Ke Aloha Aina, Volume I, Number 32, 28 December 1895 — Page 3

KE ALOHA AINA

 

KE ALOHA AINA, POAONO, DEKEMABA 28, 1895.   3

--

@OHA AINA KULANA.

--

@ku ae nei mahina a

@o ko makou komo

@oko o ke kulana hoo-

@a iwaena o ko ma-

@Hawaii ponoi, a iloko

@mahina i hala aku, ua

@ALOHA AINA iloko o

@home o Hawaii, a ua

@mai oia e kona lahui,

@ona o ke aloha i pau-

@.

@na kauoha nupepa, mai

@aka a me na hoaloha

@wahi he lehulehu wale

@o ko kakou Pae Aina,

@hoi ia no ko lakou ma-

@makemake a paulele, e la-

@ka nupepa KE ALOHA

@

@omaopopo e makou i o

@aia a kukulia na ka-

@o ana maluna o ka oia-

@ua loaa ka palekana i

@pau loa, i ka poe hoo-

@pepa a me ka poe lawe

@

@omaopopo no hoi ma-

@lawe pono mai me ke

@oa i na manao kakau i

@mai no ka mea, he

@poino ke hookomoia,

@a aku me ka oiaio ole,

@o ka hoole ana i ka

@ia o ia manao.

@oole ia kekahi, ma ke

@e ia o ka inoa ponoi, a

@ hoi, ua hoole maoli@a,

o ke kue kanawai o na

@i olelo ia iloko o ka

@

@nupepa, he ahailono

@a e holo ana iloko o na

@Hawaii, e hai aku i na

@ i ka oiaio, aole i na

@o ole, a epa wale hoi,

@ui no ka luhi o na poe

@ika ana e hoopiha i ka

@me na manao maikai, a

@nea ano hou o kela a

@ ano, a pela me ka hoo-

@i na wahi a pau loa, a

@ka malama ana i na

@lelu no na nupepa i hoo-

@a pela aku.  He nui no

@no na wahi hoouna, no

@pala a me na uku poo

@ela aku.

@ o keia mau luhi, ua

@ou iloko o na hoomana-

@ana, no ka pono o na le-

@e noho ana a puni ka

@ku o Hawaii.

@kokua ana mai ma ka

@na põe heluhelu, he mea

@ao nui ia e loaa ka

@maikai ana mai me ka

@loa.  He mea oiaio, he

@e io no keia a he nui no

@pilikia, aka, aole loa ke

@haalele ia kakou a nele a

@oi.

@a ana i na poe heluhelu

@aii ka hookoia o na ma-

@e i na mea a pau loa

@o ka kakou nupepa KE

ALOHA AINA.  Pela makou e

@ana mau nei, a pela no

@e ike e aku nei i na ouli

@hu kakahika, no ka ma-

@ hou ae nei 1896.

            E Hawaii o Keawe a me Maui o Kama, Molokai-Nui-a-Hina, Lanai a Kaululaau, Oahu o Kakuhihewa a me Kauai o Manokalanipo.  E ike, e hea mai, a e hookipa aku i ka kakou milimili, nona ka inoa e-o nei KE ALOHA AINA.

            Ua kapaia oia mamuli o ke aloha pilipaa o ko oukou mau makauakane, makuahine, kaikunane, kaikuahike, pokii, keiki a me na moopuna.

            He aloha plipaa hemo ole a hiki i ka make ana, ke aloha o ka aina hanau.  E like me ka olelo:  O ke aloha aole ia e mokuhia e na waikahehe nui.' a penei hou hoi:  "O ke aloha ka mea oi aku mamua o na mea a pau.

            Oia hoi!  O KE ALOHA AINA, oia ko'u inoa, eia au a hoea hou aku iloko o ka makahiki hou o 1896; a hoomau aku i kou launa ana me oukou e na Hawaii Aloha Aina a pau loa@ e na mamo a Papa Nui Hanaumoku.

--

KA NINAU NO HAWAII.

--

            O keia ka 13 o na kumuhana mai waena mai o na kumuhana he 41 maloko o ka haiolelo a ka Peresidena Cleveland i waiho aku ai imua o ke Senate a me ka Hale Ahaolelo Lahui o Amerika Huipuia ma ka la 3 aku nei o Dekemaba.

            A penei na olelo ana i pili i ko Hawaii nei ninau.

            "Ma ke ehu kakahiaka o Ianuari i hala aku, ua ala mai he kue na i ke Aupuni o Hawaii, a ua kinai koke ia.  Ua kukala ia ke kanawai koa, a he lehulehu wale na poe i hopuia i hoohuoiia ua like pu na manao me ka poe Royalist (Alohaalii.)  Mawaena o ia poe, he mau kupa kekahi no Amerika Huipuia, a i hoopaaia e ka Aha Hookolokolo Koa, a hoopaiia no ka make; a hoopaahao, a i ole ia, hoopa@ uku dala, a i ole ia, kipakuia me ka hookolokolo ole ia. O ke Aupuni o Amerika Huipuia, i kona wa e hoole ana i ke kokua ana aku i na poe i lawe i ka hoohiki no Hawaii no ka malama ana aku i kona mau kanawai, ua manao, o ke kanawai koa, he mea ia e hoololi ae ai i ke ano o ka hoopono.  Aole no ia i hookapae ae i kona ano hoopono iho, a koi mai la e kaohiia ka olelo hooholo hoopai make, a hiki i ka manawa e aponoia ai na lawelawe hana ana e keia Aupuni.  A ua loaa na hooko pono ana maila, a ua loaa hou mai na hoike ua hookolokolo maikai ia.  O na hoopai make ua kapeia, mamuli o na aelike ana e haalele aku ia mau Mokupuni.  O na hihia o kekahi poe Amerika i hopuia ai, a i kipakuia i ka aina e, mamuli o kekahi Olelo Kauoha me ka Palapala Hoopii maopopo ole, a me ka hookolokolo ole ia, a nana pono ia aku ana ia mea.  A ma kekahi mau ano e ae no hoi i loaa ai, e hooiaio ikaika ana, me kekahi koipoho ana a Hawaii e ae koke mai ai.

            "O Mr. Kakina, ke Kuhina Hawaii, ua waiho mai oia i keia Aupuni i na kumu kupono e noi mai ana, e kahea ia mai ana oia, ua hooholoia ia mea, a o kona mea pani mai, ua hoikeia mai."

--

He Mea Mana Ole Loa Kela Manao Hoo

hui-Aina o Kamehameha III.

--

            Ua ike makou i na manao alakai o ke Kuokoa, e hoikeike aku ana i ka Lahui Hawaii kupaa, e puni mai lakou i ka lakou nei mau maunu hoowalewale no ka hoohui aina a lakou.  Ua kuhikuhi aku la ke Kuokoa i ka manao hoohui aina o ka Moi Kamehameha III. i ka A. D. 1851 i kimu e hahai aku ai ka Lahui mahope o na alakai manao apuka ana, i mea e kakoo ai ka lahui Hawaii i ka hoohui aina.

            Ke olelo nei ke Kuokoa o Dekemaba 21.  O keia mea o ka hoohui aina, he manao ua hooholo mua ia no e Kamehameha III. a ua holo, ua haawi aku oia ia Hawaii nei a lilo loa ia Amerika Huipuia iloko o ka 1851.

            He oiaio anei ua lilo io o Hawaii ma ko Kamehameha III. haawi ana?

            Ke hoole nei KE ALOHA AINA, aole loa he mana iki o ia manao hoolilo ana a Kamehameha III. ia wa.

            Heaha la na hoike e maopopo ai ka pololei o keia manao hoole o KE ALOHA AINA?

            Eia;--1. Ina ua mana ia hoolilo ana a Kauikeaouli (oia hoi o Kamehameha III.  Alaila, no keaha la keia koi hou ana o na poe e makemake nei i ka hoohuiaina, e hanaia ke kuikahi hoohuiaina?

            He hoailona ke koi hou ana e hoohui, i ka nele o kela manao haawi mua o Kauikeaouli.

            2.  Ina hoi ua ae mua ia ka hoohui ana ia Hawaii nei me Amerika i ka wa o Kamehameha III., alaila, in a ua pane mua mai no o Peresidena Cleveland i ka wa i hiki aku ai kela Komisina pakaha aina i Wasinetona.  O!--He mea makehewa ko oukou holo ana mai e noi e hoohui, no ka mea, ua lilo mua loa mai no o Hawaii ia makou, mai la Kauikeaouli mai i ka A. D. 1851.

            Aka, aole loa pela ka oiaio.  Eia ke kuhikuhi mai nei o Peresidena Cleveland i hope nei (Hawaii) me ka olelo ana, aole loa i ae ka hapanui o ka Lahui Hawaii i ka hoohuiaina, no ka mea, aia he 8,000 o na poe kupono i ke koho balota ma Hawaii i hoopii mai ia'u, aole o lakou makemake i ka hoohuiaina.

            Nolaila, o kela manao kupapau o ka Moi Kauikeaouli a ke Kuokoa i hapai mai nei, he mea hiki ole loa ia ke hoola ia.  A aole hiki ke ola mai.

            E like no me ka KE ALOHA AINA i olelo ai: Aole o Kauikeaouli i ike pono, a i kamaaina i na kee a me na hanaino a Amerika i hana mai ai ia lakou ia wa, e like me ia a makou i ike pono ai i keia wa.

            Ua piha ko Kamehameha III, noonoo, no na hana inio a Beritania a me Farani iaia ia wa, a ua koe ae o Amerika e noho hoomaalea kolohe ana ia wa.  Nolaila, ua punihei o Kamehameha III. me ka manaoio paulele, he makamaka maikai loa o Amerika no Hawaii, aole ka.  Eia mai ka ino iloko o Ianuari 17, 1893!  Ina e ola ana o Kamehameha III., a hiki ia la, a e like me ka hana ana iho nei ia Liliuokalani, pela e hana aku ai ia Kamehameha III., e manao anei kakou, e ae ana o Kamehameha III., e haawi ia Hawaii nei no Amerika.  O Aole!!  Aole loa!!!

            Nolaila, ke a'o pono aku nei makou i ko makou Lahui, e noonoo pono me ke akahele loa, mai puni i na lawe'na olelo; e i ana ua ae no o Kauikeaouli e hoohui ia Hawaii nei me Amerika, alaila, e ae wale aku no kakou i ke koi a keia poe pakaha aina.  Aole kakou e puni aku, ua loaa no ia kakou ka noonoo maikai a ke Akua i haawi mai ai ia kakou, e kupaa a e aloha nui i ko kakou aina a ke Akua i haawi mai ai na kakou.

--

Ua Hala AKu o Wm. C. Lane.

--

Ma ka hora 8 a. m. o ka Poaha nei, Dec. 26, ua oluolu i ka Makua Mana Loa, ka lawe ana aku i ke ola o William C. Lane ma kahi noho o na keiki, ma Kapalama, Honolulu, Oahu,iloko o ka piha o na makahiki he 76, me 2 malama, a me 15 la o kona ola ana ma keia ao.  Ua hanauia oia ma ka mokuaina o Nuioka ma Amerika Huipuia, na na makua Irelani, ma ka la 11 o Okatoba, 1819.  A ua hiki mua mai oia i keia Pae Aina ma ka makahiki 1843 paha, nolaila, ua piha iaia na makahiki he 52 o kona noho ana ia Hawaii nei, a ua loaa na laua he 12 mau keiki, he 6 kaikamahine a he 6 keikikane, a elua i make aku a ke koe nei he 10 poe keiki e ola hei.  He 20 moopuna ana e ola nei,a me 2 mooopuna kualua, huiia he 24.

            He kanaka lawelawe hana mau o Mr. Lane, a he makee ole aku i ka pono nona wale iho no, iwaena o kona noho ana mawaena o na hoa kanaka Hawaii maoli o ka apana ana e noho ana.

            He hookahi on a komo ana mai i Lunamakaainana no Koolauloa ma oia he Luna Helu, a Ohi Auhau hoi no ka Apana o Koolauloa, a he Luna Alanui no hoi no ia Apana ma ka wa o ke Aupuni Moi.

            He makamaka oia no na Alii e kipa aku ai, a me na mea no a pau e kipa aku ana i ona la.  Aka, ua hala akukeia makamaka hookipa aloha o na Koolau o Oahu nei!

            Mamua ae o kona make ana, ua kauoha aku oia i kana kaikamahine hiapo, a e waiho pu ia me ke kino o kana wahine aloha, Mrs. Mary K. Lane, a me na keiki elua ana, ma Makao Koolauloa Oahu nei.

            Ma ka hora 3. p. m. o ka la Sabati ae nei, Dec. 29 e malama ia ai kona anaina pule ma Kapalama.

            A ma ka hora 9 a. m. o ka Poakahi aku e kau ai kona kona kino ma ka moku, no ka hoihoi ana aku no Koolauloa.

            Aloha wale ia mau pali hauliuli ana i noho ai a kamaaina.  Aloha na kupa o ka aina e hele nei.  He kanaka aloha aina oia a me kona ohana a pau loa.

            Me ka ohana keiki a me na ohana moopuna i hoonele ia i ka makua, a me ke kupuna ole, ko makou mau manao aloha paumako ana me ko makou pule e hoomama ia mai kakou a pau loa, iloko o ko ke Akua aloha a me Kona lokomaikai.

--

            I ke ahiahi Poaha nei i hookani ia ai na bele himeni o ka luakini o Kaumakapili.

            I keia auina la a me ke ahiahi Poaono nei e haawi ai ka hui keaka lio i ka lakou hoikeike hope loa, a holo aku no Hilo.

            I ka la inehinei i hoolohe ia ai ka hihia o na haole o ka moku kuna Heneriet, e Lunakanawai Perry.

            E holo aku ka hui keka lio ma ke Kinau o keia Poakahi ae, e haawi mua ana lakou i ka lakou hoikeike ma Hilo i ka Hape Nuia.

--

W. C. Akana,

(KALAUKI.)

            He Maheleolelo mawaena o ka La

            Hawaii a me na keiki o ka Aina Pua.  He makaukau no oia i ka hana ana i na palapala hoolimalima, palapala kuai, etc., etc.  He waipahe ma na kukakuka ana.

            HORA HANA:--Mai ka hora 9 a. m a 4 p. m. o na loa noa a pau.

            Keena hana aia ma ke kihi o ke alanui Nuuanu a me Moiwahine ma kekahi keena o ka halepoahku o Mr Dimond

--

W. K. KALEIHUIA A MA J.KAMA

--

            UA HIKI IA MAUA KE KAKAU I NA Palapala Kuai, Hoolimalima, Moraki, Aelike a me na Palapala e ae o kela a me keia @ Mea Ohi a Koi Aie, huli Moolelo Aina, @ Kakau Kope, a Agena no na Wawai P@ ke Kuai a Moraki.  He oluolu ka auhau @ ke Kuka olelo ana e ike ia kakou hoaka@ o kipa hewa ke aloha ia hai.

            Keena Hana:  Aia ma kekahi Keena iluna o ka Hale o Lau Yin ma ka aoao ma Waikiki iho o ke alanui Kapuukolo Honolulu.

dec.3 6m dly wkly