Ke Aloha Aina, Volume I, Number 32, 28 December 1895 — Page 2

KE ALOHA AINA

 

2    KE ALOHA AINA, POAONO, DEKEMABA 28, 1895.

 

NA OLELO PAIPAI.

  O na poe a pau loa e makemake ana i nupepa KE ALOHA AINA.  E hoouna pololei mai i na hapalua dala no ekolu mahina ma ke Kiko Dala Hale Leta.  A ina he hookahi dala no eono malama, a he elua dala no hookahi makahiki, e hoouna mai ma ke Kikoo Dala Hale Leta, me ka unuhi ae i na uku Hale Leta.

  O keia ke alanui hele pololei o na uku nupepa e loaa mai ai ia makou, a he alanui no hoi e hiki ai ke huliia aku a loaa pono, ke loaa kekahi wahi ulia poino ma ka hoouna ia ana mai.

  Mai hopohopo oukou ma ka hoouna ana mai, ma ke kakau ana mai i ka oukou mau leta mawaho o ka wa-hi leta penei:

Joseph Nawahi,

Honolulu , Oahu.

 

KE - ALOHA - AINA.

Hoopukaia no a

Pomaikai o ka Lehulehu, a he Nupepa na ka Lahui II aii.

 

J. NAWAHI, Lunahooponopono a Puuku.

E. L. Like, Hope-puuku.

HONOLULU DEKEMABA 28, 95.

 

KA LA KARISIMAKA.

  Ua hoea mai oia me ka nani laelae, a pela no i hoomauia ai a hui hou me ke konane aiai o ka mahina.  Ua nui na ohana a me na lehulehu i hoohauoli nui ia e na makana hauoli o ke Karisimaka mai na hoa'loha mai.  Ua maikai no ia, no ka mea, oia iho la na haawina a kakou e hana aku ai i ko kakou mau hoalauna.

  Hookahi a makou mea e hauoli nui nei; oia hoi ka nui ole o na poe ona, a hoohaunaele ma na alanui o ko kakou nei kulanakauhale, e like me ko na au i hala aku.  He hoailona maikai keia, e pono e hoomahuiia e kakou e na poe Hawaii o keia au hou.

  He waiwai ole na hoolilo ana i ke dala no ka waiona, e hoopilikia mai ai i ko kakou noho oluolu ana, a me ko kakou noho hoomakaulii ana, e lilo i poe lako a kuonoono.

  Ke olelo nei KE ALOHA AINA ma o kana mea i ike pono ai me kona maka, a i lohe mai ai no hoi, a he mea kupono keia e hoolilo ia i mea e hoopau ia ai na noho pelapela ana mawaena o na ohana opiopio hou e noho nei, a e lawelawe hana dala nei no lakou iho.

  Aia kekahi poe Hawaii opio ua noho ma na oihana o ke aupuni, a ua ukuia no na $40, $60, $80 a $100 no ka mahina, a pela mau no, aka, ina e kipa aku oe ma ko lakou mau wahi i noho ai, O!  Auwe!!  Aole he wahi e moe pono ai, aole he wahi noho, aole pakaukau, aole no he umeke ai maikai me na pa.

  He hemahema loa keia poe opio Hawaii hana dala ia mau mea.  No keaha la ke kumu o keia hemahema a noho pelapela, oiai, he puu dala nui ke loaa mau ana i kela a me keia mahina?  eia no, ua pau aku la keia dala no ka rama, (no ka waiona hoi;) ka puni a na opio Hawaii e noke hoopapau mai nei.

  Nui ka hakaka a me ka haunaele o ka noho ana o na poe i hoomau ma ia mea he ona.

 Nui ko makou mahalo no ka olelo a kekahi kaikamahine opiopio i hoopuka ae ai: penei:

  "O!  E aho ko'u make e ana mamua o kuu ae ana aku e mare i kekahi kanaka ona i mea nana e hoomainoino iho ia'u."

  No keaha ke kumu o kou pane ana pela? (wahi a ka mea ninau.)  No keaha ke kumu?  No ka mea, ua ike mau au i ka pepehi hoomainoino mau ia o ko'u makuahine, e kana kane ona mau i mare hou aku ai.

  Nolaila, ke uwao mau aku nei KE ALOHA AINA  i na opio a pau o kona lahui ponoi.  E haalele kakou i na mea ona e hoilikole ai i ko kakou noho ana.

 

He Ani-Karisto Maoli.

  Ma ko makou heluhelu ana iho i na manao o ka nupepa Anikaristo, Ka Leo o ka Lahui o ka la 26 o Dekemaba nei, ua moakaka loa ke ano o kana olelo ana, he Anikaristo maoli oia.

  Eia kana mau manao i hoopuka mai nei penei:

  "Ua noho oia ma keia ao, he elua ano, he Mana Akua, a he ano kanaka, o kona aina hanau ia o Iudea, a o ka home o kona mau kupuna Alii."

  Ua hoikeia ma na moolelo ua hookahuliia ke Aupuni o kona mau kupuna, a ua lawe pio ia i Babulona, a i Roma iho mahope mai, na Alii Aimoku e noho ana ia wa.  I kona wa i hanau ia ai ma Betelehema a mahope mai, hele kaahele oia ma na wahi a pau o Iudea, hana i na hana mana kupanaha loa, a pela aku.

  "I keia wahi makou (Ka Leo o ka Lahui) i hoopohihihi loa ia ai.  Ina he aloha aina oiaio Oia, ina ua hana Oia i na hana ku i ke aloha i Kona one oiwi; hoolilo i ka mana kakauha o ka Moi o Roma i mea ole, a hoihoi hou i ke Aupuni kumu, e like me kona mau la i kinohi.

  No ka aia o Ka Leo o ka Lahui, a no kona heluhelu ole i na buke o ka Palapala Hemolele; nolaila, ua ike ole maoli oia i kana mea e olelo nei, a e kamailio nei.

  Aole anei i wanana mai na Kaula no ka wa e hanauia mai ai o Karisto?  Aole anei i hokakaia na mea a pau loa e pili ana no Kona noho ana a hoopau i Kana hana ma ke ao nei?  Aole anei i hoopukaia ka wanana no ka lukuia o Ierusalema?  Aole anei i hoike wananaia ko lakau lawe pio ia i ka aina e?

  Alaila, ina e ku mai o Karisto a hana i kekahi hana e hoole ia ai ka hooko ana i na olelo wanana a na Kaula a ke Akua; alaila, e hiki anei ke manaoio ia, he poe Kaula oiaio kela mai ke Akua mai, ka Makua o ko kakou Haku o Iesu Karisto?

  Heaha ka Karisto i olelo ai?  Eia, wahi ana:

  "Aole Au i hele mai nei e hoole i ke Kanawai a me ka na Kaula; aka, o ka hooia Ka'u i hele mai nei."

  Nolaila, he makehewa ka ninau a ka poe aia o Ka Leo, e olelo iho:

  Ka!  Ina he aloha aina oiaio Oia (Karisto,) ina ua hana Oia i na hana ku i ke aloha i Kona one oiwi.

  Ua like no a like keia ano ninau a Ka Leo, me na ano ninau a ke Diabolo ia Karisto, i Kona wa e hoowalewaleia ana ma ka waonahele.

  Ua olelo o Diabolo ia Karisto, "ina o oe ke keiki a ke Akua, alaila, e lele iho oe mai luna mai o kahi oioi o ka luakini, no ka mea, ua palapala ia, e hoouna mai no oia i na anela e hapai lakou i kou mau wawae i ole e kuia i ka pohaku."

  Pehea la?  Ua hooko anei o Karisto ia noi a Diabolo?  Aole loa!  Aole no ka hiki ole ia Karisto ke hana, aka, aole ona makemake e hoolilo i kona ano Akua i mea hoohaahaa ia ma ka ae ana aku i ka makemake o ke diabolo.

  Pela keia mau ninau kohu ole a Ka Leo, ua ike mua o Karisto i na mea a pau loa, a ua maopopo no hoi, o ka olelo wanana a na Kaula, mai ke Akua mai, na kona Uhane Hemolele no ia i hoike mai i na kaula, a ina pela, alaila, na Karisto no ia, ma Kona ano , he Akua oia.

  Alaila, e hiki anei ia Karisto ke hana i kekahi mea e kue ai i kana mea i wanana mua ai?

  Aole loa e hiki.  Aole a i ka wa pau ole.

  I ka manawa i hopupioia ai o Iesu Karisto ma ka mala o Gesetemane, a hoomaka ai o Petero e hahau i ka pahikaua e oki i ka pepeiao o kekahi mea.  Pehea la?

  He hiki ole anei ia Karisto ma o Kona ano Mana Akua ke hoauhee aku i kela poe nana Oia i hopu i kela po?  Aole loa.  Ua hiki Iaia ke hoolilo i na mea Mana a pau loa, o ka Lani a me ka Honua nei i mea ole loa, iloko o ke sekona hookahi.

  Aka, i lohe mai Ka Leo aia aole o Karisto i hana ia mea.  No keaha la?  No ka mea, e pono e make ka Mesia, oia o Karisto, i mea e ko ai ka ole lo wanana a na Kaula.  A ma ia mea, ua ae maoli aku o Karisto i kona make ana maluna o ka laau kea.  Oia la!  I lohe Ka Leo hoole Akua.

  Ua olelo o Karisto i na poe Iuelaio:  "Ua lalau oukou no ka ike ole i ka Palapala Hemolele."

  Pela KE ALOHA AINA e olelo aku nei:  Ua lalau Ka Leo o ka Lahui, no kona hoomaopopo ole i ko Karisto aloha aina.

 

E HOAO LAKOU E ALU LIKE.

Aole loa o Makou mea e Kuemi Hoe ai.

 Ua hoomaopopo aku makou ma na kamailio ana, a ma na hoike manao malu ana aku a kekahi poai, o na poe i makemake e pepehi i ka nupepa KE ALOHA AINA.

  Haohao makou i ka hoea ana mai o ia mau manao a me ia mau kuka ana, mai kekahi o na poe Hawaii ponoi, i hapai mua e keia hana mamua aku nei, a i kokua ia hoi e makou a me ka lokomaikai o na mea a pau.

  Ua ike makou, he hana nui a koikoi ka hapai ana ae e hoolaha i nupepa mawaena o ko makou Lahui Hawaii.

  No keaha la?  No ka mea, iloko no o ke kokua nui ia o na poe nupepa mua i hoolahaia, me na haneri a me na tausani dala.  Aia hoi ua make wale iho la ka nupepa, a ua hoopaaia iho la na mea a pau loa.  Paa na mea paahana, pau na limahana, a nele aku la na poe lawe nupepa i ka nupepa ole.

  Ua ike aku makou i ka hemahema a me ka haunaele o ka noho lehulehu ana o na poe ona, a me ka hookele o ia mau nupepa; a ua lilo aku ko makou mau dala i kokua ai, ma ke ano mahele iloko o ia mau nupepa i mea ole, a ua poino pu no hoi me ka hiki ole e panai ia na poe i hookaa mua i na dala no ka makahiki holookoa.  Ua pau ia, a ua ikeia na hookele ana o na poe he lehulehu wale ia hana, he hemahema a me ka hawawa loa.

  He hookahi no kumu o ia popilikia nui, ua lehulehu ka poe like ole na ike hana e hookele ana.

  He mea kakaikahi loa ka loaa ana he elua a ekolu a oi aku ike like ole iloko o kekahi kanaka e hapai ana i ka hana i pili ana i keia mea he hoolaha nupepa.

  O ka loaa o na ano ike okoa loa, e pili ana iloko o ka oihana hookahi he mea kokua nui loa kela ia hana; a he nea e hoemi ai i na hoolilo ana iloko o ka wa hune o ka aina.

  Pela i hiki ai i ka h@  hoomau aku i ka hana @  o ka ai pakiko ana, e @  ke au o keia ola ana ana@ 

  O ko makou kumu p@  oia no ke kuleana ole o@  kokua ole i ka hana, a @  hapai nei maluna o ko @  mau kipoohiwi ponoi iho @ 

  Ke hoomaikai ae nei @  makou i ke Akua, no@  haawi ana mai ia make@  wale iho no, i ka ikaika @  welawe ai i keia hana @

  No ke Akua ko mal@  ika, a Nona hoi ka@  hana e hana nei, a N@  ka Lahui Hawaii a @  hoolawa aku nei, i ka@  uhane a me ka manao, @  ia lakou ka ike ana i na @  pau a puni ke ao nei @

 

HE MEA HOOPILIKIA

  Mamuli o ko makou @  no ana i ka hana man@  kiekie a kekahi mea @  kaa basa, e holo mau nei @  alanui Moi no Kalihi @  hookele ana ma kekahi @  Hui Alanuikaa o Honol@  a o kona inoa oia no e @  (k).  Ua hiki ole ia na@  manao aku, ua kupono @  hana, mahope iho o ka@  hoopuka ana i na hauole @  pono ole ia makou @ 

  He oiaio ka ole he h@  ke haawi mai i na tikiki @  hi dala, no na poe e k@  ma na wahi kokoke a no @  keneta, aole e loaa hou @  2½ keneta panai hoike @  ka mea haawi aku.

  Ua pinepine ko makou @  nele ia i ka 2½ keneta @  hoihoi mai.

  I ko makou wai nina@  aku ai ia Paawela, ole @  aia a mahope, hala ia @  no, like pu no ka olelo @  ana tikiki panai.

  Ninau aku makou ao @  aole oe i hoolako ia e @  na kaa e ae?  Ua paa@  oia; oia iho la no ka'u @  aole au e lawe tikiki.

  He nui na olelo poo@  keia kanaka o Paawela @  manao makou, he kaua @  lohe pono oia i na ka@  kona haku, a nolaila, @  ua Paawela nei e holo @  kaa ia no ka poe elima @  wale no, aole e hoiho@  mai na 2½ keneta ke @  kana kaa, e like me na@  ae, oia laina like no.

 

  Ma ke aumoe, hora 11 @  Poakahi nei, i ku mai ai @  Mana Loa i ka hanu ola o @  kamalei i minamina nui @  Apua, a waiho iho la i kona @  anuanu aa na makua a me @  paiauma aku.  Ma ka auwa@  loa ae i nalo aku ai ma ka @  He hookahi no mahina ka@  i na ea o keia ao a makee@  no ka Makua Mana Loa, a @  e hoomama mai i na maka @  Mrs. a me Mr. Rose Apiki @  kupuna.