Ke Alaula, Volume III, Number 7, 1 October 1868 — Page 28

Page PDF (377.83 KB)

28 KE ALAULA.

 

MELE ANEI MA KA LANI!
SHALL WE SING IN HEAVEN?—Golden Chain.

1. Me - le a - nei ma ka la - ni? Ma ia ao, ma ia ao? Me - le a - nei ma ka la - ni, Ma ia ao mai - kai? HUI. Me - le mau ma ia ao, Ia ao mai - kai; Mau, a mau ka mi - li - la - ni Ma o ao o Io - re - da - ne; Me - le mau, a - lo - ha na - ni Ma ia ao mai - kai.
2. Pau anei koonei kaumaha
Ma ia ao, ma ia ao?
Pau anei koonei kaumaha
Ma ia ao maikai?
HUI.—Pau mau no, ma ia ao,
Ia ao maikai,
Na kaumaha, a maha nani
Ma o ae o Ioredane,
Naha mau a hiolani
Ma ia ao maikai.
3. Huipu anei na keiki
Ma ia ao, ma ia ao?
Huipu anei na keiki.
Ma ia ao maikai?
HUI.—Hui ao ma ia ao,
Ia ao maikai.
Na makua, na keiki lani
Ma o ae o Ioredane,
Hui mau a mele nani
Ma ia ao maikai.
4. Hui anei na haumana
Ma ia ao, aia ia ao?
Me na kumu, a hoonani
Ma ia ao maikai?
HUI.—Hui no ma ia ao,
Ia ao maikai.
Na haumana, a hoonani
Ma o ae o Ioredane,
Me na kumu ano lani
Ma ia ao maikai.
5. Ike anei ia Iesu la
Ma ia ao, ma ia ao?
I ka mea i hoola,
Ma ia ao maikai!
HUI.—Ike no, ma ia ao.
Ia ao maikai.
I ke Ola Iesu nani
Ma o ae o Ioredane,
I ke aloha, a hiilani
Ma ia ao maikai. H. M. H.

KULA POKII.

SABATI I.
KA AHAAINA HOPE.—IOANE XIII: 21-30.

1. Heaha ka Ie su i ike ai no Iuda Isekariota?
Ike oia i kona manao e kumakaia ia ia.
2. Pehea ka Iesu pane ana i ka wa e noho pu ana ia me kana mau haumana?
E kumakaia ana kekahi o oukou ia'u i ka lima o na kanaka hewa.
3. Kaumaha loa iho la lakou, a pehea ka ninau ana mai?
Ninau mai kela mea keia mea o lakou, Owau anei? O wau anei?
4. Hoike koke anei o Iesu ia lakou i ka mea e hana ana ia hewa?
Aole.
5. Owai ka i ninau malu ia Iesu?
O Ioane.
6. Pehea ko Iesu pane ana ia Ioane?
O ka mea e hookomo pu ana i kona lima me au iloko o ke pa; o Iuda no ia.
7. O ka hele aku ae ia o Iuda ihea ?
Hele kela e hoike i na enemi kahi e loaa aku ai o Iesu.

SABATI 3.
KA AHAAINA A KA HAKU. - MATAIO XXVI: 26 - 36. IOANE XIV: 1-4.

1. A pau ka ai ana o lakou, heaha ka Iesu i hana ai?
Lawe kela i apana berena a wawahi liilii a hanai i na haumana.
2. A pehea kana olelo?
E lawe oukou, e ai; o ko'u kino keia; e kokoke ana au e make.
3. Heaha kana i ninini ai i ke kiaha?
He waina.
4. Pehea kana olelo no ka waina?
O ko'u koko keia; e make ana au, a e kahe ana ko'u koko. E inu me ka hoomanao mai ia'u. ''
5. Pehea hou ka Iesu pane ana?
Aole e ai pu hou au me oukou, mamua o kuu make ana, e hoi ana au i ko'u Makua, a mahope hoi hou mai io oukou.
6. Pehea la i hoopau ia ka ahaaina?
Himeni ae lakou, a hele aku.
7. Pane mai o Iesu, e make ana au i keia po, a e pau oukou i ka haalele mai ia'u. Owai ka i hoole?
O Petero. Olelo oia, aole au e haalele ia oe a make pu.
8. Pehea aku o Iesu ?
I keia po no e hoole oe ia'u mamua o ka o-o-o ana o ka moa.

SABATI III.
KA MAHINA AI. - MAT. XXVI: 30 - 57. IOA. XVIII: 1 - 12.

1. A hele aku lakou mai ka ahaaina aku, pehea ko Iesu kamailio ana?
Hooluolu kela i kana mau haumana, me ka olelo e hoomakaukau oia i wahi no lakou ma ka hale o kona Makua; A e hoouna mai i kona Uhane e noho pu.
2. A hiki aku lakou ihea?
I kekahi mala, kahi a Iesu i hele pinepine ai me kana mau haumana, a ua ike o Iuda ia wahi.
3. Ihea o Iuda ia manawa?
E ohumu pu ana me na enemi o Iesu, no kona uku ke hopu oia ia Iesu.
4. Hoonoho o Iesu i ka nui o na haumana, a lawe pu me ia e ekolu, ma kahi kaawale iki ae. Owai kana i lawe?
O Petero; i Iakobo a me Ioane.
5. Pehea kana olelo ia lakou?
Ua kaumaha loa kuu uhane. E noho oukou maanei e pule, mai hiamoe, a e hele au mao e pule ai.
6. Pehea ko Iesu pule ana?
E ko'u Makua, e hoopakele ia'u i ka make, aka hoi, aia i kou makemake, aole i ko'u.

SABATI IV.

1. I ko Iesu pule ana ma ka mala, heaha ka i puka mai ma kona ili?
No ka nui o kona kaumaha, puka mai ke kuko ma ka ili.
2. Pehea o Petero, Iakopo a me Ioane?
Hiamoe lakou a hoala hou o Iesu, me ka olelo aku e pule.
3. Owai ka hele mai a hooikaika ia ia ia manawa?
He anela mai ka lani mai, a hoi koke no ka anela.
4. Pehea na haumana a pau ia manawa.
Pau lakou i ka hiamoe, a hoala aku o Iesu ia lakou.
5. Owai ka i ike ia ia manawa e hele mai ana ma ka mahina ai?
O Iuda a me kekahi lehulehu o na maka, me ka pahi kaua a me na ihe.
6. Pehea ka hana hookamani a Iuda?
Hele mai ia a honi ia Iesu.
7. Ike o Iesu i ke ano o ka Iuda hana; holo anei ia?
Aole la i holo.
8. Pehea kona ninau?
Owai ka oukou e imi nei?

SABATI V.
KA HOPE IA ANA O IESU. - MATAIO XXVI: 47 - 57.

1. I ko Iesu ninau ana, owai ka oukou e imi nei pehea ko lakou pane ana?
Ke imi nei makou ia Iesu.
2. A pane ae kela "owau no ia," pehea lakou?
Emi hope lakou a hina ilalo.
3. A ala mai lakou, pehea ka Iesu pane ana?
E lawe no oukou ia'u, aka e hookuu oukou i ka'u mau haumana.
4. Pehea o Iesu i hoomanao ai i kana mau haumana i kona wa e pilikia loa ai?
He hana aloha maoli keia ia lakou, ua makau loa lakou e ake ana e holo.
5. Pehea ka hana a Petero?
Lalau oia he pahikaua a oki iho i ka pepeiao o kekahi o ka poe i hope ia Iesu.
6. Pehea ko Petero manao?
E kaua maoli no.
7. Pehea aku o Iesu ia Petero?
E waiho ae i ka pahikaua: He nui na tausani anela a ko'u Makua e haawi mai ai ke noi aku au ia ia: aole nae pela kuu manao.
8. Pehea aku o Iesu.
Hoola kela i ka pepeiao o ke kanaka i moku ia Petero, a hele pu ia me ka poe i hoopaa mai ia ia.

KE ALAULA,
He Nupepa Hoikeike Kii,
Hoopuka mau ia ma Honolulu, i kela malama keia malama o ka PAPA HAWAII, no na Kamalii Hawaii.

                25 keneta ka uku no ka makahiki no ka pepa hookahi; 20 keneta pakahi ka uku no na pepa he iwakalua a oi aku paha ma ka ope hookahi, ME KA HOOKAA MUA IA MAI.
O. H. KULIKA, Luna Hoopuka.