Ke Aloha Aina, Volume I, Number 9, 20 July 1895 — Page 6

KE ALOHA AINA

 

            6                                                                      KE  ALOHA  AINA,  POAONO,  IULAI  20,  1895.

 

maoli, he mau mea kohu ole no ia i ko ke Akua poe kana.  No ka mea, o keia mau kanawai i kapaia  " Na Kanawai he Umi, " oia no ke kumukanawai o ko ke Akua aupuni, a he mea kohu ole i kona poe kanaka ke noho me ke kue i Kona kumukanawai.

            Ma ka hoopili ana ae, ua hiki ia kakou ke lawe pakahi mai i kekahi mau manao maanei:

            1.  O na ano kolohe a pau, ina paha he kolohe ma ke kino, a ma ka waiwai, wahahee, hoina wale i ka inoa o hai, na hana apiki a me na kolohe e ae he kohu ole keia mau mea i na hoahanau  ekalesia.  No ka mea, heaha ke kuikahi ana o ka pono me ka hewa ?

            2.  Na olelo ino a pelapela, ke kuamuamu, hailiili, huhu a pela aku, he kohu ole i na Kristiano oiaio.  No ka mea, o na ano no ia o na poe e noho ana ma ka pouli, a pehea la hoi e kohu like ai ka malamalama me ka pouli ?

            3.  O na manao o loko kekahi, aole o na hana o waho wale no.  Na manao ino, ka hoopunipuni, huwahuwa, hoomauhala, a o na kuko pono ole, kohu ole keia mau mea ke hookamaaina ia iloko o ka naau Karistiano.  No ka mea, he anoano ia o ko Beriela poe, oia hoi ko Satana poe.  A heaha hoi ka manao hookahi ana o Karisto me Beriala?                                    (  Aole i pau. )

---

Ka  Haiolelo  Makahiki  a  ka

PERESIDENA

 

O ka Ahahui Hoolauna a Hoo-

laulea a na Opio o ka Eka-

lesia Hoolepopo o Waialua.

 

JULY  11,  A.  D.  1895.

 

---

            E na Lala o ka Ahahui, na makamaka a me na hoaloha; ---Aloha oukou.---

            O keia la a kakou e akoakoa nei me ka maluhia, oia no ka la o ka piha ana o ka makahiki hookahi o ke ku ana o keia Ahahui, i hookahuaia a kukulu ia ma ka la 11 o Iulai,  1894 i hala, maloko o ka luakini Liliuokalani, e kekahi mau opio kakaikahi wale no oukou, a hiki mai i keia la, ke hoomanao nei kakou me ka naau hauoli no ka piha ana o ka makahiki hookahi.  Ua olelo ae nei au, he kakaikahi wale no na opio nana i waele mua i ke kahua o ke kukulu ana i keia Ahahui i kinohi, he olelo oiaio no ia.  Aka, me ka haaheo au e hoike ae ai imua o oukou i keia la, ua nui, ua mahuahua, a ua makolukolu maoli ka heluna o na lala o keia Ahahui, e like me ka nui a me ka heluna o oukou i keia la.

            O ka kakou Ahahui e ku nei, aole ona kumukanawai a me na rula @ palapala ia e like me ko na ahahui e ae i kukuluia o kela a me keia ano.  Aka nae, ua nele io anei kakou i ke kumukanawai ole?  Aole.  Aole loa no.  Ua makaukau a ua lako maoli kakou me kekahi kumukanawai oi aku o ka nani i palapala ia a paa loa iloko o ko kakou mau puuwai pakahi, oia hoi keia---Ke Aloha i ke Akua a me ke Aloha i ka hoalauna, a o na rula hoi malalo aku oia kumukanawai e hiipoi ia nei e kakou, oia ka rula o ka hoomanawanui, ke kuikahi a me ka lokahi.  A malalo o ko kakou malama laahia ana i ke kumukanawai a me na rula iloko o ko kakou mau puuwai, oia ke kumu a me ka @mole o ke onipaa ana o ko kakou Ahahui i keia makahiki opiopio mua loa.  A iloko hoi o na makani hele huhu a pau e pa lauwili ana o ka hoino ia, a me na kuakualau o ka hoowahawaha, na ao hakumakuma o ka hoohenehene, a me ka uhi paapu o ka uwahi pouli o ka hoole Akua, a e @ okoa mai ana no ka leo o ka poe hoonaaikola i kela mau olelo, " he hana kamalii, he ulu lau wale iho no a pau wale ae, aohe oiaio, "   E o ʻ u mau pokii o ka Ahahui---imua aku a kau ae ka hae aulii nani o ka lanakila.

            O ka manao a me ka makemake maoli o ko oukou mau puuwai o ke kukulu ana ae i keia Ahahui, oia no ko oukou aloha, a e ake nui ana e loaa ko oukou mau hoaloha e hele hewa ana iloko o na lealea o ke kino, a e koi aku ana e hui mai a e launa pu me oukou no ka pono a me ka pomaikai o ka uhane.  Ua hoala ia e oukou na anaina hoolaulea, na aha mele hoolauna, na anaina haipule a me ke kai huakai ana ma na anaina komo kauhale.  He oiaio, ua loaa io ia oukou na hoaloha a me na makamaka a o lakou kai hoopiha nui ae i ko kakou mau anaina hoomana a me ke Kula Sabati, a ua hookomo hou ia aku kekahi poe o lakou iloko o ka Ekalesia ma ka hoike manaoio.

            Iloko o keia makahki opio mua loa e o ʻ u mau pokii o ka Ahahui, aole loa no i nele ke ko ana o na iini a me na ake ana iloko o ko oukou mau puuwai, no ka mea o na hua anoano liilii a oukou lulu aku ai, aole loa no ia i helelei iho ma kahi o ka lepo papau @ana, ua helelei ilio no ia ma kahi hohonu a momona o ka lepo, a omamaka ae la me ka uliuli lipolipo o na lau a hoohua mai la i na hua he pa tausani.  Pomaikai, Pomaikai wale e o ʻ u mau pokii o ka Ahahui.

            Ma keia makahiki holookoa e piha ana i keia la, ua malama ia e oukou na Po Aha Mele he 13.  He 11 i Waialua nei, 1 ma ka Ekalesia o Waikane, Koolaupoko. 1 ma Waianae, a ma ia Ekalesia, ua kukulu maoli ia aku he ahahui e like me keia, na ka hope peresidena o keia ahahui, ua kohoia na luna nui a pela aku.

            Ma keia hoala ana a oukou e na opio i keia mau hana, aole no i ku a nana wale mai na makua oiaio o ka pono i ka oukou mau lawelawe hana ana, aka, ua komo pu mai la lakou me oukou me ka puuwai lokahi like, a auamo pu i ke Kea Aloha o Iesu Karisto, a lilo ae la keia hana nui i mea liilii wale no, a o ko lakou mau la hapauea i ikeia, ua loli ae la a he opio ma ka olelo ana, pela i ko ai ka mea i palapala ia;  " Ina iloko o Karisto kekahi kanaka, he mea hou oia. "

            Eia ke hoomanawanui pu nei me oukou ma keia hana nui a e alo pu ana hoi i ka wela nopu hulili o ka la a me na po hui anu o ka aina, a he oiaio, aohe hana nui i ke alu like, e like me ka mea i oleloia---"He oluolu ka ʻ u auamo, he mama hoi ka ʻ u ukana. "

            O na hana a keia Ahahui a oukou i kukulu iho nei, ua like no ia me ka ipukukui i hoopiha ia i ka uwila, a kau ia ma kahi kiekie iwaena o na Ekalesia Karistiano ma na Kai Ewalu o Hawaii nei,  Pela i ko ai ka mea i palapala ia---"O oukou no ka malamalama o ke ao nei, o ke kulanakauhale i ku ma kahi kiekie aole loa ia e nalowale.

            Ma ka halawai kuikawa o keia Ahahui ma ke ahiahi o ka la 8 iho nei, ua hooholoia e malama ia i paina luau no ka piha ana o ka makahiki o keia Ahahui, ma ka home o kekahi lala koikoi oia o Jno. Ahina Esq., a oia ka kakou a pau i akoakoa mai nei i keia la me ka pumehana o ke aloha.

            E na Lala o ka Ahahui.  E hoonani nui aku kakou ia Iehova o na kaua, no Kona malama ana mai ia kakou i keia makahiki, a iloko hoi o Kona lokomaikai i kaupalena ole ia, ua loaa ka ikaika kupono o ke kino, a me ka noonoo i kupono no ke kanaka, a me ke kokua ana mai o Kona Uhane Hemolele ma ka hooholomua ana i na hana no Kona aupuni ma ko kakou aina aloha.

            Ke haawi aku nei au i ko ʻ u mau hoomaikai ia oukou, mamuli o ko pukou lilo ana he mau keiki hoolohe a hooko kauoha pololei.  Me ia haawina hookahi o ka mahalo kiekie maluna iho o ko kakou makua Rev. E. S. Timoteo, ka mea i hanai mai ia kakou i ka olelo a ke Akua, ke kuhikuhi pololei a alakai naauao.

            Ma ka hoopau ana i keia, ke paipai nei au ia oukou a ia kakou a pau,---E hoomanawanui hou aku kakou i keia hana no keia makahiki ae, a e hoomanao pu iho no hoi, o ka 2 ia o na pohaku mile ma ko kake alahele oiai, ua kukulu a hoopaa iho nei kakou i ka pohaku mile ekahi i keia la.

            A maluna ae o na mea a @p  e ku ae a e hoomau aku kake i kela pohaku mile nani alohilohi e ku kiai mai la ma ke kulanakauhale o Ierusalema, oia iho la ka palena o ka hoomanawanui ana i na popilikia me na hoinoia mai.  A no ka mea hoi, aole kakou e @hakoke ana me na mea i ʻ o a me na @m  koko, aka, me ke alii nui o @ka hewa oia no ke Diabolo.

            E hoomau i ka paa ana o ka hipuu o ke kaula gula o ke aloha mawaena o kakou a pau.

 

Owau, me ka haahaa,

SOL.   H.   @KALAMAKEE

Waialua,  July 11,  1895.

---

Heaha  Hoi ka Manao ?

---

            I ka manawa i lohe ia ai ka manao mai o Enelani me kona mau.  Panalaau i ka uwea mua moana ma kahi mokupuni e kokoke ana i na paeaina o Hawaii nei, aia hoi, i ka wa a @ka mokukaua Champion i holo @  ai no ia wahi ( ka mokupuni Neka hoi ), ua auau e aku la @k  mana Aupuni Nohomanawa @   wa, a kukala ae la no lakou i mokupuni.  Hookahi wale @no kumu o keia hana, no ka mea ua manao lakou he mokupuni waiwai loa ia, mamuli o ka @p 

lihi ana iho o ke kaula @uwe uila ahai olelo maluna ona.

            Ua hanaia keia mea, i mea ae mai ai ka poe e hookau aku ana i ka uwea maluna o ua mokupuni la, aka, heaha ka hope na?  Eia ua ahai loa ia aku la ka hookau ana i ka uwea iluna o kekahi mokupuni okoa loa, @e noho ana malalo o ka hoomalu ana o Enelani, oia ka mokupuni o Fanning, he 1,100 mile ma ka hema komohana aku nei o Hawaii.

            Ua nele mai la kakou! @Alaila, hapai hou ia he Bila Kanawai e hoohoihoi hou ana i ke aupuni, a i ka Hui paha, nana ae mai e hoomoe i ka uwea maluna o Hawaii nei!  Ua @hiki hoi ia!  A ke olelo nei ke Kuokoa, ua holo aku nei ke Kuhina Kalaiaina, e lawe hou ma kekahi ahua akoakoa hou?  Mahea la ia ?  Alaila, heaha la @ke ano o na hana e hooko ia @nei

            Ina he kono aku i @kekalu   @puni e komo mai, a e @kuku    laina uwea, alaila, ia wa hookahi no holo aku la e @kukala @  hookaawale aku na aupuni e pau mai ia Hawaii aku.  No ka mea, nona o Hawaii a na  @  ailana ana lawe mai ai?  @Heaha la ia ano hana?

---

            Ua hoea hou ae ka mai @Korela ma kekahi mau wahi o @Kona, he mau haneri i loaa i keia ano mai, a ua pau kekahi poe i ka make.