii nei, he 30 minute wale no ia, a oia ka manawa pololei loa o ke ao nei.”

            Pela anei ka oiaio? Nawai koia a o lalau ana e apo aku?

            Na ka poe hupo loa, aole na ka poe he noonoo ko lakou iloko o ko lakou mau poo iho, a i ike pono hoi i ka lakou mea e makailio nei.

            E nana mea mai Ka Leo lalau, penei: Aia o Ainaomaomao he 40 meridiana ma kona kaha waenakonu, ma ke Komohana aku o Ladana; a aia hoi o Honolulu, ma Oahu nei ma kahi kokoke i ka 157 ^o 45’. Alaila, aole anei e ike koke ia ke kowa mawaena o Ainaomaomao a me Honolulu he 117 ^o 45’? O keia ke kowa kokoke loa o laua. Aole he hapalua hora ke kowa. Aola loa. He 7 hora a me 51 minute ko Honolulu kaawale ma ke Komohana o Ainaomaomao ma ke ana-manawa. Oia ka pololei i lohe “Ka Leo” lalau. Aole he 30 minute.

 

HE MAKE I ALOHA NUI IA.

            Ua hala o M. W. Kahoalii, Kahele, ma ke kakahiaka hora 7 o ka Poalima la 3 o Ianuari 1896, ma Kalawahine Peleula. He keiki o M W. Kahoalii i kamaaina ma keia kulanakauhale. Ua hanau ia oia ma Kamoiliili, i ka ua wahine o Manoa, ke lihau mai la i ke oho o ke kaunaoa.

            Ua piha iaia na makahiki he 22 a me 3 la, mai ka puhaka mai o W. Kahele a me Kealohapauole (w). Ua hookomo ia oia ma ke Kula he’e la ma Kamoiliili, ua holomua no iaia na mea helu.

            No ka pau ole no o kona huli ana i ka naauao, ua komo oi i ke kula alii o Kehehuna. Ua loaa iaia ka lei o ke ola uhane, ua komo oia he Ekalesia Bihopa Enelani, a no kona hala ana aku la, ua loaa aku la iaia ka nani o ke Keiki Hipa, ma kela ao alohilohi:

            No ka pau ole no o kona huli ana i ka naauao, ua komo oia ke kula alii o Kehehuna. Ua loaa iaia ka lei o ke ola uhane, ua komo oia he Ekalesia Bihopa Enelani, a no kona hala ana aku la, ua loaa aku la iaia ka nani o ke Keiki Hipa, ma kela ao alohilohi:

            He aloha aina oiaio oia, a me kona mau makua a me ka ohana kaikuahine a me kona mau pokii e noho u aku ana nona me keia ao. He keiki akamai o M. W. Kahoalii ma na ano hana lima akamai a noeau.

            Ke noho nei makou me ka u ana, a me ka naau mokumokuahua no ka maua lei i hala aku la i ka polikua a Kane. Aloha wale oia!

            Owau iho no ka makua i hoonele ia i ke keiki hoopono.

W. KAHELE.

Peleula, Honolulu, Ianuari 8, 1896.

 

He Moolelo

NO

ANADAREA

A ME

TIDORA

A I OLEIA, NO

HILARIA

KA UI NOHEA

 

NA IPO ELUA I KE ALO HA HOOKAHI.

MOKUNA XII.

NO EHA LA.

            Mahope o ko Tamaria haawi ana, ua i kona aloha ia Ipita, ua huli ae la oia a kamoe aku la kona mau kapuai wawae ma ke alahele e hoea aku ai i ka hale alii.

            Aole no hoi i liuliu loa keia hele ana ana ua hoea aku la oia ma kahi puka uuku e hula ana i ka aoao komohana.

            Kikeke koke aku la oia, aole no hoi i emo ua pae mai la kekahi leo maloko mai me ke okalakala me ka ninau ana mai:

            Owai kela mawaho, a heaha kou ma kemake o ka hiki ana ma i anei?

            Ua makemake au e ike ia Ebala, a i ole ia, ia Tidora, no ka mea, he lono ana nui ka’u law mai la ia laua.

            E hai mai hoi, owai kou inoa?

            O Tamaria.

            E kau malie iho oe, e hele ae au e hai aku na hiki mai nei oe.

            Ae. E hele aku ano.

            No kekahi mau minute wale no keia meha ana iho, aia hoi, ua hemo mai la ka puka, a pane mai la kekahi kauwa:

            E komo mai ua malaelae ke alahele.

            Alakai ia aku la oia no ka runi a Tidora e kali mai ana iaia, a ike koke aku la oia i na helehelena kunahihi e hekau ana maluna o Tidora.

            Aole i kuu pono iho ka nae o ka lua hine, aia hoi, ua pae koke mai la ka leo ninau oo ka moiwahine:

            Ua loaa anei k’au mea e upu mau nei ia oe, oia hoi ka laau o ke aloha?

            Aole, e kuu moiwahine, e like ma na kuia i halawai mau mai me a’u ma ka’u mau hoao ana e huli i kau kauoha, no laila, au i hiki mai la e ninau aku ia oe, pehea la ua loaa anei ia oe he wahi moali e hoike mai ana, ua aloha o Ana darea he mea okoa?

            Ae, ua aloha oia he wahine okoa.

            Ua manao mua no au pela, a luhiluhi iho la ke poo o ua luahine la.

            O ka hookaawale wale no ia laua ka mea e holo pono ai, aole anei pela?

            Ae.

            Alaila, e hooko ana au i keia manawa no, wahi a Tidora.

            Lalau aku la oia i kekahi kaula e lewalewa ana, a huki iho ia, a oia no hoi ka wa i kani aku ai o kekahi hele, aole no hoi i pau iho ke o ana o ka leo o ka hele ua komo mai la kekahi kau wa.

            E kii aku ia Ebala e lawe mai imua o u nei wahi a Tidora i ke kauwa.

            Heaha kau mea e hana ai? I ninau aku ai o Tamaria.

            Eia oia maloko o kuu poho lima i keia manawa, a e kau koke aku ana au i ka uku hoopai o ka make maluna ona i hoomaalili koke ia ai ka inaina e paia ne, iloko o kuu puuwai.

            Aole pela, wahi a Tamaria i pane mai ai, o ka huhu hikiwawe ka mea e holopono ole ai. E waiho malie kaua iaia e noho malie iloko o ka pouli a hiki i ka wa o Anadarea e inu ai i kuu laau. A mahope aku oia manawa e hooko ai oe i ka uku hoopai o ka make maluna ona, a i ole ia, e hookuu aku iaia e hoi me kona mau hoaloha.

            Aole, aole loa au e hoopakele iaia, wahi a Tikora me keehi ino ana o kona kapuai wawae.

            Ua hiki ia oe ke hooko i kou makemake i keia manawa, aka, auhea oe e nele ana oe i ke kane ole, e oluolu mai oe i ka’u noi e hoao hou au i ka’u wahi pono i koe.

            E ae aku ana au i kau noi, aka, ua hele nae au a piha inaina no keia keia wahi kai kamahine.

            O kona uku hoopai o ka lilo o ke aloha o Anadarea ia e a e hoaa hele no auanei oia mahope o kana mea i aloha ai a hiki i kona pupule ana.

            Na keia mau huaolelo hoolana a ka mahine, i hooemi mai i ka huhu o ua Tidora nei, a mohala iki mai la na helehelena ao kanaka maluna ona, a ninau mai la:

            I ka manawa hea e loaa mai ai ka laau o ke aloha ia’u?

            I keia manawa aku no, ina aole nae i aneane ka mahina e napoo aku, ina e loaa koke ana no e hoea hou mai ana no au i anei.

            Komo mai la o Ebala, a ninau mai la: Heaha ka manao o kuu haku?

            Aole anei he mau poino i loaa i ka wahine opio e noho ia maloko o ka rumi pouli?

            Aole.

            E hookomo hou ae oe iaia iloko o kekahi rumi ano maikai iki ae, a e malama hoi iaia me ka maikai, no ka mea, ua hoopanee hou ia aku la kona wa e make ai. A oia wale no, e hoi aku no kou wahi.

            E hookuu mai ia’u e hele hou ae au, e hooko i ka’u apana hana, wahi a ka mahine. A haawi aku la i kona aloha ia Tidora.

            Haalele aku la oia ia Tidora, a hoi mai la me ka awiwi no kona home, no ka hoike ana aku hoi i kana mau mea i lohe ai ia Ipita.

            Aia o Hilaria iloko o na umli ana a Tidora. A ua pakele hoi kona ola mamuli o kuu hiki koke ana aku nei, wahi a Tamaria i kona wa i halawi aku ai me Ipita.

            E hoehueha ia anei oia e Tidora?

            He mea maopopo loa ia.

            Pehea kona loihi e hoopaa ia ai?

            Malaila oia e noho ai, a hiki i kona make ana ina aole he mau lima kokua nana oia e hoopakele ae.

            E hai mai pehea o Anadarea anei kekahi i hopu ia?

            Aole, ua pakele oia.

            Alaila, e hele ae au e hui me Anadarea, a e hoike aku hoi i na mea a pau iaia.

            E hoike aku i na mea a pau iaia, a e hoike aku no hoi ua lohe mai au mai ia Ebala mai, aia o Silaka iloko o kekahi rumi pouli o ka halelii kahi i hoopaaia ai, aka, mai hai aku nae ua lohe oe mai a’u aku nei. E hai pu aku hoi iaia mai inu iki ia i kekahi wai a mea e ae paha e haawi ia aku ana e kekahi wahine, no ka mea, mahope aku no oia manawa e pepehi ia aku ai o Hilaria, o ka pono wale no iaia e waiho malie aku i ka hoolalao ana me ka wahine a hiki i ka pakele ana o Hilaria, ina ne he aloha io kona iaia. No kuu aloha ia oe me ko haku wahine, ke kumu o kuu hooikaika loa e hoopakele i ko haku wahine. E hoao Loke olua me e Anadarea e hoopakele iaia, a i ole ia, e nele no auanei oe i ka haku wahine ole.

            I ka pau ana o ka laua kukai olelo ana, me na waimaka e hiolo makawalu ma na papalina o Ipita, hemo aku la oia iwaho o ua hale nei, me ke kuko ana iho ihea la e loaa ai o Anadarea iaia haupu ae la oia no ka home o Agatona malia, aia oia ilaila.

            Aka, i kona hiki ana aku malaila, ua hoole ia ma ia aole o Anadarea malaila.

            Me ka naau paupauaho ole, haalele iho la oia ua wahi la, a hele aku la no ka home o Nikeferona.

            A malaila oia i halawai aku ai me Anadarea. Ua hoopuiwa ia ae la o Anadarea i ka ike ana mai ia Ipita e ku ana me na waimaka e hiolo ana.

            E hai mai e Ipita heaha kou kumu o ka hoea ana mai ia nei? I huli mai nei anei oe la’u? E kuu mau hoaloha e hoolohe like mai kakou i ke Kumu o Ipita i hiki mai nei, a nolaila e ka luahine e hoike mai.

            He lono kaumaha ka’u i lawe mai la ia oe.

 

Olelo Hoolaha

            E ike auanei na kanaka a pau ke nana mai i keia. Owau o ka mea nona ka inoa malalo iho nei, ua baalele mai o Mr. Mikalemi ia’u kuu kane mare, me ke kumu ole aia la oia ihea kahi i hele ai no ka mea, o ka elua pule keia o ko maua kaawale ana. Nolaila, ina e malama yono ole ia kuu ola e kuu kane mare, mai keia la aku e puka ai o kuu hoolaha alaila, e hoopii no au i kuu kane i ke kanawai, no ka mea, ua hoi aku au me ko’u mau makua e noho ai, a na laua e malama nei i ko’u ola a hiki i keia la.

MRS. KALANI.

Laie, Koolauloa, Oahu, Dec. 19, 1895.

jan 4—1m wkly.

 

DR. W. D JONE,

(Kauka Keone)

HE KAUKA LAPAAU makaukau loa oia ne ke hoola ana i na ano mai a pau, oia hoi ke ailoda hua maka eha, piho hui, p@u eha a me na mai o ke kino.

            He oluolu ka uku ma kana lawelawe ana a he ola no ka mai ke hoolohe i na kuhikihi ana.

            Ke kono aku nei au i na poe a pau i loaa ka popilikia a ka mai, e hele mai ma ko’u keena Oihana.

            Aia ma ke Alanui Konia, ma Honolulu, ma @mauka iho o kelahale o Brito

            MANAWA HANA:-Hora 9 a 11: A. M. mai ka hora 1 a 4 P. M. o na la noa. La Saoati hora 9 a 1. A. M., hora 1 a 2 P. M.

my20—tf

 

GOLDEN RULE BAZZAR.

W. F. REYNOLDS.—Ka Ona.

            Ua lako oia me na MIKINI HUMUHUMU LOLE o na Hale Oihana a me na Home

            Na Mikini (Wili Lima) Humuhumu mai ka $8.50 a ka 12.

            Na Pila Gita, mai ka $4 a pii aku luna.

            Na Pila Auto Hapa a me na Hamonika Puhipuhi he nui wale.

            Na lako Pila Gita me na Vaiolina me na lako kinopopo he nui wale.

            Ua piha a ku ka paila o na lako ka kau a me na buke o na ano a pau he nui wale. He oi aku ka makepono o ke kuai ana maanei mamua o ko na wahi e ae.

HALEKUAI Helu 417.

ALANUI PAPU