Ke Aloha Aina, Volume I, Number 18, 21 September 1895 — KA HOOMALU ANA. [ARTICLE]

KA HOOMALU ANA.

i Ke koi nei kekahi poe, a pela hoi ka manao o ke- . kahi lala o ka Papa Komite Ola i kohoia ia e ka Papa Ola, me ka manao o ka hoomalu holoohoa i ke kulanakauhale o Honolulu no kekahi mau la, a, pule a mau pule paha, oia ke kumu e pau koke ai ka laha ana o keia mai kolera. He oiaio paha ia, aole no paha ? Ina e manaoio ia ka hoike a na kauka o ka Papa Ola, i olelo ai, aole keia he mai lele, alaila^heaha- hei 4ra '"wāTwal o ka hoomalu ana? Ina he loaa ke kanaka i ke kolera no ka maikai ole o kana mea e ai ai> jalaila, heaha ka mea e hoomalu ia ai ka poe he ai maikai ka lakou? He oi pono e kohoia o na komite e nāna ma na kauhale i ka maikai o na mea ai, alaila, o ka poe i ai i na mea a ke kolera e pipili mai ai, e hoolakaia aku me na mea ai kupono loa, e like me ka kela poe e ai mai la, Ina no e hoomaluia na apana a mahele ia i mau pa heomalu, me ka papa ikaika loa e hele mai kekahi wahi a kekahi wahi, ke olelo aku nei makou, he mea ole loa kela, ina e komo iho ana keia ma i e laha nei. Aole kakou i ike i kona wahi e hele mai ai, aole hoi i kona e hele aku ai. Oka loaa ana iho, oia ka kakou e ike aku ai, ao ka make ana mai oia ka kakou e ike aku ana, e lawe ia ae ana e kanu, He hiki i ka ma'i ke iho mai mai ka lewa lani mai, a ke hoea ae malalo o ka honua, a ke hele ioaianei, owai ka mea i ike aku ? .. ■■ ■ ■; Aohe ike o na Kauka o ka Papa Ola i ka laau lapaau e hoola ai i keia ma'ii aole no a lakou hoolaha e olelo mai ana, eia ka laau e ola ai keia ma'i. Aole loa. Oki loa aku keia mau manao ana o kekahi poe e koi nei, e hoomalu piha i ke kulanakauhale holookoa. No keaha ? He mea hoopilikia wale iho no ia, aole no he mau hua e loaa mai ana no ke ola ma ia mea, aka, he pilikia no ka lehulehu ke hoea mai ana.